JENESIS 42:6 - Khasi CL Bible (BSI)

⁶ U Joseph kum u lat jong ka ri Ijipt u die kew ha ki briew kiba wan na kylleng ka pyrthei. Kumta ki hynmen shynrang jong u Joseph ki la ïawan bad nguh ngon ha khmat jong u, ki da pyndem la ki khmat sha khyndew.

KA BAIBL

⁶ Bad u Joseph u la long u nongsynshar halor kata ka ri, bad u la long ma u keiñ uba la die ha ki briew baroh jong kata ka ri; bad ki hynmen u Joseph ki la ïawan, bad ki la ïanguh ngon ïa u da la ki khmat haduh ka khyndew.

JENESIS 42:6 ပူးပေါင်းရင်းမြစ်များ

JENESIS 18:2

Tang mar shu ïohi ïa ki, u mareh ban leit ïashem ïa ki. Da kaba u nguh ngon haduh khyndew, u ong,

JENESIS 19:1

Haba kita ki ar ngut ki angel ki la poi ha Sodom ha ka por janmiet, u Lot u dang shong ha ka khyrdop jong ka nongbah. Haba u tang shu ïohi ïa ki, u ïeng joit ban leit ïashem ïa ki.

JENESIS 33:3

U Jakob u la leit ha shuwa jong ki, u da nguh ngon haduh khyndew hynñiew sien katba u nang leit sha jan u hynmen jong u.

JENESIS 41:43

U la ai ha u ïa ka kali syiem kaba ar ba un shong; bad ki nongap ïa ka ïingsyiem ki ïaid ha khmat jong u bad ki pyrta, “Kynriah! kynriah!” Bad kumta la thung lat ïa u Joseph halor ka ri Ijipt baroh.

JENESIS 41:54

Ka la don ka 'nemsniew ha kiwei ruh ki ri; hynrei ha ka ri Ijipt baroh kawei, don kyrhai ka bam.

JENESIS 41:57

Ki briew na kylleng ka pyrthei ki la ïawan sha Ijipt ban thied kew na u Joseph, namar ka 'nemsniew ka la ktah jur ha kylleng ki ri.

JENESIS 44:14

Haba u Judah bad ki hynmen ki para jong u ki la wan sha ïing u Joseph, ki shem ba u dang don hi hangta.

JENESIS 45:26

Ki ïathuh ha u, “U Joseph u dang im, bad u long u nongsynshar ïa ka ri Ijipt baroh kawei.” U Jakob u dum ka buit ka stad, ba um sngewlah ngeit ïa ki.

JENESIS 45:8

Kumta ym dei shisha ma phi kiba la phah ïa nga shane, hynrei U Blei hi. U la pynlong ïa nga u rangbah synshar bahakhlieh duh. Nga dei u nongkhmih ïa ka ri jong u baroh kawei; nga long u nongsynshar ïa ka ri Ijipt baroh kawei.

JENESIS 48:12

Nangta u Joseph u shim noh ïa ki na u, bad u nguh u dem ïa u haduh madan.

PROBERB 11:26

Ki briew ki tim ïa uno uno uba set ïa u kew, ban ap haba un kiew dor, hynrei ki ïaroh ïa uno uno uba sei ban die ïa u.

ISAÏAH 60:14

Ki khun shynrang jong kito kiba la banbeiñ ïa pha kin sa wan ban dem khrup ban burom ïa pha. Baroh kito kiba la ju ibeiñ ïa pha kin dem ngon ha ki kjat jong pha. Kin khot ïa pha, ‘Ka Nongbah U Trai,’ ‘Ka Seïon, ka nongbah U Blei U Bakhuid ki Israel.’

KI KAM 7:10

Haba u Joseph u leit ha khmat u syiem ka Ijipt, U Blei u la ai ha u ka akor kaba pynsngewbha bad ka jingstad; bad u syiem u la pynlong lyngskor ïa u Joseph halor ka ri bad ka longïing syiem.

JINGPYNPAW 3:9

Shahshkor! Na ka bynta kato ka kynhun kaba dei ka jong u Soitan, kito kiba lamler kiba kam ba ki dei ki Jiw hynrei kim dei, ngan pynlong ïa ki ban wan bad dem khrup ha ki kjat jong pha. Baroh kin tip ba nga ieit ïa pha.

1 SAMUEL 20:41

Hadien ba uta u khynnah u la leit, u Dabid u ïeng nadien kata ka kynton maw, bad u dem khohsiew bad u nguh lai sien. Baroh ar ngut, ma u bad u Jonathan ki ïa-ïam katba ki dang ïadoh markylliang; ka jingsngewsih u Dabid ka kham jur ban ïa ka jong u Jonathan.