JENESIS 47:23 - Khasi CL Bible (BSI)

²³ U Joseph u ong ha kita ki briew, “Phi ïohi mynta ba nga la thied ïa phi bad ïa ki khyndew jong phi na ka bynta u syiem. Shim une u symbai ba phin ïabet ha ka khyndew.

KA BAIBL

²³ Ynda kumta, u Joseph u la ong ha uta u paidlang, “Ha khmih, nga la thied ïa phi mynta bad ïa ka khyndew jong phi ïa u Pharaoh: ha khmih, une u symbai ïa phi, to phin bet symbai ruh ha ka khyndew.

JENESIS 47:23 ပူးပေါင်းရင်းမြစ်များ

JENESIS 41:27

Ki hynñiew tylli ki masi raikhoh kiba wan mih hadien bad ki hynñiew tylli ki kop kew kiba raikhoh, bad kiba la pyntyrkhong da ka lyer ri shyiap, ki long hynñiew snem jong ka 'nemsniew.

JENESIS 45:6

Kane ka long tang ka snem kaba ar jong ka 'nemsniew ha kane ka ri, bad kan dang sah sa san snem ha kiba yn ym don ba lur ne ba ot.

JENESIS 47:22

Ïa ka khyndew kaba dei ka jong ki lyngdoh te um shym thied. Kim donkam ban die ïa la ka khyndew namar ba ki ïoh ka baibam kaba thikna na u syiem, bad ki im da kata.

JENESIS 47:24

Ha ka por ot, phin ai shi bynta na ka san bynta ha u syiem, bad kaba sah saw bynta kan long ka jong phi, ba phin ïoh buh symbai, bad ba phin ïoh jingbam na ka bynta ïa lade bad ïa ki ba-ha-ïing ha-sem jong phi.”

SALM 112:5

Suk uta u briew uba sbun ha ka jingairam jong u, uba pynïaid hok ïa ka kam khaïi jong u.

SALM 41:1

Suk kito kiba sngewlem ïa kiba duk; U Trai un ïarap ïa ki haba ki hap ha ka jingjynjar.

PROBERB 11:26

Ki briew ki tim ïa uno uno uba set ïa u kew, ban ap haba un kiew dor, hynrei ki ïaroh ïa uno uno uba sei ban die ïa u.

PROBERB 12:11

U nongrep uba trei shitom u don pahuh ka bam, hynrei ka long ka jingleh bieit ban pynlehnoh-ei ïa ka por ha ki kam bymmyntoi.

PROBERB 13:23

Ki lyngkha ba sah shrah ki lah ban pynmih shibun ka jingbam ïa kiba duk, hynrei ki bymhok kin shu ieh ïa kine khlem rep.

EKLESIASTIS 11:6

Thung ïa ki jingthung jong phi mynstep bad janmiet ruh. Da lei lei phin ym tip la baroh kin san bha lane la kawei ka rukom thung kan kham bha ban ïa kawei pat.

ISAÏAH 55:10

“Ka ktien jong nga ka long kum ka ïor bad u slap kiba wan hap na suiñbneng ban ai um ïa ka pyrthei. Ki pynlong ïa ki jingthung ban san bad pynmih ïa u symbai ban ïoh bet bad ka jingbam ban bam.

MATHAÏOS 24:45

“Uno, te, uba long u shakri uba lah ban shaniah bad uba stad? U dei uta ïa uba u kynrad jong u, u la buh ban khmih ïa kiwei pat ki shakri ban ai jingbam ïa ki ha ka por kaba dei.

2 KORINTH 9:10

Bad U Blei, uba ai ïa u symbai ban bet bad ïa u kpu ban bam, un pynbiang ïa phi da u symbai baroh ba phi donkam bad un pynlong ïa u ban san bad un pynmih ïa ka jingot kaba khraw na kata ka jinglehsbun jong phi.