JENESIS 40:19 - Khasi CL Bible (BSI)

¹⁹ Hapoh lai sngi u syiem un sa pyllait noh ïa phi — un phah khrai khlieh ïa phi! Nangta un sa sdien ïa ka met jong phi ha u dieng, bad ki sim kin bam ïa ka doh jong phi.”

KA BAIBL

¹⁹ te sa lai sngi u Pharaoh un kyntiew ïa ka khlieh jong me nalor jong me, bad un sdien ïa me halor u dieng; bad ki sim kin bam ïa ka doh jong me na me.”

JENESIS 40:19 ပူးပေါင်းရင်းမြစ်များ

JENESIS 40:13

Hapoh lai sngi u syiem un sa pyllait noh ïa phi, un map ïa phi, bad un buh biang ïa phi ha kajuh ka kyrdan. Phin sa ai ha u ïa ka khuri jong u kumba phi ju leh mynshuwa mynba phi long u nongrah khuri rangbah jong u.

JENESIS 40:17

Ha ka shang kaba halor eh, don bun ki jait jingbam ba la dep shet na ka bynta u syiem, bad ki sim ki la wan bam ïa ki.”

JENESIS 40:18

Te u Joseph u jubab, “Kane ka mut kumne: ki lai tylli ki shang ki long lai tylli ki sngi.

JENESIS 40:20

Hadien lai sngi, ha ka lyngkhuh sngi kha jong u, u syiem u pynlong ka jingkhawai ïa ki rangbah synshar jong u baroh; u la pyllait noh ïa u nongrah khuri bad ïa u nongshet kpu rangbah jong u, bad u la wallam ïa ki ha khmat ki rangbah synshar jong u.

JENESIS 40:22

Baroh ka la jia kumba u Joseph u la lah ong.

JENESIS 41:13

Kiei kiei ki la urlong kumba u la ong: Phi la buh biang ïa nga ha kajuh ka kyrdan, hynrei phi la pynïap noh ïa u nongshet kpu.”

2 SAMUEL 21:10

Nangta ka Rispah, ka khun jong u Aïah, ka tnga kliar jong u Saul, ka la pyndonkam da ka jaiñ khain ban thaw jingda ïa lade halor u mawsiang ha kaba don ki metïap, bad ka la sah hangta naduh kaba sdang ka aïom ot haduh ban da hap u slap synrai. Ha ka por mynsngi ka ju beh ïa ki sim na ki metïap, bad ha ka por mynmiet ka ju ïada ïa ki na ki mradkhlaw.

2 SAMUEL 21:6

Kumta aiti ha ngi hynñiew ngut na ki khun ki ksiew shynrang jong u, bad ngin phasi ïa ki ha khmat U Trai ha Gibeah, ka shnong trai jong u Saul, u syiem ba la jied da U Trai.” “Ngan aiti ïa ki,” u syiem u ong.

PROBERB 30:17

Uno uno uba leh biria ïa la u kpa lane uba ñiewbeiñ ïa la ka kmie ha ka jinglong tymmen jong ka u dei ban shah bam ha ki pukni ne shah khlaw ki khmat ha ki tyngab khlaw.

ESEKIEL 39:4

U Gog bad ka kynhun shipai jong u bad kiba ïateh lok bad u kin kyllon ïap ha ki lumbah ka Israel, bad ngan ai ïa ki met jong ki ba kin long ka jingbam ïa baroh ki sim bad ki mradkhlaw.

KI KAM 20:27

Naba ngam shym la buhrieh na kaba pynbna ha phi ïa ka jingthmu baroh ka jong U Blei.

GALATIA 3:13

Hynrei, da kaba kylla long ka jingtim na ka bynta jong ngi, U Khrist u la siewspah ïa ngi na ka jingtim kaba ka Hukum ka wanrah; naba ka Jingthoh Bakhuid ka ong, “Uno uno uba la shah sdien ha u dieng un don hapoh ka jingtim U Blei.”

JOSHUA 10:26

Nangta u Joshua u pynïap ïa ki syiem bad u sdien ïa ki ha ki san tylli ki dieng, ha kaba ki met jong ki, ki la sah haduh janmiet.

JOSHUA 8:29

U la phasi ïa u syiem jong ka Ai ha uwei u dieng bad u ieh ïa ka met jong u hangta haduh janmiet. Ha ka por sep sngi u Joshua u ai hukum ban weng noh ïa kata ka metïap, bad la bret ïa ka ha ka jaka rung sha ka khyrdop ka nongbah. Ki la tap ïa ka da ka kynton maw kaba heh, kaba dang sah hangta mynta.

1 SAMUEL 17:44

“Wan shane,” u kob ïa u Dabid, “bad ngan ai ïa ka met jong me ha ki sim bad ha ki mrad ba kin bam.”

1 SAMUEL 17:46

Ha kane hi ka sngi U Trai un aiti ïa me hapoh ka bor jong nga; ngan pynkyllon ïa me bad ngan khrai ïa ka khlieh jong me. Bad ngan ai ïa ki metïap jong ki shipai Philistia ha ki sim bad ha ki mrad ba kin bam.