JENESIS 47:12 - Khasi CL Bible (BSI)

¹² U Joseph u pyndap pynbiang jingbam ïa la u kpa, ïa la ki hynmen ki para, bad ïa ki ba-ha-ïing u kpa jong u baroh katba ki ïadon, haduh kiba khynnah tam.

KA BAIBL

¹² Bad u Joseph u la bsa ïa la u kpa, bad ïa la ki hynmen hynbew, bad ïa ka ïing u kpa jong u baroh, da u kpu, katba kum ki ba-ha-ïing jong ki.

JENESIS 47:12 ပူးပေါင်းရင်းမြစ်များ

JENESIS 45:10

Phin shong ha ri Goshen, bad phin don hajan jong nga — ma phi, ki khun jong phi, ki ksiew jong phi, lem bad ki kynhun langbrot jong phi, ki blang jong phi, kiwei kiwei de ki jingri jong phi, bad baroh kat kiba phi don.

JENESIS 45:11

Lada phi don ha Goshen, nga lah ban peit ban sumar ïa phi. Ka 'nemsniew kan neh sa san snem, bad ngam kwah ba ma phi, ki ba-ha-ïing ha-sem jong phi, bad ki jingri jingdup jong phi baroh kin shahthngan.’ ”

JENESIS 45:7

U Blei u la phah ïa nga ha shuwa jong phi ban pyllait im ïa phi ha ka rukom kaba phylla, bad ba ki khun ki ksiew jong phi kin im.

JENESIS 47:1

Kumta u Joseph u leit ïalam san ngut na ki hynmen jong u sha u syiem. U ong, “I pa bad ki hynmen ki para jong nga ki la wan na ka ri Kanaan ryngkat bad ki kynhun langbrot bad ki jingri jingdup jong ki, bad baroh ruh kat kiba ki don. Mynta ki don ha Goshen.”

JENESIS 47:21

U Joseph u la pynlong mraw ïa ki briew na tduh sha tduh ka Ijipt.

JENESIS 47:24

Ha ka por ot, phin ai shi bynta na ka san bynta ha u syiem, bad kaba sah saw bynta kan long ka jong phi, ba phin ïoh buh symbai, bad ba phin ïoh jingbam na ka bynta ïa lade bad ïa ki ba-ha-ïing ha-sem jong phi.”

JENESIS 50:21

Phim donkam ban sheptieng. Ngan sumar sukher ïa phi bad ïa ki khun ki kti jong phi.” Kumta keiñ u la pynshngain ïa ki da ki ktien kiba sbun kiba ktah ïa ka dohnud jong ki.

EKSODOS 20:12

“Burom ïa la u kpa bad ïa la ka kmie, ba phi lah ban im slem ha ka ri kaba nga ai ha phi.

ISAÏAH 22:24

“Hynrei ki ba-ha-ïing ha-sem jong u baroh bad kiba hapoh ka ïing jong u kin long ka jingbankhia ïa u. Kin sdien ha u kum ki khiew bad ki pliang kiba la wah ha u snar!

1 THESSALONI 2:7

wat la kum ki apostol jong U Khrist ngi lah ban dawa na phi. Hynrei ngi la long kiba jai jai mynba ngi la don bad phi, kumba ka kmie ka sumar ïa ki khun jong ka.

1 TIMOTHI 4:8

Ka jingpynmlien ïa ka met ka ai katto katne ka jingbha, hynrei ka jingpynmlien ba kynja mynsiem ka pynmyntoi ha ki liang baroh, namar ka kular ïa ka jingim ha ka mynta bad ha ka lawei.

1 TIMOTHI 5:4

Hynrei lada ka riewkynthei ka don ki khun ne ki khun ksiew, ki dei ban nang shuwa nyngkong ban khmih ïa ki kam ba kynja mynsiem ka longïing la jong hi bad ha kane ka rukom ki siew kylliang ïa la ki kmie ki kpa bad ïa ki kmierad parad, namar kata ka long kaba pynsngewbha ïa U Blei.

1 TIMOTHI 5:8

Hynrei lada uno uno um sumar ïa la ki ba-ha-ïing ha-sem, khamtam ïa ki dkhot ka longïing jong u hi, u la len ïa ka jingngeit bad u kham sniew ban ïa u bymngeit.

RUTH 4:15

Ka pyrsa kurim jong phi ka ieit ïa phi, bad ka la leh kham bun na ka bynta jong phi ban ïa ki hynñiew ngut ki khun shynrang. Bad mynta ka la ai ha phi u khun ksiew, u ban wallam ka jingim thymmai ha phi bad ai ha phi ka jingshngain ha ka rta tymmen jong phi.”