JENESIS 6:14 - Khasi CL Bible (BSI)

¹⁴ Shna kawei ka lieng na ka bynta ïa lade da u jait dieng uba bha; shna ki kamra ha ka bad tah ruh ïa ka da ka bsiang na shapoh bad shabar.

KA BAIBL

¹⁴ To thaw ïa lade ïa ka ïinglieng da u dieng Kopher; ïa ki pulit men thaw ha kata ka ïinglieng, bad men tah ruh ïa ka da ka bsiang shapoh bad shabar.

JENESIS 6:14 ပူးပေါင်းရင်းမြစ်များ

JENESIS 6:13

U Blei u ong ha u Noah, “Nga la kut jingmut ban pynduh noh ïa ki briew baroh. Ngan pynjot thiaw ïa ki namar ka pyrthei ka la jyllei da ki kam leh jubor jong ki.

JENESIS 6:15

Thaw ïa ka shispah laiphew lai mitar ka lynter, arphew ar mitar ka pyngkiang bad khatlai mitar ka jingjrong.

EKSODOS 2:3

Hynrei haba kam lah shuh ban buhrieh ïa u, ka shim kawei ka shang ba la shna na u khah bad ka lape ïa ka da ka bsiang ban ym pei um. Ka pynthiah ïa uta u khunlung hapoh kata ka shang bad ka buh ïa ka hapdeng ki khah harud jong ka wah.

MATHAÏOS 24:38

Ha ki sngi shuwa ka jingshlei um, ki briew ki ïabam bad ïadih, ki shynrang bad ki kynthei ki ïashongkurim, haduh ka sngi hi kaba u Noah u la leit rung shapoh ka ïinglieng;

LOUKAS 17:27

Uwei uwei baroh u ïai ïabam bad ïadih, bad ki shynrang bad ki kynthei ki ïashongkurim, haduh ka sngi kaba u Noah u la leit rung shapoh ka lieng bad ka jingshlei um ka la wan bad ka la pynïap ïa ki baroh.

1 PETROS 3:20

Kine ki la long ki mynsiem jong kito ki bym shym la kohnguh ïa U Blei mynba u la ap da ka jingshahslem ha ki sngi ba u Noah u dang shna ïa ka ïinglieng jong u. Ki briew kiba don tang khyndiat ha ka ïinglieng — phra ngut ha baroh — ki la lait im da ka um,