JENESIS 45:6 - Khasi CL Bible (BSI)

⁶ Kane ka long tang ka snem kaba ar jong ka 'nemsniew ha kane ka ri, bad kan dang sah sa san snem ha kiba yn ym don ba lur ne ba ot.

KA BAIBL

⁶ Namar la lah don ar snem lypa na ka 'nemsniew hapoh kane ka ri: bad ki dang sah sa san snem, ha kiba yn ym don balur lane ba-ot.

JENESIS 45:6 ပူးပေါင်းရင်းမြစ်များ

JENESIS 37:2

bad kane ka dei ka khana shaphang ka longïing longsem jong u Jakob. U Joseph, u samla uba la khathynñiew snem ka rta, u ap sumar ïa ki langbrot bad ki blang lem bad la ki hynmen shynrang jong u, ki khun shynrang jong ka Bilhah bad ka Silpah, ki tnga kliar jong u kpa jong u. U Joseph u wanrah ki jingïathuh bymsngewtynnat ha la u kpa shaphang kaei ba ki hynmen jong u ki leh.

JENESIS 41:35

Hukum ïa ki ban lum ïa ka bam baroh ha kine ki snem kiba pahuh, bad ai bor ïa ki ban kynshew ïa u kew ha ki nongbah bad ban da buh nongap ïa u.

JENESIS 41:46

U Joseph u la dap laiphew snem ka rta mynba u sdang ban treikam na ka bynta u syiem Ijipt. U la iehnoh ïa ka ïingsyiem bad u leit kylleng ka ri Ijipt.

JENESIS 41:53

Ki hynñiew snem kiba pahuh kiba ka ri Ijipt ka la ïoh lehkmen ki la kut, bad ki hynñiew snem jong ka 'nemsniew ki la sdang, kumba u Joseph u la lah ong.

JENESIS 41:54

Ka la don ka 'nemsniew ha kiwei ruh ki ri; hynrei ha ka ri Ijipt baroh kawei, don kyrhai ka bam.

JENESIS 41:56

Ka 'nemsniew ka la kham jur, bad ka la saphriang ïa ka ri baroh kawei, u Joseph u la plie ïa kita ki ïing kynshew jingbam baroh, bad u la die kew ha ki nong Ijipt.

JENESIS 47:18

Ha ka snem kaba bud, ki ïawan sha u, bad ki ïa-ong, “Kynrad, ngin ym buhrieh ïa ka jingshisha na phi ba ki pisa jong ngi baroh ki la lut, bad ba ki jingri jingdup jong ngi ki la dei ki jong phi. Ngim don ei ei shuh ban ai ïa phi lait noh sa tang ki met jong ngi bad ki lyngkha jong ngi.

JENESIS 47:23

U Joseph u ong ha kita ki briew, “Phi ïohi mynta ba nga la thied ïa phi bad ïa ki khyndew jong phi na ka bynta u syiem. Shim une u symbai ba phin ïabet ha ka khyndew.

EKSODOS 34:21

“Phi ïoh hynriew sngi ban trei jingtrei, hynrei wat trei ei ei ha ka sngi kaba hynñiew, wat la ka long ha ka aïom lur ne ka aïom ot.

ISAÏAH 30:24

Ki masi kyrtong bad ki kada kiba lur ïa ki lyngkha jong phi kin ïoh bam ïa u phlang bakynsai tam.

DEUTERONOMI 21:4

Kin leit ïalam ïa ka sha ka jaka kaba harud kawei ka wahduid ka bym ju rngad um, ha kaba ym pat ju don ba lur ne thung jingthung, bad hangta kin pynkheiñ ïa u ryndang jong ka.

1 SAMUEL 8:12

Katto katne ngut na ki un thung kum ki rangbah synshar ki ban peit ïa ki shihajar ngut ki rangbah bad katto katne ngut ki ban peit ïa ki sanphew ngut ki rangbah: ki khun shynrang jong phi kin hap ban lur ïa ki lyngkha jong u, ban lum ïa ki jingmih jong u na ka khyndew, bad ban shna ïa ki tiar thma bad ki tiar kali ïapom jong u.