JENESIS 6:17 - Khasi CL Bible (BSI)

¹⁷ Ngan sa pynshlei ïa ka pyrthei da ka um ban pynduh noh khoit ïa ki kynja ba-im baroh. Baroh kat kiba don ha ka pyrthei kin ïap.

KA BAIBL

¹⁷ Namar, ha khmih ma nga, ma nga hi keiñ, ngan sa wallam ïa ka jingshlei ki um halor ka pyrthei, ïa ka ban pynduh noh ïa ka doh baroh, ïa kat kiba don ka jingpyrsad ka jingim ha ki, napoh ka suiñbneng; te kin sa ïap kiei kiei baroh katba don ha ka pyrthei.

JENESIS 6:17 ပူးပေါင်းရင်းမြစ်များ

JENESIS 2:7

Nangta U Trai U Blei u la shim katto katne ka dewmet na ka khyndew bad thaw ïa u briew na ka; u la pyrsad ka jingpyrsad ba ai jingim ha ki thliew khmut jong u bad uta u briew u la kylla long u jingthaw ba-im.

JENESIS 6:13

U Blei u ong ha u Noah, “Nga la kut jingmut ban pynduh noh ïa ki briew baroh. Ngan pynjot thiaw ïa ki namar ka pyrthei ka la jyllei da ki kam leh jubor jong ki.

JENESIS 6:16

Thaw ruh ka tnum ïa kata ka lieng bad pyllait jaka kumba sawphew saw sentimitar hapdeng ka tnum bad ki krung. Shna ïa ka lai mala bad buh ïa ka jingkhang ha krung jong ka.

JENESIS 6:7

La pyndap ïa u da ka jingbabe, kat haduh ba u la ong, “Ngan pynduh khoit ïa kine ki briew kiba nga la thaw, bad ruh ïa ki mrad bad ki sim, naba nga la sngewsih ba nga la thaw ïa ki.”

JENESIS 7:15

U shynrang bad ka kynthei na kawei pa kawei ka jait jingthaw ba-im ki leit rung shapoh kata ka lieng bad u Noah, kumba U Blei u la hukum.

JENESIS 7:17

Ka jingshlei um ka la neh sawphew sngi, bad ka um ka la nang jylliew kat ban pynper ïa kata ka lieng.

JENESIS 7:4

Hynñiew sngi naduh mynta ngan pynhap ïa u slap ha ka khyndew sawphew sngi bad sawphew miet, khnang ban pynduh khoit ïa ki jingthaw ba-im baroh kiba nga la lah thaw.”

JENESIS 9:9

“Mynta ngan pynlong ka jutang bad phi lem bad ki khun ki ksiew jong phi,

Ka Kitab U Job 22:16

Wat ha shuwa ba ka por jong ki kan wan, ki la shah rong noh da ka jingshlei.

SALM 107:34

U pynlong ïa ka khyndew basboh ban kylla ri khlaw mluh namar ka jingbymman jong kito kiba shong hangta.

SALM 29:10

U Trai u synshar halor ki um kiba jylliew; u synshar kum u syiem junom.

EKSODOS 14:17

Ngan pynmutlop haduh katta katta ïa ki nong Ijipt ba kin beh nadien jong ki, bad ngan ïoh ka jingpyndonburom da ka jingjop jong nga ïa u Pharaoh, ïa ka kynhun shipai jong u, ïa ki kali ïapom jong u, bad ïa ki nongñiah jong u.

ISAÏAH 51:12

U Trai u ong, “Nga long uta uba pynkhlaiñ ïa phi. Balei phin sheptieng ïa u briew u bym im junom, u bym kham neh ban ïa u phlang?

ISAÏAH 54:9

“Ha ka por u Noah nga la kular ba ngan ym pynshlei shuh ïa ka pyrthei. Mynta nga kular ba ngan ym bitar shuh ïa pha; ngan ym mai ne pynshitom ïa pha.

ESEKIEL 34:11

“Ma nga U Trai Nongsynshar, nga ïathuh ha phi ba nga hi da lade ngan wad ïa ki langbrot jong nga bad sumar ïa ki.

ESEKIEL 34:20

“Kumta mynta, ma nga, U Trai Nongsynshar, nga ïathuh ha phi ba ngan bishar hapdeng jong phi ïa ki langbrot kiba khlaiñ bad ki langbrot kiba tlot.

ESEKIEL 5:8

Bad kumta ma nga, U Trai Nongsynshar, nga la ïathuh ïa pha ba nga long u nongshun jong pha, nga ai ka jingbishar ïa pha ha kaba baroh ki jaitbynriew kin ïohi ïa kata.

ESEKIEL 6:3

Ïathuh ïa ki lum ka Israel ban sngap ïa ka ktien jong U Trai — ban sngap ïa kaei kaba ma nga, U Trai Nongsynshar, nga ong ïa ki lumbah, ki lumrit, ki khap maw bad ki them: Ngan phah ïa ka waitlam ban pynjot ïa ki jaka ha kiba ki briew ki mane bleithaw.

HOSIA 5:14

Ngan tur ïaleh ïa ki paid Israel bad Judah kum u sing. Ma nga hi da lade ngan patar lyngkhot ïa ki, bad nangta ngan iehnoh ïa ki. Haba nga patan tyngeh ïa ki, yn ym don uba lah ban pyllait ïa ki.

LEBITIKOS 26:28

te ha ka jingbitar ngan phai pyrshah ïa phi, bad sa shisien ngan pynshitom jur shuh shuh ïa phi sa hynñiew shah ban ïa kaba la long mynshuwa.

AMOS 9:6

U Trai u tei ïa ka ïing jong u ha ki bneng, bad halor ka khyndew u buh ka jingtei jong ka sahit bneng. U khot ïa ki um ka duriaw bad u theh ïa ki ha sla pyrthei. Ka kyrteng jong u ka long U Trai!

MATHAÏOS 24:39

pynban kim sngewthuh kaei kaba la jia tad haduh ba ka jingshlei um ka la wan bad ka rong noh ïa ki baroh. Kan sa long kumta haba U Khun U Briew u wan.

LOUKAS 17:27

Uwei uwei baroh u ïai ïabam bad ïadih, bad ki shynrang bad ki kynthei ki ïashongkurim, haduh ka sngi kaba u Noah u la leit rung shapoh ka lieng bad ka jingshlei um ka la wan bad ka la pynïap ïa ki baroh.

Ka Shithi U Paul Sha Ki Nong Rom 5:21

Te kumta, kumba ka pop ka synshar da ka jingïap, kumta ruh ka jingaiei U Blei ka synshar da ka hok, ka ïalam ïa ngi sha ka jingim bymjukut lyngba U Jisu Khrist U Trai jong ngi.

Ka Shithi U Paul Sha Ki Nong Rom 6:23

Naba ka pop ka siew ïa la ka bainong — ka jingïap; hynrei ka jingaiei jong U Blei ka long ka jingim bymjukut ha U Khrist Jisu uba U Trai jong ngi.

DEUTERONOMI 32:39

“ ‘Nga, bad tang ma nga hi, nga long U Blei; ym don uwei pat u blei uba shisha. Nga pynïap bad nga ai jingim, nga pynmong bad nga pynkoit, bad ym don uba lah ban ïaleh pyrshah ïa kaei ba nga leh.

HEBRU 11:7

Dei ka jingngeit kaba la pynlong ïa u Noah ban shahshkor ïa ki jingmaham U Blei shaphang kiei kiei ki ban sa jia ïa kiba um shym lah ban ïohi. U la kohnguh ïa U Blei bad u la thaw ïa ka ïinglieng ha kaba ma u bad ka longïing jong u ki la ïohlait im. Da kane, la pynrem ïa ka pyrthei, bad u Noah u la ïohpdiang na U Blei ïa ka hok kaba wan da ka jingngeit.

1 PETROS 3:20

Kine ki la long ki mynsiem jong kito ki bym shym la kohnguh ïa U Blei mynba u la ap da ka jingshahslem ha ki sngi ba u Noah u dang shna ïa ka ïinglieng jong u. Ki briew kiba don tang khyndiat ha ka ïinglieng — phra ngut ha baroh — ki la lait im da ka um,

2 PETROS 2:5

U Blei um shym la shah jem ïa ka pyrthei mynbarim, hynrei u la wanrah ïa ka jingshlei um ha ka pyrthei jong ki briew bymtip Blei; kita kiba u pyllait im ki long u Noah, uba la ïalap ïa ka hok, bad hynñiew ngut kiwei pat.