JENESIS 48:19 - Khasi CL Bible (BSI)

¹⁹ Hynrei u kpa jong u, u kyrngah, bad u ong, “Nga tip, khun; nga tip. Ki khun ki ksiew jong u Manasseh ruh kin sa kylla long ka jaitbynriew kaba khraw. Hynrei u para jong u un kham khraw ban ïa u, bad ki khun ki ksiew jong u kin kylla long ki jaitbynriew kiba khraw.”

KA BAIBL

¹⁹ Te u kpa jong u, u la kyrngah bad u la ong, “Nga tip ma nga, ko khun, nga tip ma nga: une ruh un long u paidbah, bad un long u bakhraw une ruh de: hynrei, shisha u para uba hadien jong u un long uba kham khraw ïa u, bad u symbai jong u un long ka jingpyndap ki jaid bynriew.”

JENESIS 48:19 ပူးပေါင်းရင်းမြစ်များ

JENESIS 17:4

“Nga pynlong ïa kane ka jutang bad me: Nga kular ba men long u kpa tymmen jong ki jaitbynriew kiba bun.

JENESIS 25:23

U Trai u ong ha ka, “Ar tylli ki jaitbynriew ki don hapoh jong pha; Phan sa kha ar jait ki briew kiba ïaleh pyrshah para ma ki. Kawei kan kham khlaiñ ban ïa kawei pat, Kaba ha shuwa kan shakri ïa kaba hadien.”

JENESIS 25:28

U Isaak u kham jied ïa u Iso, namar u bang bha ban bam ïa ki mrad kiba u Iso u pynïap, hynrei ka Rebekka ka kham jied ïa u Jakob.

JENESIS 28:14

Kin man bun kum ki phngit pui pui ha ka khyndew. Kin pynïar ïa la u pud u sam ha ki liang baroh; bad da me bad ki khun ki ksiew jong me ngan kyrkhu ïa ki jaitbynriew baroh.

JENESIS 46:3

“Nga long U Blei, U Blei jong u kpa jong me,” u ong. “Wat sheptieng ban leit hiar sha Ijipt; hangta ngan pynlong ïa ki khun ki ksiew jong me ka jaitbynriew kaba khraw.

JENESIS 48:14

U Jakob u phna ïa la ki kti bad u buh ïa ka kti kamon ha ka khlieh u Ephraim, wat la u long uba kham rit, bad ïa ka kti kadiang ha ka khlieh u Manasseh, uba kham san.

JENESIS 48:18

U ong ha la u kpa, “Pa, ym dei kumto. Une uba nyngkong; buh ïa ka kti kamon jong phi ha ka khlieh jong u.”

ISAÏAH 7:17

“U Trai un wallam halor jong phi, halor ki briew jong phi, bad halor ka longïing syiem baroh kawei, ïa ki sngi jingjynjar kiba kham sniew ban ïa kano kano kaba lah wan naduh ba ka hima Israel ka la khlad na ka Judah — un wallam ïa u syiem ka Assyria.

ESEKIEL 27:10

“Ki shipai na Persia, Lydia, bad Libya ki shakri ha ka kynhun shipai jong pha. Ki wah ïa ki stieh bad ïa ki jingïada khlieh jong ki ha ki jaka shong jong pha. Ki long ki rangbah kiba la pynïohburom ïa pha.

DEUTERONOMI 1:10

U Trai U Blei jong phi u la pynroi ïa phi kat ki khlur ha sahit bneng.

DEUTERONOMI 33:17

U Joseph u khlaiñ kat u masi kyrtong, Kat ki reng u masi prut. Ki reng jong u kiba kat ki hajar jong u Manasseh, Bad kat ki shiphew hajar jong u Ephraim. Da ki, u tur pyrshah ïa ki jaitbynriew, Bad u shop ïa ki sha kaba kut jong ka pyrthei.”