JENESIS 40:8 - Khasi CL Bible (BSI)

⁸ Ki jubab, “Baroh ar ngut ngi la phohsniew la ka jong ka jong ka jingphohsniew, bad ym don mano mano hangne u ban batai ïa ka jingmut ki.” Te u Joseph u ong, “Dei U Blei uba ai ka jinglah ban batai ïa ki jingphohsniew. To ïathuh ha nga ïa ki jingphohsniew jong phi.”

KA BAIBL

⁸ Bad ki la ïathuh ha u, “Ngi la phohsniew ïa ka jingphohsniew, hynrei, ym don u ban batai ïa ka.” Bad u Joseph u la ong ha ki, “Ki jingbatai kim dei ki jong U Blei mo? To ïathuh ha nga ïa ki mynta, nga kyrpad ïa phi.”

JENESIS 40:8 ပူးပေါင်းရင်းမြစ်များ

JENESIS 40:9

Kumta u nongrah khuri rangbah u ong, “Ha ka jingphohsniew jong nga, la don uwei u dieng sohwaiñ ha khmat jong nga, uba don lai tylli ki tnat.

JENESIS 41:25

U Joseph u ong ha u syiem, “Ki jingphohsniew baroh ar tylli ki mut ïa kajuh. U Blei u la ïathuh ha phi ïa kaei kaba un sa leh.

Ka Kitab U Job 33:23

Lehse u angel u lah ban wan ïarap ïa u — uwei na ki hajar ki angel jong U Blei, uba pynkynmaw ïa ki briew ïa ki kamram jong ki.

SALM 25:14

U Trai u long u paralok jong kito kiba kohnguh ïa u bad u pynskhem ïa la ka jutang bad ki.

ISAÏAH 8:19

Hynrei ki briew kin ong ïa me ban kylli ïa ki khubor na ki nongbatai kupar bad ki nongkren byrtong kiba kren jam bad kiba kren mian mian. Kin ong, “Nalor baroh, ki briew ki dei ban kylli ïa ki khubor na ki mynsiem bad kylli na kiba ïap na ka bynta kiba im.”

DANIEL 2:11

Kaei kaba u Syiem Kynrad u pan ka long kaba eh haduh katta katta ba ym don mano mano ba lah ban leh ïa kata lait tang ki blei, bad kim shong kim sah hapdeng ki bynriew.”

DANIEL 2:27

U Daniel u la jubab, “Ko Syiem Kynrad, ym don uno uno u nongleh byrtong, u nongleh myntor, u nongbatai kupar, lane u nongkhmih khlur uba lah ban ïathuh ha phi ïa kata.

DANIEL 2:28

Hynrei don U Blei ha bneng, uba pynpaw ïa ki jingmaïan. U la pyntip ïa u Syiem Kynrad kaei ka ban jia ha ka lawei. Mynta ngan ïathuh ha phi ïa ka jingphohsniew, ka jingïohipaw kaba phi lah ïoh mynba phi dang ïohthiah.

DANIEL 2:3

u la ong ha ki, “Nga la khuslai shaphang ka jingphohsniew kaba nga la ïoh. Nga kwah ban tip kaei ka jingmut jong ka.”

DANIEL 2:47

U syiem u la ong, “U Blei jong me u long uba khraw tam na ki blei baroh, U Trai halor ki syiem, bad uta uba pynpaw ïa ki jingmaïan. Nga tip ïa kane namar me la lah ban batai ïa kane ka jingmaïan.”

DANIEL 4:8

Te u Daniel u la wan shapoh. (La khot ruh ïa u, u Belteshassar, ha ka kyrteng u blei jong nga.) U mynsiem jong ki blei bakhuid u don hapoh jong u, kumta nga la ïathuh ha u ïa kaei kaba nga la phohsniew. Nga la ong ha u:

DANIEL 5:16

Mynta nga la ïohsngew ba me lah ban shem ïa ki jingmut barieh bad batai ïa ki jingmaïan. Lada me lah ban pule ïa kane ka jingthoh bad ïathuh ïa nga aïu ka kit jingmut, yn pynkup ïa me ha ki jaiñkup syiem ba sawbthuh, yn pyndeng ha me ïa u kynjri ksiar jong ka jingpyndonburom sawdong ka ryndang jong me, bad men long uba lai ha ka bor hapoh ka hima.”

AMOS 3:7

U Trai Nongsynshar um ju leh ei ei khlem da pynpaw ïa ka jingthmu jong u ha la ki shakri, ki nongïathuhlypa.