JENESIS 43:8 - Khasi CL Bible (BSI)

⁸ U Judah u ong ha la u kpa, “Phah ïa u para bad nga, bad ngin ïamihnoh kumne kumne. Te yn ym don uwei ruh na ngi u ban ïapthngan.

KA BAIBL

⁸ U Judah ruh u la ong ha u Israel u kpa jong u, “To pyllait noh ïa une u samla bad nga, ngi ruh ngin ïamih bad ngin ïaleit noh; ba ngin ïoh im, bad ba ngin ym ïap noh, ma ngi, bad ma me ruh, bad ki khun khynnah jong ngi de.

JENESIS 43:8 ပူးပေါင်းရင်းမြစ်များ

JENESIS 42:2

Nga ïohsngew ba don kew ha Ijipt; khie leit thied kew nangta, ba ngin ym ïapthngan.”

JENESIS 42:38

Hynrei u Jakob u ong, “U khun jong nga um lah ban leit ryngkat bad phi; u hynmen jong u, u la ïap, bad u sah sa tang marwei. Kaei kaei ka lah ban ngat ha u ha lynti. Nga dei u briew uba la tymmen, bad ka jingsngewsih kaba phin pynjia ha nga kan sa pynïap ïa nga.”

JENESIS 44:20

Ngi ruh ngi la jubab, ‘Ngi dang don i pa iba la tymmen, bad sa uwei u para uba la kha ha ka jinglong tymmen jong i. U hynmen jong u khynnah, u la ïap, bad na ki khun ka kmie jong u, dei sa tang ma u uba dang im; i pa ruh i da ieit thep mynsiem ïa u.’

JENESIS 44:26

Ngi ïa-ong, ‘Ngim lah ban leit, namar yn ym shah ïa ngi ban leit ha khmat uta u rangbah lymda u para khatduh jong ngi u leit lang bad ngi. Ngin leit tang lada u para khatduh jong ngi un leit ryngkat bad ngi.’

JENESIS 45:19

Ong ruh ïa ki ba kin shim ïa ki kali na Ijipt na ka bynta ki tnga bad ki khun rit jong ki, bad ban wan ïalam ïa u kpa jong phi bad ki.

JENESIS 50:21

Phim donkam ban sheptieng. Ngan sumar sukher ïa phi bad ïa ki khun ki kti jong phi.” Kumta keiñ u la pynshngain ïa ki da ki ktien kiba sbun kiba ktah ïa ka dohnud jong ki.

JENESIS 50:8

Ki ba-ha-ïing ha-sem jong u, ki hynmen ki para jong u, bad ki ba-ha-ïing ha-sem baroh jong u kpa jong u, ki ïaleit ryngkat bad u. Kiba sah ha Goshen ki long tang ki khun rit, bad ki langbrot, ki blang, bad kiwei kiwei de ki jingri jong ki.

2 SYIEM 7:13

Uwei na ki rangbah synshar jong u, u ong, “Ki briew ha kane ka nongbah ki long ki bym don jingkyrmen shuh, la kum kito kiba la ïap. Kumta, to ngin ïaphah katto katne ngut ki rangbah bad san tylli ki kulai kiba dang sah khnang ba ngin tip ka la jia aïu.”

2 SYIEM 7:4

Kam long ka jingmyntoi ïa ngi ban leit shapoh ka nongbah namar ngin sa ïapthngan hangta, hynrei lada ngi shong hangne, ngin ïap kumjuh. Kumta, ïa ngin ïaleit noh sha ka jaka shong dara ki Syria; kaba sniew tam ba ki lah ban leh ka long ba kin pynïap ïa ngi, hynrei lehse kin pyllait im ïa ngi.”

ESRA 8:21

Hangta harud ka nur-um jong ka Ahaba, nga ai ki hukum na ka bynta jong ngi baroh ban shahjingit bad pynrit ïa lade ha khmat U Blei jong ngi bad ban kyrpad ïa u ban ïalam ïa ngi ha ka jingïaid lynti jong ngi bad ban ïada ïa ngi bad ki khun ki kti jong ngi bad ïa baroh ki jingdon jingem jong ngi.

SALM 118:17

Ngan ym ïap; hynrei ngan im bad ngan pynbna ïa kaei kaba U Trai u la leh.

EKSODOS 20:12

“Burom ïa la u kpa bad ïa la ka kmie, ba phi lah ban im slem ha ka ri kaba nga ai ha phi.

JINGKHEIÑ 14:31

Phi ong ba ki khun ki kti jong phi kin shah kem, hynrei ngan wallam ïa ki sha kata ka ri ïa kaba phi, phi la kyntait, bad kan long ka jaka shong jaka sah jong ki.

DEUTERONOMI 33:6

Shaphang ka jait Reuben, u Moses u ong, “Ai ba ka jait Reuben kan im, wat la ka long kaba khyndiat briew.”