JENESIS 48:21 - Khasi CL Bible (BSI)

²¹ Nangta u Jakob u ong ha u Joseph, “Kumba phi ïohi, nga la jan ïap, hynrei U Blei un don ryngkat bad me, bad un sa ïalam pat ïa me sha ka ri ki kpa tymmen jong me.

KA BAIBL

²¹ U Israel u la ong ruh ha u Joseph, “Ha khmih, ngan sa ïap noh: hynrei, U Blei un long ryngkat bad phi, bad un ïalam pat ïa phi sha ka ri ki kpa jong phi.

JENESIS 48:21 ပူးပေါင်းရင်းမြစ်များ

JENESIS 12:5

U Abram u la shim ïa ka Sarai ka tnga jong u, bad ïa u Lot u pyrsa jong u, bad ïa ka spah ka phew baroh, bad ïa ki mraw baroh ba ki la lah ïoh ha Haran, bad ki la ïamihnoh ban leit sha ka ri Kanaan.

JENESIS 15:14

Hynrei ngan pynshitom ïa ka jaitbynriew kaba teh mraw ïa ki, bad haba kin ïamihnoh na kata ka ri nongwei, kin da kit ruh shibun ka spah.

JENESIS 15:16

Kan shim por saw pateng bynriew shuwa ba ki khun ki ksiew jong me kin wan phai pat shane; namar ngan ym pat beh noh ïa ki Amor tad ynda ki la long bymman haduh katta katta kat haduh ba ki dei ban shah pynshitom.”

JENESIS 26:3

To shong to sah hangne, bad ngan long lem bad me, bad ngan kyrkhu ïa me. Ngan sa ai ïa kane ka ri baroh ha me bad ha ki khun ki ksiew jong me. Ngan bat ïa la ka kular kaba nga la pynlong ha u Abraham u kpa jong me.

JENESIS 28:15

To kynmaw, ba ngan long ryngkat bad me bad ïada ïa me kat shaba me leit, bad ngan wallam pat ïa me sha kane ka ri. Ngan ym iehnoh ïa me tad haduh ba ngan da pyndep ïa kata baroh ïa kaba nga la kular ha me.”

JENESIS 37:1

U Jakob u ïaishong ïaisah ha ka ri Kanaan, ha kaba u kpa jong u, u la shong la sah,

JENESIS 46:4

Ngan leit lang bad me sha Ijipt, bad ngan wan ïalam biang ïa ki khun ki ksiew jong me sha kane ka ri. U Joseph ruh un don ryngkat bad me ynda me ïap.”

JENESIS 47:29

Shuwa ba u Jakob un ïap, u khot ïa u Joseph u khun jong u, bad u ong ha u, “Buh ïa la ka kti hapdeng ki lbong jong nga, bad kular da shisha ba phin ym tep ïa nga ha Ijipt.

JENESIS 50:24

Te u Joseph u ong ha la ki hynmen, “Nga la jan ïap, hynrei U Blei un ri un da ïa phi, bad un ïalam noh ïa phi na kane ka ri sha kata ka ri kaba u la kular skhem ha u Abraham, ha u Isaak, bad ha u Jakob.”

JENESIS 50:6

U syiem u jubab, “Khie leit, tep ïa la u kpa, kumba phi la kular ban leh kumta.”

SALM 18:46

U Trai u im! To ïaroh ïa u nongïada ïa nga! To pynbna ïa ka jingkhraw jong U Blei uba pynim ïa nga.

LOUKAS 2:29

“Mynta, A Trai, me la bat ïa la ka kular, bad men shah ïa u shakri jong me ban leit noh ha kaba suk.

KI KAM 13:36

Naba u Dabid u la shakri ïa ki jingthmu jong U Blei ha ka por jong u; bad nangta u la ïap, la tep ïa u bad ki kpa tymmen jong u, bad ka met jong u ka la pyut hapoh ka jingtep.

DEUTERONOMI 30:3

U Trai U Blei jong phi un leh-isynei ïa phi. Un wan ïalam pat ïa phi napdeng kita ki jaitbynriew sha kiba u la pynsakma ïa phi, bad un pynbha pat ïa phi.

DEUTERONOMI 31:8

U Trai hi un ïalam ïa me bad un don ryngkat bad me. Un ym ieh ïa me lane kyntait ïa me; kumta wat syier bad wat sheptieng.”

2 TIMOTHI 4:6

Na ka bynta jong nga, ka por ka la poi ïa nga ban shah kñia; ka por ka long mynta ïa nga ban iehnoh ïa kane ka jingim.

HEBRU 7:3

Ym shym la don jingthoh shaphang u kpa lane ka kmie lane jong kino kino ki kpa tymmen jong u Melkhisedek; ym shym la don jingthoh shaphang ka jingkha lane ka jingïap jong u. U syriem ïa U Khun U Blei, u ïaisah u lyngdoh junom.

HEBRU 7:8

Ha kaba ïadei bad ki lyngdoh ïa kawei-na-kaba-shiphew la lum da ki briew kiba dei ban ïap; hynrei ïa u Melkhisedek ïa kawei-na-kaba-shiphew la lum da uta uba im, kumba ka Jingthoh Bakhuid ka ong.

JOSHUA 1:5

Joshua, yn ym don mano mano uba lah ban jop ïa me katba me dang im. Ngan don ryngkat lem bad me kumba nga la don bad u Moses. Ngan ïailong lem bad me borabor; ngan ym iehnoh ïa me.

JOSHUA 1:9

Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”

JOSHUA 23:14

“Mynta, ka la dei ka por ïa nga ban ïap. Uwei pa uwei na phi u tip ha la ka dohnud bad ha la ka mynsiem ba U Trai U Blei jong phi u la ai ha phi ïa kiei kiei kiba bha baroh kiba u la kular ha phi. Ïa kawei pa kawei ka kular la pyndep, ym don kawei ruh ka ban sep-ei.

JOSHUA 3:7

U Trai u ong ha u Joshua, “Kaei kaba nga leh mynta ka sngi kan pynlong ïa ki paid Israel baroh ban sdang ban burom ïa me kum u riewkhraw, bad kin ïoh tip ba nga long lem ryngkat bad me kumba nga la long bad u Moses.

2 PETROS 1:14

Nga tip ba shen ngan sa iehnoh ïa kane ka met bapyut kumba U Jisu Khrist U Trai jong ngi u la ïathuh shai ha nga.