JENESIS 48:20 - Khasi CL Bible (BSI)

²⁰ Kumta u kyrkhu ïa ki ha kata ka sngi, u da ong, “Ki Israel kin sa shim ïa ki kyrteng jong phi haba ki kyrkhu kyrdoh ïano ïano. Kin ïa-ong, ‘To U Blei un pynlong ïa phi kum u Ephraim bad kum u Manasseh.’ ” Da kumta u la buh ïa u Ephraim ha shuwa u Manasseh.

KA BAIBL

²⁰ Bad u la kyrkhu ïa ki ha kata ka sngi, u da ong, “Ha me u kynja Israel un kyrkhu, u da ong, ‘U Blei un pynlong ïa me kum u Ephraim bad kum u Manasseh:’ ” Bad u la buh ïa u Ephraim ha shuwa ïa u Manasseh.

JENESIS 48:20 ပူးပေါင်းရင်းမြစ်များ

JENESIS 24:60

Bad ki la kyrkhu kyrdoh ïa ka Rebekka da kine ki kyntien: “To phi, ka para, phin long ka kmie u paidbah byllien! To ki khun ki ksiew jong phi kin da jop thiaw ïa ki nongbah jong ki nongshun jong ki!”

JENESIS 28:3

To U Blei Badonbor Baroh un kyrkhu ïa ka shongkha shongman jong me bad un ai ïa me bun ki khun ki kti, ba men ïoh long u kpa jong kiba bun ki jaitbynriew.

JENESIS 48:21

Nangta u Jakob u ong ha u Joseph, “Kumba phi ïohi, nga la jan ïap, hynrei U Blei un don ryngkat bad me, bad un sa ïalam pat ïa me sha ka ri ki kpa tymmen jong me.

JINGKHEIÑ 13:16

Kine ki dei ki nongsyntiat kiba u Moses u la phah ban leit swar ïa ka ri. U pynkylla ïa ka kyrteng u Hoshea u khun jong u Nun, sha u Joshua.

HEBRU 11:21

Dei ka jingngeit kaba la pynlong ïa U Jakob ha shuwa ba un ïap ban kyrkhu ïa uwei pa uwei u khun shynrang jong u Joseph. U la shan ha ka tduh u diengduh jong u bad u la mane ïa U Blei.

JOSHUA 17:14

Ki khun ki ksiew jong u Joseph ki ong ha u Joshua, “Balei phi ai ïa ngi tang shi bynta jong ka ri ba ngin kam kynti kum la ka jong? Ngi ïadon bun ngut namar U Trai u la kyrkhu ïa ngi.”