JENESIS 41:15 - Khasi CL Bible (BSI)

¹⁵ U syiem u ong ha u, “Nga la phohsniew ïa ka jingphohsniew, bad ym don mano mano ba lah ban batai ïa ka. La ïathuh ha nga ba me lah ban batai ïa ki jingphohsniew.”

KA BAIBL

¹⁵ Bad u Pharaoh u la ong ha u Joseph, “Nga la phohsniew ïa ka jingphohsniew, bad ym don ba lah ban batai ïa ka; te nga la bna shaphang jong me, ba me lah ban sngap ïa ka jingphohsniew ïa ka ban batai ïa ka.”

JENESIS 41:15 ပူးပေါင်းရင်းမြစ်များ

JENESIS 40:8

Ki jubab, “Baroh ar ngut ngi la phohsniew la ka jong ka jong ka jingphohsniew, bad ym don mano mano hangne u ban batai ïa ka jingmut ki.” Te u Joseph u ong, “Dei U Blei uba ai ka jinglah ban batai ïa ki jingphohsniew. To ïathuh ha nga ïa ki jingphohsniew jong phi.”

JENESIS 41:8

Ynda mynstep u la sngewkhuslai; kumta u phah khot ïa ki nongleh myntor bad ïa ki riewstad baroh jong ka ri Ijipt. U ïathuh ha ki ïa la ki jingphohsniew, hynrei ym don uwei ruh uba lah ban batai ïa ki ha u.

2 KHRONIKL 26:5

Katba u Sekharaïah u nongaibuit jong u ha kaba ïadei bad ka niam u dang im; u la shakri hok ïa U Trai bad U Blei u la kyrkhu ïa u.

SALM 25:14

U Trai u long u paralok jong kito kiba kohnguh ïa u bad u pynskhem ïa la ka jutang bad ki.

DANIEL 2:3

u la ong ha ki, “Nga la khuslai shaphang ka jingphohsniew kaba nga la ïoh. Nga kwah ban tip kaei ka jingmut jong ka.”

DANIEL 4:18

“Kane ka long ka jingphohsniew kaba nga la ïoh,” ong u syiem Nebukhadnessar. “Mynta, ko Belteshassar, ïathuh ïa nga kaei ka jingmut jong ka. Ym don man mano na ki nongai jingmut na ka ïingsyiem jong nga kiba lah ban ïathuh ha nga, hynrei me lah, namar ba u mynsiem jong ki blei bakhuid u don hapoh jong me.”

DANIEL 4:9

Ko Belteshassar, u rangbah jong ki nongbatai kupar, nga tip ba u mynsiem jong ki blei bakhuid u don hapoh jong me, bad ba me shemphang ïa ki jingmaïan baroh. Kane ka long ka jingphohsniew jong nga. To ïathuh ïa nga kaei ka jingmut jong ka.

DANIEL 5:12

U la don ka jinglah kaba kham pher bad u long uba stad bad uba tbit ha kaba batai ïa ki jingphohsniew, uba ai jubab ïa ki jingkyntip, bad batai ïa ki jingmaïan; kumta to phah khot ïa une u briew, u Daniel, ïa uba u syiem u la ai kyrteng u Belteshassar, bad un ïathuh ïa phi aïu kane baroh ka kit jingmut.”

DANIEL 5:14

Nga la ïohsngew ba u mynsiem jong ki blei bakhuid u don hapoh jong me bad ba me long uba tbit bad me don ka jingtip bad ka jingstad.

DANIEL 5:16

Mynta nga la ïohsngew ba me lah ban shem ïa ki jingmut barieh bad batai ïa ki jingmaïan. Lada me lah ban pule ïa kane ka jingthoh bad ïathuh ïa nga aïu ka kit jingmut, yn pynkup ïa me ha ki jaiñkup syiem ba sawbthuh, yn pyndeng ha me ïa u kynjri ksiar jong ka jingpyndonburom sawdong ka ryndang jong me, bad men long uba lai ha ka bor hapoh ka hima.”