JENESIS 4:4 - Khasi CL Bible (BSI)

⁴ Nangta U Abel u wallam ïa u khunlangbrot banyngkong ba la kha na kawei na ki langbrot jong u, u la pynïap ïa u, bad u la ai ïa ki bynta kiba bha tam kum ka jingainguh.

KA BAIBL

⁴ Bad u Abel ruh, u la wallam na kiba la kha nyngkong ka kynhun jong u, bad na kiba kham sngaid na ki ruh. Te U Trai u la khmih hun ha u Abel bad ha ka jingainguh jong u:

JENESIS 4:4 ပူးပေါင်းရင်းမြစ်များ

JENESIS 15:17

Haba ka sngi ka la sep, bad ba ka la dum, u khiew uba mih tdem bad ka dongmusa kaba mehding ki paw kynsan bad ïaid napdeng kita ki lyngkhot doh.

JENESIS 4:3

Hadien katto katne por, u Kain u wallam katto katne na ka jingot jong u bad u ai ïa ka kum ka jingainguh ïa U Trai.

1 SYIEM 18:24

Nangta ai ba ki nongïathuhlypa jong u Baal kin duwai ha u blei jong ki, bad ma nga ngan duwai ha U Trai, bad uta uba jubab da kaba phah ïa ka ding — uta u dei U Blei.” U paidbah u la pyrta bad ai ïa ka jingmynjur.

1 SYIEM 18:38

U Trai u phah ïa ka ding najrong, bad ka thang duh ïa ka jingkñia, ïa ki diengthang bad ïa ki maw; ka pyningkhong ïa ka khyndew bad pynrngad lut ïa ka um ha ka kharai.

1 KHRONIKL 21:26

U la tei hangta ïa ka duwan ha U Trai bad u la ai ki jingainguh thang bad ki jingainguh ïasyllok. U la duwai, bad U Trai u la jubab ïa u da kaba phah ïa ka ding na bneng ban thang ïa ki jingainguh halor ka duwan.

2 KHRONIKL 7:1

Haba u syiem Solomon u la dep ban duwai, ka ding ka wan hiar na bneng bad ka thang duh ïa ki jingkñia kiba la ainguh, bad ka jingshai batyngshaiñ jong ka jingdon ryngkat U Trai ka pyndap ïa ka Templ.

SALM 20:3

To un pdiang ïa ki jingainguh jong me baroh, bad un sngewbha ïa ki jingkñia jong me baroh.

EKSODOS 13:12

Ynda u ai ïa ka ha phi, phi dei ban ai sha U Trai ïa u khun nyngkong baroh. Man uba la kha nyngkong na ki mrad u long u jong U Trai.

PROBERB 3:9

To burom ïa U Trai da kaba ai ha u ka jingainguh da kiei kiei kiba bha tam ba ka lyngkha jong phi ka pynmih.

EKLESIASTIS 4:4

Nga la tip ruh balei ba ki briew ki trei shitom ban jop: Ka dei namar ba ki bishni ïa kiei kiei kiba ki paramarjan jong ki, ki don. Hynrei ka long ka bymmyntoi. Ka long kum ka jingbeh ïa ka lyer.

LEBITIKOS 9:24

Kynsan U Trai u phah ïa ka ding, bad ka bam duh ïa ka jingkñia ainguh thang bad ïa ki bynta bakhleiñ baroh ha ka duwan. Haba ki paidbah ki ïohi ïa kata, ki la ïa-pyrta jam, bad ki ïadem ngon haduh khyndew.

JINGKHEIÑ 16:15

U Moses u la bitar lep, bad u ong ha U Trai, “Wat pdiang ïa kano kano ka jingainguh ba kine ki briew ki wallam. Ngam shym la leh bymdei ïa uwei ruh na ki; ngam shym la shim ruh wat tang kawei na ki kada jong ki.”

JINGKHEIÑ 16:35

Nangta U Trai u phah ïa ka ding kaba meh, bad ka bam duh khoit ïa kita ki arspah sanphew ngut ki briew kiba la wanrah ïa ki jingiwbih.

JINGKHEIÑ 18:12

“Nga ai ha me ïa ki soh nyngkong kiba kynsai tam baroh na ka umphniang Olib, ka waiñ bad u kew ba ki Israel ki ai ïa nga man la ka snem.

JINGKHEIÑ 18:17

Hynrei ïa kiba la kha nyngkong na ki masi, ki langbrot bad ki blang ym dei ban thied pat; ki long kiba la pynkyrpang sha nga, bad dei ban kñia ïa ki. Synreit ïa ka snam jong ki ha ka duwan bad thang ïa ka khleiñ jong ki kum ka jingainguh bam, ka jingiw kaba pynsngewbha ïa nga.

HEBRU 11:4

Dei ka jingngeit kaba la pynlong ïa u Abel ban ainguh ha U Blei ïa ka jingkñia kaba kham bha ban ïa ka jong u Kain. Lyngba ka jingngeit jong u, u la ïohpdiang ka jingsngewbha U Blei kum u briew uba hok, namar U Blei hi u la pdiang ïa ki jingai sngewbha jong u. Da kata ka jingngeit, u Abel u dang ïai kren wat haba u la ïap.

HEBRU 9:22

Da shisha, kat kum ka Hukum, la jan baroh kiei kiei la pynkhuid da ka snam, bad ïa ki pop la map noh tang lada la theh ïa ka snam.

JINGPYNPAW 13:8

Baroh ki briew kiba shong ha ka pyrthei kin mane ïa u, lait noh ïa kito kiba ïa ki kyrteng jong ki la thoh ha shuwa ka jingpynlong ïa ka pyrthei ha ka kitab jong kiba im kiba dei ki jong uta U Khunlangbrot ïa uba la shah pynïap.

NONGBISHAR 6:21

Nangta u angel jong U Trai u kner bad u pyndei ha ka doh bad u kpu da ka tduh jong u diengduh ba u bat. Ka ding ka la mih na u mawsiang bad ka la thang ïa kata ka doh bad ïa u kpu. Nangta u angel u jah noh jar.

1 SAMUEL 15:22

Te u Samuel u ong, “Kaei kaba U Trai u kham sngewbha: ka jingkohnguh ne ki jingainguh bad ki jingkñia? Ka kham bha ban kohnguh ïa u ban ïa kaba kñia ha u ïa ka langbrot kaba kynsai tam.