JENESIS 6:5 - Khasi CL Bible (BSI)

⁵ Haba U Trai u la ïohi haduh katno ka jingsniew jong uwei pa uwei u briew ha ka pyrthei bad katno ki jingmut jingpyrkhat bymman jong ki ha ki por baroh,

KA BAIBL

⁵ Te U Trai u la ïohi ba ka jingleh bymman jong u briew ka la khraw eh ha ka pyrthei, bad ba ka jingthmu baroh ki jingpyrkhat ka dohnud jong u ki la long bymman ha la ka sngi.

JENESIS 6:5 ပူးပေါင်းရင်းမြစ်များ

JENESIS 13:13

bad u la sher dara hajan ka Sodom, kaba ki briew jong ka, ki la long kiba bymman bad kiba la leh pop pyrshah ïa U Trai.

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

Ka Kitab U Job 15:16

Bad ngi dih ïa ka jingbymman la kum ba ka dei ka um; ho-oid, ngi long kiba bamsap; ngim dondor ei ei.

Ka Kitab U Job 22:15

Hato phi la kut jingmut ban ïaid ha ki lynti kiba ki briew basniew ki ïaid borabor?

SALM 53:2

U Blei u jngoh na bneng ïa u khunbynriew ban khmih lada don mano mano bastad, bad ba mane ïa U.

EKLESIASTIS 7:29

Kane ka long baroh kaba nga la tip: U Blei u la thaw ïa ngi kiba synlar, hynrei ngi la pynjyrthiaw shibun eh ïa lade.

EKLESIASTIS 9:3

Kawei ka kupar ka wan kumjuh ha baroh, bad kane ka long kaba bakla kum kano kano kaba jia ha kane ka pyrthei. Katba ki briew ki dang im, ki jingmut jingpyrkhat jong ki, ki dap da ka jingsniew bad ka jinglamwir, bad kynsan kynsan ki ïap.

JEREMAÏAH 17:9

“Mano ba lah ban shemphang ïa ka dohnud briew? Ym don kano kano kawei pat kaba shukor katta katta; ka pang jur eh ban ïa kaba ïoh jingkoit.

JEREMAÏAH 4:14

A Jerusalem, to sait noh ïa ka jingsniew na ka dohnud jong pha, khnang ba pha lah ban ïohlait im. Sa katno phan dang ïai pyrkhat ïa ki jingpyrkhat bashlei da ka pop?

ESEKIEL 8:12

U Blei u la kylli ïa nga, “Ko khun u briew, me ïohi aïu ki rangbah Israel ki ïaleh ha kaba rieh? Baroh ki ïamane ha ka kamra kaba dap da ki dur bleithaw. Ka jingpynksan jong ki ka long: ‘U Trai um ïohi ïa ngi! U la iehnoh ïa ka ri.’ ”

ESEKIEL 8:9

U la ong ha nga, “Rung shapoh, bad peit ïa kaba sniew, ïa kiei kiei kiba ijli ba ki ïaleh hangta.”

MATHAÏOS 15:19

Namar na ka dohnud jong u ki mih ki jingpyrkhat basniew kiba ïalam ïa u ban pynïap briew, ban klim, bad ban leh ïa kiwei kiwei ki kam bajakhlia; ban lute, ban lamler, bad ban kren sniew ïa kiwei.

MATHAÏOS 24:37

Ka jingwan U Khun U Briew kan long kum kaei kaba la jia ha ka por u Noah.

LOUKAS 17:26

Kumba ka la long ha ka por jong u Noah kumta kan long ha ki sngi jong U Khun U Briew.

DEUTERONOMI 29:19

Pynthikna ba yn ym don hangne mynta ka sngi uba ïohsngew ïa ki ktien jong kane ka jutang, pynban uba pynngeit ïa lade ba kaei kaei kan ym jia ïa u wat la u ïaid mon da ka dohnud kaba mutlop. Ka jingmih na kata kan long ba phi baroh phin jot thiaw, kiba bha bad kiba sniew kumjuh.

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.

1 PETROS 3:20

Kine ki la long ki mynsiem jong kito ki bym shym la kohnguh ïa U Blei mynba u la ap da ka jingshahslem ha ki sngi ba u Noah u dang shna ïa ka ïinglieng jong u. Ki briew kiba don tang khyndiat ha ka ïinglieng — phra ngut ha baroh — ki la lait im da ka um,