JENESIS 49:9 - Khasi CL Bible (BSI)

⁹ U Judah u long kum u sing, Haba u la pynïap ïa uba u thmu u leit phai sha la krem; Hangta u dem, bad u thiah. Uei uba nud ban pynthut ïa u?

KA BAIBL

⁹ U Judah u long u khun sing: na ka jinglute, ko khun, me la wan kiew: u la dem, u la thiah kum u sing, bad kum ka sing kmie; uei u ban kyrsiew ïa u?

JENESIS 49:9 ပူးပေါင်းရင်းမြစ်များ

2 KHRONIKL 9:18

Don hynriew tylli ki mawkyrdon ban kiew sha ka khet bad ka don ka jingïuhkjat kaba la pyndait ha ka, ba la sop da ka ksiar. Ki don ki jingshan kti ha baroh arliang jong ka khet, bad ka dur u sing ka ïeng ha kawei kawei ka liang.

ESEKIEL 19:5

Ka la ap tad haduh ba ka la ïoh ba ka jingkyrmen baroh ka la duh. Nangta ka la pynheh pynsan sa ïa uwei pat na ki khun sing, bad u la san ban long u sing uba ishyrkhei.

HOSIA 5:14

Ngan tur ïaleh ïa ki paid Israel bad Judah kum u sing. Ma nga hi da lade ngan patar lyngkhot ïa ki, bad nangta ngan iehnoh ïa ki. Haba nga patan tyngeh ïa ki, yn ym don uba lah ban pyllait ïa ki.

HOSIA 5:4

Ka jingsniew ba ki briew ki la leh, ka khanglad ïa ki ban wan phai sha U Blei jong ki. Ka jingmane bleithaw ka don ka jingbat bakhlaiñ ïa ki bad kim pdiang ïa U Trai.

MIKAH 5:8

Kito kiba dang sah napdeng ki jaitbynriew kin long kum u sing uba wad jingbam ha ka khlaw ne ha ka jaka bam phlang: U rung hapdeng ki langbrot, u kynrup ïa ki, bad tar lyngkhot ïa ki — bad hangta ym don jingkyrmen ban lait im.

JINGKHEIÑ 23:24

Ka jaitbynriew Israel ka long kum u sing uba khrawbor; U bym shongthait tad haduh ba u la lah patar bad bam lut khoit, Haduh ba un da dep dih ïa ka snam jong kito kiba u la pynïap.”

JINGKHEIÑ 24:9

Kane ka jaitbynriew ka long kum u sing uba khlaiñ; Haba u thiah, ym don ba nud ban kyrsiew ïa u. Uta uba kyrkhu ïa ki Israel un ïoh jingkyrkhu, Bad uta uba tim ïa ki Israel un ïoh ka jingtim.”

1 KORINTH 15:24

Te kaba kut kan poi; U Khrist un jop noh thiaw ïa ki bor mynsiem, ki nongsynshar, bad ki bor, bad un aiti ïa ka Hima ha U Blei uba U Kpa.

DEUTERONOMI 33:20

Shaphang ka jait Gad u ong, “Ïaroh ïa U Blei uba pynïar ïa ka ri jong ki. U Gad u ap ktem kum u sing ban patar ïa ka kti ne ïa ka snieh khlieh.

JINGPYNPAW 5:5

Te uwei na ki nongsharai balang u la ong ha nga, “Wat ïam. Ha khmih! U Sing na ka jait Judah, uba hiarpateng na u Dabid, u la ïoh ïa ka jingjop, bad u lah ban pynpait ïa ki hynñiew tylli ki jingpyndait bad ban plied ïa ka kot kli.”