JENESIS 41:43 - Khasi CL Bible (BSI)

⁴³ U la ai ha u ïa ka kali syiem kaba ar ba un shong; bad ki nongap ïa ka ïingsyiem ki ïaid ha khmat jong u bad ki pyrta, “Kynriah! kynriah!” Bad kumta la thung lat ïa u Joseph halor ka ri Ijipt baroh.

KA BAIBL

⁴³ bad u la pynshong ïa u ha ka kali ka ba-ar ka jong u; bad ki la ïapyrta noh ha shuwa jong u, “To dem ka khohsiew”: kumta, u la buh ïa u halor ka ri Ijipt baroh kawei.

JENESIS 41:43 ပူးပေါင်းရင်းမြစ်များ

JENESIS 41:42

U syiem u law noh na ka shynriah'ti jong u ïa ka sati kaba don ka muhor syiem bad u pyndeng ïa ka ha ka shynriah'ti jong u Joseph. U pynkup ruh ïa u da ka jaiñ linen bani, bad u pyndeng ïa u kynjri ksiar ha ka ryndang jong u.

JENESIS 41:44

U syiem u ong ruh ha u, “Nga long u syiem — bad yn ym don uwei ruh ha ka ri Ijipt baroh kawei u ban leh ei ei khlem ka jingai jingbit jong me.”

JENESIS 42:30

“U lat jong ka ri Ijipt u la kren khor ïa ngi, bad u la kynnoh ba ngi syntiat ïa kata ka ri.

JENESIS 42:33

Uta u briew u jubab, ‘Da kumne ngan tip ba phim dei ki riewshukor, uwei na phi un sah bad nga; ieh kiwei pat kin leit kit kew sha la ki ba-ha-ïing kiba shahthngan, bad kin leit noh.

JENESIS 42:6

U Joseph kum u lat jong ka ri Ijipt u die kew ha ki briew kiba wan na kylleng ka pyrthei. Kumta ki hynmen shynrang jong u Joseph ki la ïawan bad nguh ngon ha khmat jong u, ki da pyndem la ki khmat sha khyndew.

JENESIS 45:26

Ki ïathuh ha u, “U Joseph u dang im, bad u long u nongsynshar ïa ka ri Ijipt baroh kawei.” U Jakob u dum ka buit ka stad, ba um sngewlah ngeit ïa ki.

JENESIS 45:8

Kumta ym dei shisha ma phi kiba la phah ïa nga shane, hynrei U Blei hi. U la pynlong ïa nga u rangbah synshar bahakhlieh duh. Nga dei u nongkhmih ïa ka ri jong u baroh kawei; nga long u nongsynshar ïa ka ri Ijipt baroh kawei.

JENESIS 50:18

Nangta ki hynmen jong u hi ki ïawan bad ki ïadem ngon ha khmat jong u. “Ngi long ki mraw jong phi,” ki ong.

JENESIS 50:9

Ki briew kiba shong ha ki kali kulai bad ha ki kulai ruh ki ïaleit synran ïa u; kumta ka kynhun ka long kaba bun.

ESTHER 10:3

U Mordekai, u Jiw, u la long uba ar ha ka kyrdan tang ïa u syiem Serksis hi. Ïa u la burom bad sngewtynnat da ki para Jiw baroh. U la trei na ka bynta ka jingbha jingmiat ki briew jong u bad ka jingbit jingbiang jong baroh ki khun ki ksiew jong ki.

ESTHER 3:2

U syiem u la hukum ïa baroh ki rangbah synshar ha ka jingtreikam ban pynpaw ïa ka jingburom ïa u Haman da kaba dem khohsiew bad nguh ïa u. Baroh ki la leh kumta, lait noh tang u Mordekai, uba la kyntait ban leh ïa ka.

DANIEL 2:48

Te u la ai ha u Daniel ka kyrdan kaba halor, u la ai sngewbha ïa u da ki jingai kiba kynsai tam, u la buh ïa u ban khmih ïa ka probins jong ka Babilon, bad u la pynlong ïa u, u khlieh jong baroh ki nongai jingmut ïa u syiem.

KI KAM 7:10

Haba u Joseph u leit ha khmat u syiem ka Ijipt, U Blei u la ai ha u ka akor kaba pynsngewbha bad ka jingstad; bad u syiem u la pynlong lyngskor ïa u Joseph halor ka ri bad ka longïing syiem.

PHILIPPI 2:10

Bad kumta, kum ka burom ïa ka kyrteng U Jisu baroh ki jingthaw ha bneng, ha pyrthei bad ha ka pyrthei hapoh kin dem khrup ha ki khohsiew jong ki,