JENESIS 45:3 - Khasi CL Bible (BSI)

³ U Joseph u ong ha la ki hynmen bad ha la u para, “Nga dei u Joseph! Shisha i pa i dang im?” Ki hynmen shynrang jong u kim lait ang shuh, ki la sheptieng shikatdei eh kat haduh ba kim lah ban jubab.

KA BAIBL

³ Bad u Joseph u la ong ha la ki hynmen hynbew, “Ma nga, nga long u Joseph; shisha u dang im u kpa jong nga?” Te ki hynmen jong u kim lah phai ktien shuh ïa u; naba ki la kyiuh eh ha khmat jong u.

JENESIS 45:3 ပူးပေါင်းရင်းမြစ်များ

JENESIS 37:20

Ale mynta to ngin ïa-pynïap ïa u, bad bret ïa ka met jong u ha kawei na ki pukri ba-tyrkhong. Ngi lah ban ong ba u mradkhlaw u la pynïap ïa u. Nangta ngin sa ïakhmih kan jia aïu ïa ki jingphohsniew jong u.”

JENESIS 42:21

Ki te ki ïakohnguh ban leh kumta, bad ki ïa-ong para ma ki, “Ho-oid, mynta ngi shah jynjar namar kaei kaba ngi la leh ïa la u jong u para. Ngi la ïohi haduh katno u khuslai mynba u kyrpad ba ngin ïarap ïa u, bad ngim shym la shahshkor. Dei namar kata ba ngi shah jynjar kumne mynta.”

JENESIS 42:22

U Reuben u ong ha ki, “Ngam shym la ong ïa phi ban ym ktah kti ïa u para, hynrei phim shym shahshkor. Kumta ngi hap shahshitom kylla mynta namar kata ka jingïap jong u.”

JENESIS 43:27

U la kylli shaphang ka jingkoit jingkhiah jong ki bad u ong, “Phi la ïathuh ha nga shaphang i pa jong phi, iba la tymmen — i long kumno? I dang im, bad i shait i khlaiñ bha?”

Ka Kitab U Job 23:15

nga khynñiuh da ka jingsheptieng ha khmat jong u.

Ka Kitab U Job 4:5

Mynta ka wan jia sa ha me ban don ha ka jynjar, bad me dum ka buit ka stad ban ïaleh ïa ka.

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

MARKOS 6:50

Ki la sheptieng haduh katta katta haba ki la ïohi ïa u. Mar kumta hi U Jisu u la kren ïa ki, “Long shlur!” u la ong. “Dei ma nga. Wat sheptieng!”

LOUKAS 5:8

Haba u Simon Petros u la ïohi ïa kaei kaba lah jia, u la dem khohsiew ha khmat U Jisu bad u la ong, “Khie leit noh na nga, ko Trai! Nga long u briew uba pop!”

KI KAM 7:13

Ha ka jingleit kaba ar u Joseph u la pynithuh ïa lade ha la ki hynmen shynrang, bad u syiem ka Ijipt u la ïoh jingtip shaphang ka longïing jong u Joseph.

KI KAM 9:5

“Me long uei, A Trai?” u la kylli. “Nga long U Jisu, ïa uba me pynshitom beiñ!” ka sur ka la ong.

JINGPYNPAW 1:7

Ha khmih, u wan ha ki lyoh! Baroh kin ïohi ïa u, kynthup ïa kito kiba la sum ïa u. Ki jaitbynriew baroh ha ka pyrthei kin ïamkthang namar jong u. Kumta kan long!