JENESIS 41:41 - Khasi CL Bible (BSI)

⁴¹ Mynta, nga thung ïa me u lat halor ka ri Ijipt.”

KA BAIBL

⁴¹ Ynda kumta, u Pharaoh u la ong ha u Joseph, “To khmih, nga la buh ïa me halor ka ri Ijipt baroh kawei.”

JENESIS 41:41 ပူးပေါင်းရင်းမြစ်များ

JENESIS 39:22

U la buh ïa u Joseph ban khmih ïa kiwei pat ki koidi kiba don hangta, bad u la buh jingkitkhlieh ha u ïa kawei pa kawei ka kam kaba la ju leh hangta.

JENESIS 39:5

Naduh kata ka por, namar jong u Joseph, U Trai u la kyrkhu ïa ka longïing longsem jong u nong Ijipt, bad ïa kiei kiei baroh kiba u don ha ïing ka sem jong u lane ha lyngkha jong u.

JENESIS 41:44

U syiem u ong ruh ha u, “Nga long u syiem — bad yn ym don uwei ruh ha ka ri Ijipt baroh kawei u ban leh ei ei khlem ka jingai jingbit jong me.”

JENESIS 42:6

U Joseph kum u lat jong ka ri Ijipt u die kew ha ki briew kiba wan na kylleng ka pyrthei. Kumta ki hynmen shynrang jong u Joseph ki la ïawan bad nguh ngon ha khmat jong u, ki da pyndem la ki khmat sha khyndew.

JENESIS 45:8

Kumta ym dei shisha ma phi kiba la phah ïa nga shane, hynrei U Blei hi. U la pynlong ïa nga u rangbah synshar bahakhlieh duh. Nga dei u nongkhmih ïa ka ri jong u baroh kawei; nga long u nongsynshar ïa ka ri Ijipt baroh kawei.

ESTHER 10:3

U Mordekai, u Jiw, u la long uba ar ha ka kyrdan tang ïa u syiem Serksis hi. Ïa u la burom bad sngewtynnat da ki para Jiw baroh. U la trei na ka bynta ka jingbha jingmiat ki briew jong u bad ka jingbit jingbiang jong baroh ki khun ki ksiew jong ki.

SALM 105:21

U la buh ïa u ban pynïaid ïa ka sorkar jong u bad pynlong ïa u, u nongsynshar halor ka ri baroh kawei,

PROBERB 17:2

U shakri uba sian un ïoh long khlieh halor u khun bymlarkam jong u kynrad bad ïohpdiang shi bynta na ka jingïohpateng.

PROBERB 22:29

Pyni ha nga ïa u briew uba leh ïa ka kam babha, bad ngan pyn-i ha phi ïa u briew uba kham bha ban ïa ka kynhun babun bad babit tam jong ki syiem.

DANIEL 2:48

Te u la ai ha u Daniel ka kyrdan kaba halor, u la ai sngewbha ïa u da ki jingai kiba kynsai tam, u la buh ïa u ban khmih ïa ka probins jong ka Babilon, bad u la pynlong ïa u, u khlieh jong baroh ki nongai jingmut ïa u syiem.

DANIEL 6:3

Tang katto katne por, u Daniel u la pyn-i ba u lah ban treikam kham bha ban ïa kiwei pat ki nongpynïaidkam lane ki lat. Namar ba u long uba kham paw, u syiem u la pyrkhat ban buh ïa u ban khmih ïa ka hima baroh kawei.

MATHAÏOS 28:18

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

KI KAM 7:10

Haba u Joseph u leit ha khmat u syiem ka Ijipt, U Blei u la ai ha u ka akor kaba pynsngewbha bad ka jingstad; bad u syiem u la pynlong lyngskor ïa u Joseph halor ka ri bad ka longïing syiem.