JENESIS 48:5 - Khasi CL Bible (BSI)

⁵ U Jakob u bteng, “Joseph, ki khun shynrang jong me ar ngut kiba me la ïoh ha Ijipt shuwa ba ngan wan hangne ki dei ki jong nga; u Ephraim bad u Manasseh ki long ki khun jong nga kumba long u Reuben bad u Simeon.

KA BAIBL

⁵ Bad mynta ki khun jong me baroh ar ngut, ïa kiba la kha ïa me ha ka ri Ijipt mynshuwa ba nga la poi sha me sha ka ri Ijipt, kin long ki jong nga: u Ephraim bad u Manasseh kin long ki jong nga, kum u Reuben bad u Simeon.

JENESIS 48:5 ပူးပေါင်းရင်းမြစ်များ

JENESIS 46:20

Ha Ijipt u Joseph u la ïoh ar ngut ki khun shynrang, u Manasseh bad u Ephraim, na ka Asenath ka khun jong u Potiphera, u lyngdoh ha ka Heliopolis.

JENESIS 48:1

Hadien katto katne por, la ïathuh ha u Joseph ba u kpa jong u, u pang. Kumta u ïalam ïa ki khun shynrang jong u ar ngut, u Manasseh bad u Ephraim, ban ïaleit khmih ïa u Jakob.

JENESIS 48:6

Lada men dang ïoh khun shuh nalor jong ki, kita kin ym dei ki jong nga; kano kano ka bynta kaba kin ïohpateng kan wan na u Ephraim bad u Manasseh.

SALM 77:16

Haba ki um ki la ïohi ïa me, A Blei, ki la sheptieng, bad ki jingjylliew jong ka duriaw ki khynñiuh.

ISAÏAH 43:1

Ko Israel, U Blei uba la thaw ïa phi u ong, “Wat sheptieng — ngan pyllait im ïa phi, nga la khot ïa phi da ka kyrteng — phi long u jong nga.

ESEKIEL 16:8

“Katba nga dang ïaid lyngba biang, nga la ïohi ba ka por ka la poi ïa pha ban shoh jingieit. Nga la tap ïa ka jinglyngkhuit jong pha da ka jaiñ jynsur jong nga bad nga la kular ban ieit ïa pha. Ho-oid nga la pynlong ka jutang shongkurim bad pha, bad pha long ka jong nga.” Kane ka dei kaei kaba U Trai Nongsynshar u ong.

ESEKIEL 47:13

U Trai Nongsynshar u la ong, “Kine ki long ki pud ki sam jong ka ri ïa kaba yn bynta hapdeng ki khat-ar jait, ha kaba ka jait u Joseph kan ïoh ar bynta.

LEBITIKOS 20:26

Phi dei ban long kiba khuid ïa nga, namar nga long U Trai bad nga long uba khuid. Nga la pynkyrpang ïa phi na kiwei pat ki jaitbynriew ba phin long ki jong nga.

MALAKHI 3:17

“Kin long ki briew jong nga,” ong U Trai Badonbor Baroh. “Ha ka sngi ba ngan trei ïa ka kam, kin long ki jong nga hi. Ngan leh-isynei ïa ki kumba u kpa u leh-isynei ïa u khun uba shakri ïa u.

2 KORINTH 6:18

Ngan long U Kpa jong phi, bad phin long ki khun shynrang bad ki khun kynthei jong nga, ong U Trai Badonbor Baroh.”

EPHESOS 1:5

Namar ka jingieit jong u, U Blei u la rai lypa ba da U Jisu Khrist un pynlong ïa ngi ki khun jong u — kane ka long ka jingsngewbha bad ka jingthmu jong u.

HEBRU 11:21

Dei ka jingngeit kaba la pynlong ïa U Jakob ha shuwa ba un ïap ban kyrkhu ïa uwei pa uwei u khun shynrang jong u Joseph. U la shan ha ka tduh u diengduh jong u bad u la mane ïa U Blei.

JOSHUA 13:7

Mynta te, pynbynta ïa kane ka ri hapdeng kiwei pat ki khyndai jait bad ha ka shiteng na ka jait Manasseh, na ka bynta jong ki ba kin ïohkynti kum la ka jong.”