JENESIS 41:25 - Khasi CL Bible (BSI)

²⁵ U Joseph u ong ha u syiem, “Ki jingphohsniew baroh ar tylli ki mut ïa kajuh. U Blei u la ïathuh ha phi ïa kaei kaba un sa leh.

KA BAIBL

²⁵ Ynda kumta, u Joseph u la ïathuh ha u Pharaoh, “Ka jingphohsniew u Pharaoh ka long kawei; ïa kaba U Blei un sa leh, ïa kata keiñ u la ïathuh ha u Pharaoh.

JENESIS 41:25 ပူးပေါင်းရင်းမြစ်များ

JENESIS 40:8

Ki jubab, “Baroh ar ngut ngi la phohsniew la ka jong ka jong ka jingphohsniew, bad ym don mano mano hangne u ban batai ïa ka jingmut ki.” Te u Joseph u ong, “Dei U Blei uba ai ka jinglah ban batai ïa ki jingphohsniew. To ïathuh ha nga ïa ki jingphohsniew jong phi.”

JENESIS 41:16

U Joseph u jubab, “Syiem Kynrad, ngam lah; hynrei U Blei un ai ka jingbatai kaba ai jinghun.”

JENESIS 41:26

Ki hynñiew tylli ki masi kynthei kiba sngaid ki long ki hynñiew tylli ki snem, bad ki hynñiew tylli ki kop kew kiba met ruh ki long ruh ki hynñiew tylli ki snem; ki don kajuh ka jingmut.

JENESIS 41:28

Ka long thik kumba nga la ïathuh ha phi — U Blei u la pyn-i ha phi ïa kaei ba un sa leh.

JENESIS 41:32

Ka jingïaiban ïa ka jingphohsniew jong phi ka mut ba ïa kane la pynskhem da U Blei bad ba un pynurlong shen ïa ka.

SALM 98:2

U Trai u la pynbna ïa ka jingjop jong u, u la pynlong ïa ka bor bapynim jong u ba yn tip ha ki jaitbynriew.

EKSODOS 9:14

Naba ha kane ka kynti ngan pynshitom ym tang ïa ki rangbah synshar bad ïa ki briew jong me, hynrei ïa me hi ruh, khnang ba men ïoh tip ba ym don uba kum ma nga ha ka pyrthei baroh.

ISAÏAH 43:9

Khot hajir ïa ki jaitbynriew ban wan sha ka jingbishar. Kino na ki blei jong ki kiba lah ban ïathuhlypa ïa ka lawei? Kino na ki kiba la ong lypa kaei ka ban jia mynta? Ai ba kine ki blei kin wanrah ïa ki sakhi jong ki ban pynshisha ba ki long kiba dei, ban phla ïa ka jingshisha jong ki ktien jong ki.

DANIEL 2:45

Phi la ïohi kumno u maw u la lait na ka synrang khlem don mano mano ba ktah ïa u bad kumno u la shoh ïa ka durbriew kaba la shna da ka nar, ka rnong, ka dewbyrtha, ka rupa bad ka ksiar. U Blei uba khraw u ïathuh ïa u Syiem Kynrad kaei ka ban sa jia ha ka lawei. Nga la ïathuh thik ïa kaei kaba phi la phohsniew bad nga la ai ha phi ïa ka jingmut bashisha.”

DANIEL 2:47

U syiem u la ong, “U Blei jong me u long uba khraw tam na ki blei baroh, U Trai halor ki syiem, bad uta uba pynpaw ïa ki jingmaïan. Nga tip ïa kane namar me la lah ban batai ïa kane ka jingmaïan.”

AMOS 3:7

U Trai Nongsynshar um ju leh ei ei khlem da pynpaw ïa ka jingthmu jong u ha la ki shakri, ki nongïathuhlypa.

MATHAÏOS 24:40

Ha kata ka por ar ngut ki rangbah kin ïatrei ha ka lyngkha: Ïa uwei yn shim noh, ïa uwei pat yn iehnoh shadien.

MARKOS 13:23

Sumar bha ïa lade! Nga la ïathuh ïa kiei kiei baroh ha phi shuwa ba ka por kan poi.”

EPHESOS 1:17

Nga kynmaw ïa phi ha ki jingduwai jong nga; bad nga kyrpad na U Blei jong U Jisu Khrist uba U Trai jong ngi, u Kpa uba dap da ka burom, ba un ai ha phi ïa U Mynsiem, u ban pynlong ïa phi kiba stad bad un pynpaw ha phi ïa U Blei, khnang ba phin ïoh tip ïa u.

JOSHUA 11:6

U Trai u ong ha u Joshua, “Wat sheptieng ïa ki. Ha kane ka por lashai ka sngi ngan pynïap ïa ki baroh na ka bynta ki Israel. Phi dei ban pyndkoh ïa ki kulai jong ki bad thang ïa ki kali ïapom jong ki.”

JINGPYNPAW 4:1

Ha kane ka por, nga don kawei pat ka jingïohipaw bad nga la ïohi ïa ka jingkhang ba plie ha bneng. Bad nga la ïohsngew ïa ka sur kaba sawa kum ka turoi kaba nga la ïohsngew kaba kren ha nga kumba mynshuwa, kaba ong, “Wan kiew shane shalor, bad ngan pyn-i ïa me kaei kaba dei ban jia hadien kane.”