JENESIS 41:12 - Khasi CL Bible (BSI)

¹² Uwei u samla Hebru u la don hangta lem bad ngi, uba dei u mraw jong u kapten jong ki nongap phira. Ngi la ïathuh ha u ïa la ki jingphohsniew, bad u la batai ïa ki ha ngi.

KA BAIBL

¹² Te la don hangta ryngkat bad ngi u samla, u kynja Hebru, u shakri jong u rangbah ki nongphasi; bad ngi la ïathuh ha u, u ruh u la batai ïa ngi ïa ki jingphohsniew jong ngi; ïa uwei uwei ruh kat kumba la long la ka jingphohsniew u la batai ma u keiñ.

JENESIS 41:12 ပူးပေါင်းရင်းမြစ်များ

JENESIS 37:36

Ha kajuh ka por, ha Ijipt, ki Midian ki la die noh ïa u Joseph ha u Potiphar, uwei na ki rangbah synshar jong u syiem, uba dei u kapten jong ki nongap phira ïa ka ïingsyiem.

JENESIS 39:1

Mynta ki nong Ishmael ki la ïalam ïa u Joseph sha ka ri Ijipt bad ki die ïa u ha u Potiphar, uwei na ki rangbah synshar jong u syiem, uba long u kapten jong kiba ap phira ïa ka ïingsyiem.

JENESIS 39:20

bad u la phah kem ïa u Joseph bad u set ïa u ha ka byndi ha ka jaka ba la set ïa ki koidi jong u syiem, bad hangta la pynsah ïa u.

DANIEL 1:17

U Blei u la ai ha ki saw ngut ki samla shynrang ïa ka jingtip bad ka jingtbit ha ka thoh ka tar bad ha ka saiñpyrkhat. Nalor kane, u la ai ha u Daniel ka jingtbit ban batai ïa ki jingïohipaw bad ïa ki jingphohsniew.