JENESIS 41:42 - Khasi CL Bible (BSI)

⁴² U syiem u law noh na ka shynriah'ti jong u ïa ka sati kaba don ka muhor syiem bad u pyndeng ïa ka ha ka shynriah'ti jong u Joseph. U pynkup ruh ïa u da ka jaiñ linen bani, bad u pyndeng ïa u kynjri ksiar ha ka ryndang jong u.

KA BAIBL

⁴² Bad u Pharaoh u la law noh ïa ka sa'ti na la ka kti, bad u la buh ïa ka ha ka kti u Joseph, bad u la pynkup ïa u da ki jaiñ 'sai ryndia bani, bad u la buh ïa u kynjri ksiar ha ka ryndang jong u;

JENESIS 41:42 ပူးပေါင်းရင်းမြစ်များ

JENESIS 38:18

“Ngan ai aïu ïa phi kum ka dak ka jingkular?” u phai ktien. Ka jubab, “Ka muhor jong phi bad u ksai jong ka, bad uto u diengduh ba phi rah.” U la ai ïa ki ha ka. Nangta ki la ïathiah shongkha, bad ka la punkhun.

JENESIS 41:43

U la ai ha u ïa ka kali syiem kaba ar ba un shong; bad ki nongap ïa ka ïingsyiem ki ïaid ha khmat jong u bad ki pyrta, “Kynriah! kynriah!” Bad kumta la thung lat ïa u Joseph halor ka ri Ijipt baroh.

ESTHER 10:3

U Mordekai, u Jiw, u la long uba ar ha ka kyrdan tang ïa u syiem Serksis hi. Ïa u la burom bad sngewtynnat da ki para Jiw baroh. U la trei na ka bynta ka jingbha jingmiat ki briew jong u bad ka jingbit jingbiang jong baroh ki khun ki ksiew jong ki.

ESTHER 3:10

U syiem u law ïa la ka sati ba pyndonkam ha kaba shon muhor ban pynkupbor ïa ki jingpynbna, bad ai ïa ka ha u nongshun jong ka jaitbynriew Jiw, u Haman u khun jong u Hammedatha, uba hiarpateng na u Agag.

ESTHER 3:12

Kumta ha ka sngi kaba khatlai jong u bnai banyngkong, u Haman u la khot ïa ki sekretari jong u syiem bad u la pule ha ki ba kin bud ïa ka jingpynbna bad ong ïa ki ban pynkylla ktien sha baroh ki jait ktien bad rukom thoh ba la pyndonkam ha ka hima bad ban phah sha baroh ki nongsynshar, ki lat bad rangbah synshar. La pynmih ha ka kyrteng jong u syiem Serksis bad shon muhor da ka sati jong u.

ESTHER 8:10

U Mordekai u la thoh ïa ki shithi ha ka kyrteng u syiem Serksis, bad u shon ïa ki da ka muhor syiem. La leit rah da ki nongshong kulai kiba shong ha ki kulai bastet na ki sem kulai syiem.

ESTHER 8:15

U Mordekai u mih na ka ïingsyiem, ha ki jingphong syiem kiba jngum rong bad balieh, ka barandi linen ba sawbthuh bad ka pansngiat ksiar ba-itynnat. Nangta ki lynti bah ka Susa ki sawa da ki jingpyrta ïaroh jong ka jingkmen.

ESTHER 8:2

U syiem u la loit noh ïa ka sati ba don muhor ha ka (kaba u la shim noh na u Haman) bad u ai ha u Mordekai. Ka Esther ka buh ïa ki jingdon jingem jong u Haman ha ka jingpeit u Mordekai.

ESTHER 8:8

Hynrei ka jingpynbna ba la dep pynmih ha ka kyrteng u syiem bad ba la shon da ka muhor syiem, ym lah ban pynkylla. Phi lah pat ban thoh sha ki Jiw ïa kaei kaei kaba phi kwah; bad phi lah ban thoh ïa ka ha ka kyrteng jong nga bad shon ïa ka da ka muhor syiem.”

SALM 73:6

Bad kumta ki deng ïa ka jingsarong kum u kpieng bad ïa ka jingleh jubor kum ka jaiñkup;

PROBERB 1:9

Ki jinghikai jong ki kin pynbha ïa ka jinglong jong phi kum ka jaiñspong kaba ishongkhia ha ka khlieh jong phi, lane kum u jingdeng uba pyniphuh ïa ka dur jong phi.

PROBERB 31:22

Ka thain ïa ki jaiñ siang thiah bad ka phong da ki jaiñ linen bani bad basawbthuh.

PROBERB 31:24

Ka thain ki jaiñkup bad ki jingpanpoh bad ka die ïa ki ha ki nongkhaïi.

JINGRWAI SOLOMON 1:10

U shñiuh jong phi u itynnat halor ki ngab jong phi, bad u noh rymphum ha ka ryndang jong phi kum ki mawkordor.

JINGRWAI SOLOMON 4:9

Kaba khmih ïa ki khmat jong phi, ko ba-ieit thep mynsiem bad ko nongleitkurim jong nga, bad u jingdeng ryndang ba phi deng ka la tuh ïa ka dohnud jong nga.

ISAÏAH 3:23

ïa ki jaiñ bastang jong ki, ki rumal linen jong ki, bad ïa ki jaiñ teh ryndang bad ki jaiñtapkhmat kiba jrong kiba ki tap ha ki khlieh jong ki.

JEREMAÏAH 52:33

Kumta ïa u Jehoïakhin la shah ba un law noh ïa ki jaiñphong byndi bad ban ïabam lang ha ka miej jong u syiem shi lynter ka jingim jong u.

ESEKIEL 27:7

Ïa ki jaiñ pynshah lyer jong pha la shna da ka jaiñ linen, ka linen ba la suh syntiew na Ijipt, ba lah ban ithuh naduh na jngai. Ïa ki jingpynpur la shna na ka jaiñ bakynsai tam, da ka rong jngum na ka dewlynnong Sypros.

DANIEL 5:16

Mynta nga la ïohsngew ba me lah ban shem ïa ki jingmut barieh bad batai ïa ki jingmaïan. Lada me lah ban pule ïa kane ka jingthoh bad ïathuh ïa nga aïu ka kit jingmut, yn pynkup ïa me ha ki jaiñkup syiem ba sawbthuh, yn pyndeng ha me ïa u kynjri ksiar jong ka jingpyndonburom sawdong ka ryndang jong me, bad men long uba lai ha ka bor hapoh ka hima.”

DANIEL 5:29

Mar kumta hi u Belshassar u la ai hukum ïa ki shakri jong u ban pynphong ïa u Daniel ha ka jaiñkup syiem kaba sawbthuh bad ban pyndeng u kynjri ksiar ka jingpyndonburom sawdong ka ryndang jong u. Bad u la pynlong ïa u, uba lai ha ka bor hapoh ka hima.

DANIEL 5:7

U la pyrta ïano ïano ban wallam shapoh ïa ki nongleh myntor, ki nongleh byrtong, bad ki nongpeit kti. Haba ki la ïawan shapoh, u syiem u la ong ha ki, “Ïa uno uno uba lah ban pule ïa kane ka jingthoh bad ïathuh ïa nga ïa ka jingmut jong ka yn pynphong ha ki jaiñkup syiem kiba sawbthuh, un deng u kynjri ksiar ka jingpyndonburom sawdong ka ryndang jong u, bad un long uba lai ha ka bor hapoh ka hima.”

LOUKAS 15:22

Hynrei u kpa u la khot ïa la ki shakri. ‘To pynkloi!’ u la ong. ‘To wanlam ïa ka jaiñkup kaba bha tam bad pynkup ïa u. Pyndeng sati ha ka shynriah'ti jong u bad pynphong juti ha ki kjat jong u.

1 SAMUEL 18:4

U law ïa ka jaiñkup ba u phong bad u ai ïa ka ha u Dabid, ryngkat bad ka jingkieng atiar jong u bad ruh ïa ka waitlam, ka ryntieh, bad u panpoh jong u.