JENESIS 41:8 - Khasi CL Bible (BSI)

⁸ Ynda mynstep u la sngewkhuslai; kumta u phah khot ïa ki nongleh myntor bad ïa ki riewstad baroh jong ka ri Ijipt. U ïathuh ha ki ïa la ki jingphohsniew, hynrei ym don uwei ruh uba lah ban batai ïa ki ha u.

KA BAIBL

⁸ Te mynstep ka la jia ba ka mynsiem jong u ka la khih khuslai; bad u la phah khot ïa ki kynja nongkren byrtong baroh ka ri Ijipt, bad ïa ki riewstad baroh jong ka: bad u Pharaoh u la ïathuh ha ki la ki jingphohsniew; hynrei, ym don ba lah ban batai ïa ki ha u Pharaoh.

JENESIS 41:8 ပူးပေါင်းရင်းမြစ်များ

JENESIS 40:6

Haba u Joseph u la wan ha ki mynstep, u la ïohi ba ki leh diaw.

JENESIS 40:8

Ki jubab, “Baroh ar ngut ngi la phohsniew la ka jong ka jong ka jingphohsniew, bad ym don mano mano hangne u ban batai ïa ka jingmut ki.” Te u Joseph u ong, “Dei U Blei uba ai ka jinglah ban batai ïa ki jingphohsniew. To ïathuh ha nga ïa ki jingphohsniew jong phi.”

JENESIS 41:15

U syiem u ong ha u, “Nga la phohsniew ïa ka jingphohsniew, bad ym don mano mano ba lah ban batai ïa ka. La ïathuh ha nga ba me lah ban batai ïa ki jingphohsniew.”

JENESIS 41:24

Nga la ïathuh ïa ki jingphohsniew ha ki nongleh myntor, hynrei ym don uwei ruh na ki uba lah ban batai ïa ki ha nga.”

JENESIS 41:7

U syiem u la kyndit thiah bad u sngewthuh ba u la phohsniew.

SALM 25:14

U Trai u long u paralok jong kito kiba kohnguh ïa u bad u pynskhem ïa la ka jutang bad ki.

EKSODOS 7:11

Nangta u Pharaoh u phah khot ïa ki riewstad bad ïa ki nongleh myntor jong u, bad ki ruh ki leh kumjuh da ka myntor jong ki.

EKSODOS 7:22

Nangta ki nongleh myntor jong u Pharaoh ki la leh kumjuh da ka myntor jong ki; bad u Pharaoh u dang mutlop hi kumba u long. Kumba U Trai u la lah ong, u Pharaoh u la kyntait ban shahshkor ïa u Moses bad u Aaron.

EKSODOS 8:7

Hynrei kita ki nongleh myntor ki ïaleh kumjuh da ki buit myntor jong ki, bad ki ruh ki pynmih ïa ki jakoid ha ka ri.

EKSODOS 9:11

Ki nongleh myntor kim lah ïeng shuh ha khmat u Moses namar ki la ïa-ïoh tohjaw lut kumba long lem kiwei pat ki nong Ijipt.

ISAÏAH 19:3

Ngan pynpulom ïa ki jingthmu jong ki nong Ijipt bad ngan pynjot ïa ka jingsngewskhem jong ki. Kin kyrpad ïa ki bleithaw jong ki ban ïarap ïa ki, bad kin leit ban kylli na ki nongleh byrtong bad kylli na ki mynsiem jong kiba ïap ban ïoh jingmut.

ISAÏAH 29:14

Kumta ngan sa pynkyndit ïa ki da kawei hadien kawei pat ka jingtied kaba kim poi pyrkhat. Kito kiba stad kin kylla long ki bieit, bad baroh ka jingsian jong ki kan long lehnoh-ei.”

ISAÏAH 8:19

Hynrei ki briew kin ong ïa me ban kylli ïa ki khubor na ki nongbatai kupar bad ki nongkren byrtong kiba kren jam bad kiba kren mian mian. Kin ong, “Nalor baroh, ki briew ki dei ban kylli ïa ki khubor na ki mynsiem bad kylli na kiba ïap na ka bynta kiba im.”

DANIEL 1:20

Kam pher kaei ka jingkylli ba u syiem u la kylli, lane kano ka jingeh kaba u pynpaw, kine ki saw ngut ki la kham tip shiphew shah ban ïa uno uno u nongbatai kupar lane u nongleh myntor ha ka hima jong u baroh kawei.

DANIEL 4:18

“Kane ka long ka jingphohsniew kaba nga la ïoh,” ong u syiem Nebukhadnessar. “Mynta, ko Belteshassar, ïathuh ïa nga kaei ka jingmut jong ka. Ym don man mano na ki nongai jingmut na ka ïingsyiem jong nga kiba lah ban ïathuh ha nga, hynrei me lah, namar ba u mynsiem jong ki blei bakhuid u don hapoh jong me.”

DANIEL 4:19

Ha kane, u Daniel, ïa uba la khot ruh u Belteshassar, u la sngewsheptieng katta katta ba um lah ban ong ei ei. U syiem u la ong ha u, “Ko Belteshassar, wat ai ba ka jingphohsniew bad ka khubor jong ka kin pynsheptieng ïa me.” U Belteshassar u la phai ktien, “Ko Syiem Kynrad, nga kwah ba ka jingphohsniew bad ka jingbatai ïa ka kan dei ïa ki nongshun jong phi bad ym ïa phi.

DANIEL 4:5

Hynrei nga la ïoh ka jingphohsniew kaba pynsheptieng bad nga la ïohi ki jingïohipaw kiba shyrkhei mynba nga dang ïohthiah.

DANIEL 4:6

Nga la hukum ban wallam sha nga ïa baroh ki nongai jingmut jong u syiem ha Babilon khnang ba ki lah ban ïathuh ha nga kaei ka jingmut jong ka jingphohsniew.

DANIEL 4:7

Te la wallam shapoh ïa baroh ki nongbatai kupar, ki nongleh myntor, ki nongleh byrtong, bad ki nongpeit kti, bad nga la ïathuh ha ki ïa ka jingphohsniew jong nga, hynrei kim lah ban batai ïa ka ha nga.

DANIEL 5:11

U don u briew ha ka hima jong phi uba don ïa u mynsiem jong ki blei bakhuid hapoh jong u. Mynba u kpa jong phi u long syiem, une u briew u la pyn-i ka jingmut kaba bha, ka jingtip, bad ka jingstad kum ka jingstad jong ki blei. Bad u syiem Nebukhadnessar, u kpa jong phi, u la pynlong ïa u, u khlieh duh jong ki nongbatai kupar, ki nongleh myntor, ki nongleh byrtong, bad ki nongpeit kti.

DANIEL 7:28

Kane ka dei kaba kut jong ka jingïathuh. Nga la sheptieng haduh katta katta ba nga la kylla lieh blaid blaid, bad ba nga la set ïa kaei kaei baroh ha lade.

DANIEL 8:27

Nga la noh mynsiem bad shitom bun bun sngi. Hadien kata nga la khie bad leit pat sha ka kam kaba u syiem u la ai ha nga, hynrei nga la shaïong da ka jingïohipaw bad ngam lah ban shemphang ïa ka.

LEBITIKOS 19:31

“Wat leit ban pan jingmut na ki briew kiba wad jingtip na ki mynsiem jong ki briew kiba la ïap. Lada phi leh kumta, yn ñiew ïa phi ki bymkhuid. Nga long U Trai U Blei jong phi.

LEBITIKOS 20:6

“Lada uno uno u leit pan jingmut na ki briew kiba wad jingtip na ki mynsiem jong ki briew kiba la ïap, ngan phai pyrshah ïa u bad ngan ym ñiew shuh ïa u kum uwei na ki briew jong nga.

HABAKKUK 3:16

Nga ïohsngew ïa kane baroh, bad nga kyiuh; ki rmiang shyntur jong nga ki khih da ka jingsheptieng. Ka met jong nga ka jem lwep, bad ki kjat jong nga ki jynthut hapoh jong nga. Ngan ap jar jar ïa ka por ka ban wan haba U Blei un pynshitom ïa kito kiba tur ïaleh ïa ngi.

MATHAÏOS 2:1

Ïa U Jisu la kha ha ka shnong Bethlehem ha Judia, ha ka por mynba u Herod u long u syiem. Shen hadien kata, katto katne ki rangbah kiba la peit bniah ïa ki khlur ki la wan na sha mihngi sha Jerusalem bad ki la kylli,

KI KAM 17:18

Katto katne ngut ki nonghikai na ka skul jong ki Epikuri bad ki Stoik ki la ïatainia ruh bad u. Katto katne ngut na ki, ki la kylli, “Aïu une u sarong bieit u pyrshang ban kren?” Kiwei pat ki jubab, “U i kumba u kren shaphang ki blei nongwei.” Ki la ong ïa kane namar ba u Paul u la ïalap shaphang U Jisu bad ka jingmihpat.

KI KAM 7:22

La hikai ïa u ha ka jingstad baroh jong ki nong Ijipt bad u la long u briew uba khraw ha ki ktien bad ki kam.

1 KORINTH 1:19

Ka Jingthoh Bakhuid ka ong, “Ngan pynjot noh ïa ka jingstad jong kiba stad bad ngan kyntait sharud ïa ka jingshemphang jong ki riewshemphang.”

1 SAMUEL 6:2

ki briew ki khot ïa ki lyngdoh bad ki nongleh myntor bad ki kylli, “Ngin leh kumno ïa kane ka Synduk ka Jutang U Trai? Lada ngi phah biang ïa ka sha ka jaka jong ka da-ei ngin phah ryngkat bad ka?”