JENESIS 45:2 - Khasi CL Bible (BSI)

² U ïam rangbah rangsan hangta haduh ba kita ki nong Ijipt ki ïohsngew, bad la leit rah ïa ka khubor sha ka ïingsyiem.

KA BAIBL

² Bad u la kyang da kaba ïam: bad ki Ijipt ki la ïohsngew, bad ka ïing u Pharaoh ruh ki la ïohsngew.

JENESIS 45:2 ပူးပေါင်းရင်းမြစ်များ

JENESIS 42:24

U Joseph u iehnoh ïa ki bad u sdang ban ïam. Haba u la lah ban kren biang, u la wan pat, u shim ïa u Simeon bad u phah teh ïa u ha khmat jong ki.

JENESIS 43:30

Nangta u Joseph u mihnoh kynsan namar ka dohnud jong u ka shlei da ka jingsngewieit ïa la u para. Namar ba um lah kun shuh, u leit sha la ka kamra, bad u la ïam.

JENESIS 45:14

U piam ïa u Benjamin u para jong u, bad u ïam. U Benjamin ruh u ïa-ïam lang katba u dang piam ïa u.

JENESIS 45:15

Nangta katba u dang ïam kumta, u piam u doh sa ïa ki hynmen jong u baroh; hadien kata, ki hynmen jong u ki sa ïakren ïakhana bad u.

JENESIS 46:29

Haba ki la poi hangta, u Joseph u kiew ha la ka kali kulai bad u leit sha Goshen ban ïashem ïa u kpa jong u. Haba ki la ïashem, u Joseph u la piam khak ïa la u kpa, u da ïam slem ha ka ryndang u kpa.

2 SYIEM 20:3

“To kynmaw, A Trai, ba nga la shakri ïa me ha ka hok bad jingïaineh skhem, bad nga la pyrshang borabor ban leh ïa kaei kaba me kwah ïa nga ban leh.” Bad u sdang ban ïamkthang.

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

JINGKHEIÑ 14:1

Baroh shi miet ki paidbah ki la kyang ha ka jingnoh mynsiem.

KI KAM 20:37

Baroh ki la ïa-ïam haba ki la kdup ïa u bad ki la doh khublei ïakhlad bad u.

RUTH 1:9

Bad to ai ba U Trai un pynlah ïa phi baroh ar ngut ban shongkurim biang bad ban don la ka longïing.” Kumta ka Naomi ka doh khublei ïa ki. Hynrei ki la sdang ban ïam bad ki ong ha ka,