JENESIS 43:3 - Khasi CL Bible (BSI)

³ Hynrei u Judah u ong ha u, “Uta u briew u la maham tyngeh ïa ngi ba ngin ym lah shuh ban ïakynduh ïa u lymda u para jong ngi u don ryngkat lem bad ngi.

KA BAIBL

³ Bad u Judah u la ïathuh ha u, u la ong, “Ïa kaba maham u la maham uta u briew ïa ngi, u da ong, ‘Phin ym ïohi shuh ïa ka khmat jong nga, lymda phi don bad la u para ryngkat bad phi.’

JENESIS 43:3 ပူးပေါင်းရင်းမြစ်များ

JENESIS 43:2

bad haba ki ba-ha-ïing ha-sem jong u Jakob ki la ïabam lut ïa u kew ba la thied na Ijipt, u Jakob u la ong ha la ki khun, “Khie leit biang bad thied jingbam biang ïa ngi khyndiat.”

JENESIS 43:4

Lada phi kloi ban phah ïa u para jong ngi bad ngi, ngin leit thied bam ïa phi.

JENESIS 43:5

Hynrei lada phim treh ban phah ïa u, ngin ym leit, namar uta u briew u la ong ha ngi ba ngin ym lah shuh ban ïakynduh ïa u lymda u para jong ngi u don ryngkat lem bad ngi.”

JENESIS 44:23

Te phi ong, ‘Lymda u para khatduh jong phi u wan lang bad phi, yn ym shah shuh ïa phi ban wan ha khmat jong nga.’

2 SAMUEL 14:24

Pynban u syiem u la ai hukum ba u Absalom um dei ban sah hapoh ïingsyiem. “Ngam kwah ban ïohi ïa u!” u syiem u ong. Kumta u Absalom u sah ha ka ïing jong u hi bad um shym leit mih ha khmat u syiem.

2 SAMUEL 14:28

U Absalom u la shong ar snem ha Jerusalem khlem ïohi ïa u syiem.

2 SAMUEL 14:32

U Absalom u jubab, “Namar ba phim wan haba nga la phah khot ïa phi. Nga la kwah ïa phi ban leit sha u syiem bad ban kylli na ka bynta jong nga: ‘Balei nga dei ban iehnoh ïa ka Geshur bad wan hangne? Kan jin da la kham bha ïa nga ban sah hangta.’ ” U Absalom u bteng, “nga kwah ïa phi ban pynbeit ïa nga ban ïohi ïa u syiem, bad lada nga la kit pop, te shah ïa u ban pynïap ïa nga.”

2 SAMUEL 3:13

“Ka biang!” u Dabid u jubab. “Ngan ïateh kular bad phi tang ha kawei ka kyndon: phi dei ban wallam ïa ka Mikhal ka khun jong u Saul sha nga haba phi wan ïakynduh ïa nga.”

KI KAM 20:25

“Nga la ïaid kylleng hapdeng jong phi baroh, da kaba ïalap ïa ka Hima U Blei. Bad mynta nga tip ba ym don mano mano na phi ki ban dang ïohi shuh ïa nga.

KI KAM 20:38

Ki da sngewsih kthang eh namar u la lah ong ba kin ym ïohi shuh ïa u. Bad kumta ki la ïaleit bad u sha ka lieng.

KI KAM 7:34

Nga la ïohi ïa ka jingshah shitom bashyrkhei jong ki briew jong nga ha Ijipt. Nga la ïohsngew ïa ki jingud jong ki, bad nga la wan hiar ban pyllaitluid ïa ki. Ale mynta; ngan phah ïa me sha Ijipt.’