JENESIS 42:13 - Khasi CL Bible (BSI)

¹³ Ki ong, “Kynrad, baroh ngi ïadon khat-ar ngut shi para, ki khun jong ujuh u briew ha ka ri Kanaan. Uwei u para u la ïap, bad uba khatduh u don mynta bad i pa.”

KA BAIBL

¹³ Ki pat ki la ïathuh, “Ki shakri jong me ngi long khat-ar ngut shipara, ki khun shynrang tang uwei u briew ha ka ri Kanaan; bad ha khmih, u bakhatduh eh u don mynta lem bad u kpa jong ngi, bad uwei pat um don shuh.”

JENESIS 42:13 ပူးပေါင်းရင်းမြစ်များ

JENESIS 37:30

U leit phai pat sha la ki para, bad u ong, “U para um don shuh hangta! Ngam tip shuh ngan leh kumno.”

JENESIS 44:20

Ngi ruh ngi la jubab, ‘Ngi dang don i pa iba la tymmen, bad sa uwei u para uba la kha ha ka jinglong tymmen jong i. U hynmen jong u khynnah, u la ïap, bad na ki khun ka kmie jong u, dei sa tang ma u uba dang im; i pa ruh i da ieit thep mynsiem ïa u.’

JENESIS 42:32

Ngi don khat-ar ngut shi para, ki khun jong ujuh u kpa. Uwei u para u la ïap, bad uba khatduh u dang don ha Kanaan bad i pa.’

JENESIS 43:7

Ki jubab, “Uta u briew u ïai kylli bniah shaphang jong ngi bad shaphang ki ba-ha-ïing ha-sem jong ngi, u da ong, ‘I pa jong phi i dang im ne em? Phi dang don para shynrang shuh?’ Ngi hap ban jubab ïa kita ki jingkylli. Kumno ngi lah ban tip ba un ong ïa ngi ban wan ïalam ïa u para jong ngi?”

MATHAÏOS 2:18

“La ïohsngew ïa ka jingsawa ha Ramah, ka jingsawa jong ka jingïam kthang. Ka Rakhel ka ïam na ka bynta la ki khun; ka kyntait ba yn pyntngen ïa ka, namar ba ki la shah pynïap.”

MATHAÏOS 2:16

Haba u Herod u la sngewthuh ba ki nongwan jngoh na mihngi ki la shukor ïa u, u la bitar lep. U la ai hukum ban pynïap ïa ki khynnah shynrang baroh ha Bethlehem bad ha ki shnong ba-marjan kiba la dap ar snem bad kiba kham rit — ïa kane la leh kat kum kaei kaba u la tip na ki nongwan jngoh shaphang ka por mynba u khlur u la lah mihpaw.

SNGEWSYNEI 5:7

Ki kpa tymmen jong ngi ki la leh pop, hynrei mynta kim don shuh, bad ngi shahshitom na ka bynta ki pop jong ki.

JEREMAÏAH 31:15

U Trai u ong, “La ïohsngew ïa ka jingsawa ha Ramah, ka jingsawa jong ka jingïam kthang. Ka Rakhel ka ïam namar ki khun jong ka; ki la ïap noh, bad kam treh ba yn pyntngen ïa ka.

JENESIS 45:26

Ki ïathuh ha u, “U Joseph u dang im, bad u long u nongsynshar ïa ka ri Ijipt baroh kawei.” U Jakob u dum ka buit ka stad, ba um sngewlah ngeit ïa ki.

JENESIS 44:28

Uwei na ki u la iehnoh ïa nga. Khlem pep u la shah patar lyngkhot lyngkhai ha ki mradkhlaw, namar ngam shym la ïohi shuh ïa u naduh ba u mih.

JENESIS 42:38

Hynrei u Jakob u ong, “U khun jong nga um lah ban leit ryngkat bad phi; u hynmen jong u, u la ïap, bad u sah sa tang marwei. Kaei kaei ka lah ban ngat ha u ha lynti. Nga dei u briew uba la tymmen, bad ka jingsngewsih kaba phin pynjia ha nga kan sa pynïap ïa nga.”

JENESIS 42:36

U kpa jong ki u ong ha ki, “Phi kwah ba ngan duh lut ïa la ki jong ki khun? U Joseph um don shuh, u Simeon ruh um don, bad mynta pat phi kwah ban shim noh sa ïa u Benjamin. Dei ma nga keiñ uba shah jynjar!”

JENESIS 42:11

Ngi baroh ngi ïalong shi para. Kynrad, ngim dei ki nongsyntiat, ngi dei ki briew ba shida.”

JENESIS 42:12

U Joseph u ong ha ki, “Em! Phi la ïawan ban khmih ha-ei kane ka ri ka shong tlot.”

JENESIS 42:14

“Ka long thik kumba nga la ong, phi dei ki nongsyntiat,” u Joseph u jubab.

JENESIS 43:29

Haba u Joseph u ïohi ïa u Benjamin u para jong u, u ong, “Une seh u para khatduh jong phi, uta uba phi la ïathuh ha nga? U Blei un kyrkhu ïa phi, khun.”