JENESIS 4:8 - Khasi CL Bible (BSI)

⁸ Nangta u Kain u ong ïa u Abel u para jong u, “Ïa ngin ïaleit sha lyngkha.” Haba ki la don ha lyngkha, u Kain u la shoh ïa la u para bad u la pynïap ïa u.

KA BAIBL

⁸ Bad u Kain u la kren ha u Abel u para jong u: te ka la jia, mynba ki la ïadon ha ka lyngkha, ba u Kain u la ïeng ban ïaleh ïa u Abel u para jong u, bad u la pynïap ïa u.

JENESIS 4:8 ပူးပေါင်းရင်းမြစ်များ

JENESIS 4:25

U Adam bad ka tnga jong u ki la ïoh sa uwei pat u khun. Ka la ong, “U Blei u la ai khun shynrang ïa nga ha ka jaka u Abel, ïa uba u Kain u la pynïap.” Kumta ka la kyrteng ïa u, u Seth.

2 SAMUEL 14:6

Kynrad, nga don ar ngut ki khun shynrang. Bad ha kawei ka sngi ki poi sha ka jingïakajia ha bri; ha kaba ym don mano mano ban pynïakhlad ïa ki, bad uwei na ki u la pynïap ïa uwei pat.

2 SAMUEL 3:27

Haba u Abner u la wan poi ha Hebron, u Joab u ïalam ïa u kham sharud ha ka khyrdop, kumba u kwah ban ïakren jar jar bad u, bad hangta u la dung ïa u na ka kpoh. Bad kumta la pynïap ïa u Abner namar ba u la pynïap ïa u Asahel, u para u Joab.

2 KHRONIKL 21:4

Haba u Jehoram u la skhem ha ka jingsynshar ïa ka hima, u la pynïap ïa ki para shynrang jong u baroh, bad ruh ïa ki katto katne ngut ki nong Israel kiba dei ki rangbah synshar.

NEHEMAÏAH 6:2

Kumta u Sanballat bad u Geshem ki phah khubor sha nga, da kaba ai jingmut ba ngan ïakynduh bad ki ha kawei na ki nongrit jong ka Madan Ono. Kane ka la long ka buit sianti jong ki ban pyrshang ban buh ïa nga ha ka jingma.

Ka Kitab U Job 11:15

Nangta sa khmied biang ïa ka pyrthei, kum uba skhem bad uba shlur.

SALM 139:19

A Blei, katno nga kwah ba men pynïap ïa ki bymman! Katno nga kwah ba ki briew kiba leh jubor kin ieh ïa nga marwei!

SALM 36:3

Ka jingkren jong u ka long kaba thala bad kaba dap da ka jingshukor; um shym leh shuh ïa kaba dei bad kaba bha.

SALM 55:21

Ki ktien jong u ki long kiba kham jlih ban ïa ka makhon, hynrei ka don ka jingisih ha ka dohnud jong u; ki ktien jong u ki pynum kum ka umphniang, hynrei ki ot kum ki waitlam banep.

HOSIA 4:2

Ki ïateh kular bad ki pynkheiñ ïa ki, ki lamler, ki pynïap briew, ki tuh, bad ki klim. Ki kam sniew ki nang jyllei, bad ka don ka jingïa-pynïap briew kawei hadien kawei pat.

MIKAH 7:6

Ha kine ki por, ki khun shynrang ki ñiew ïa la ki kpa kum kiba bieit, ki khun kynthei ki pyrshah ïa la ki kmie, bad ki kynthei samla ki ïakajia bad la ki kiaw; ki nongshun jong u briew ki dei ki dkhot na ka longïing jong u hi.

JINGKHEIÑ 35:20

“Lada phi isih ïano ïano bad phi pynïap ïa u da kaba khynñiat shapoh lane kawang da kaei kaei ïa u,

MATHAÏOS 23:35

Kaba mih na kata, ka jingpynshitom na ka bynta ka jingpynïap ïa baroh ki rangbah balui lui kan hap halor jong phi, naduh ka jingpynïap ïa u Abel balui lui haduh ka jingpynïap ïa u Sakharaïah u khun jong u Berakhaïah, ïa uba phi la pynïap hapdeng ka Templ bad ka duwan.

LOUKAS 11:51

naduh ka jingpynïap ïa u Abel haduh ka jingpynïap ïa u Sekharaïah, uba la shah pynïap hapdeng ka duwan bad ka Jaka Bakyntang. Ho-oid, nga ong ha phi, ba ïa ki briew jong kane ka juk yn pynshitom na ka bynta jong ki baroh!

LOUKAS 22:48

Hynrei U Jisu u la ong, “Ko Judas, hato dei da ka jingdoh ba me la shetkylla ïa U Khun U Briew?”

HEBRU 11:4

Dei ka jingngeit kaba la pynlong ïa u Abel ban ainguh ha U Blei ïa ka jingkñia kaba kham bha ban ïa ka jong u Kain. Lyngba ka jingngeit jong u, u la ïohpdiang ka jingsngewbha U Blei kum u briew uba hok, namar U Blei hi u la pdiang ïa ki jingai sngewbha jong u. Da kata ka jingngeit, u Abel u dang ïai kren wat haba u la ïap.

HEBRU 12:24

Phi la wan sha U Jisu, uba la pynlong ïa ka jutang bathymmai, bad sha ka snam ba la synreit, kaba kular bun kiei kiei kiba kham bha ban ïa ka snam u Abel.

JUDAH 1:11

Katno ka long kaba kordit ïa ki! Ki la bud ha ka lynti kaba u Kain u la ïaid. Na ka bynta ka tyngka, ki la aiti ïa lade sha ka jingbakla kaba u Balaam u la leh. Ki la ïaleh pyrshah kumba u Korah u la ïaleh pyrshah, bad kum ma u, la pynjot ïa ki.