JENESIS 47:30 - Khasi CL Bible (BSI)

³⁰ Nga kwah ba phin tep ïa nga bad la ki kpa tymmen; rah ïa nga na Ijipt, bad tep ïa nga ha ka jaka ba la tep ïa ki.” U Joseph u jubab, “Ngan leh kumba phi ong.”

KA BAIBL

³⁰ hynrei, ngan ïohthiah bad ki kpa jong nga, te men pynbah noh ïa nga na ka ri Ijipt, bad to men tep ïa nga ha ka jingtep jong ki.” U ruh u la ong, “Ngan leh keiñ kat kumba ka long ka ktien jong me.”

JENESIS 47:30 ပူးပေါင်းရင်းမြစ်များ

JENESIS 15:15

Me pat, men im tymmen, men ïap ha kaba suk, bad yn sa tep ïa me.

JENESIS 23:17

Da kumta keiñ ka khyndew jong u Ephron kaba ha Makhpelah, kaba don shaphang mihngi na Mamre, ka kylla long ka jong u Abraham. Ka kynthup ïa ka lyngkha, ïa ka krem kaba don hangta, bad ïa ki dieng baroh kiba don hapoh ki pud jong ka.

JENESIS 23:19

Te u Abraham u la tep ïa ka Sarah ka tnga jong u ha kata ka krem ha ka ri Kanaan.

JENESIS 25:10

Kata ka dei ka lyngkha kaba u Abraham u la thied na ki Hit, dei hangta ba la tep ïa u Abraham bad ïa ka tnga jong u ka Sarah.

JENESIS 25:9

Ki khun shynrang jong u, u Isaak bad u Ishmael, ki la tep ïa u ha ka krem Makhpelah, kaba ha ka lyngkha kaba don shaphang mihngi na Mamre, kaba dei ka jong u Ephron u khun jong u Sohar u nong Hit.

JENESIS 35:29

bad u la ïap ha ka rta ba la ih bha ka jinglong tymmen; bad ki khun shynrang jong u, u Iso bad u Jakob ki la tep ïa u.

JENESIS 50:25

Nangta u Joseph u ong ïa la ki briew ban smai. “Kular ïa nga,” u ong, “ba ynda U Blei u ïalam noh ïa phi sha kata ka ri, phin rah lang ïa ka met jong nga nangne.”

2 SAMUEL 19:37

Nangta shah ba ngan leit phai pat sha ïing bad ban ïap hajan ka jingtep jong i mei bad i pa jong nga. Une hangne u Shimham, u khun jong nga, u ban shakri ïa phi; shim ïa u bad phi, ko Syiem Kynrad; bad leh na ka bynta jong u katba phi pyrkhat kaba bha tam.”

2 SAMUEL 2:32

U Joab bad ki rangbah jong u ki la shim ïa ka met jong u Asahel bad ki la tep ïa ka ha ka jingtep ka longïing jong u ha Bethlehem. Nangta ki la ïaid baroh shi miet, bad ha ka por kynjat shai ki la wan poi biang ha Hebron.

1 SYIEM 13:22

Pynban, phi la wan phai bad phi bam phi dih ha ka jaka ha kaba u la khang ïa phi ban bam ban dih. Namar kane yn sa pynïap ïa phi, bad ïa ka met jong phi yn ym tep ha ka jingtep ki kpa tymmen jong phi.”

NEHEMAÏAH 2:3

Nga la kyndit bad nga jubab, “Ko Syiem Kynrad, to im junom! Kumno ngan lah khlem imat sngewsih haba ka nongbah ha kaba la tep ïa ki kpa tymmen jong nga ka don hapdeng ki jingjot bad ïa ki khyrdop jong ka la pynjot ha ka ding?”

NEHEMAÏAH 2:5

Nga duwai ha U Blei ka Bneng, bad nangta nga ong ha u patsha, “Lada ma me, ko syiem, me don ka jingsngewbha ïa nga bad ai sngewbha ïa ka jingkyrpad jong nga, shah ïa nga ba ngan leit sha ka ri Judah, sha ka nongbah ha kaba la tep ïa ki kpa tymmen jong nga, khnang ba nga lah ban tei pat ïa ka nongbah.”

DEUTERONOMI 31:16

U Trai u ong ha u Moses, “Shen men sa ïap noh, bad ynda me ïap u paidbah un sa phai noh na nga bad pynkheiñ ïa ka jutang kaba nga la pynlong bad ki. Kin kyntait ïa nga bad mane ïa ki blei thala jong kata ka ri sha kaba kin sa leit rung.