JENESIS 4:26 - Khasi CL Bible (BSI)

²⁶ U Seth u la ïoh uwei u khun, ïa uba u la kyrteng, u Enosh. Dei ha kata ka por ba ki briew ki la sdang ban pyndonkam ïa ka kyrteng bakhuid jong U Trai ha ka jingmane Blei.

KA BAIBL

²⁶ Bad ha u Seth hi ruh la kha ïa u khun, bad u la khot kyrteng “u Enosh” ïa u. Te mynkata la sdang ban khot ïa ka kyrteng U Trai.

JENESIS 4:26 ပူးပေါင်းရင်းမြစ်များ

JENESIS 12:8

Hadien kata, u la leit shaphang shathie sha ka ri lum ha ka phang mihngi jong ka Bethel bad u la pynïeng ïa ka dara hapdeng ka Bethel shaphang sepngi bad ka Ai shaphang mihngi. Hangta ruh u la tei ïa ka duwan bad u la mane ïa U Trai.

JENESIS 26:25

U Isaak u la tei ka duwan hangta bad mane ïa U Trai. Nangta u sher ïa la ka dara hangta, bad ki shakri jong u ki ïatih sa kawei pat ka pukri.

1 SYIEM 18:24

Nangta ai ba ki nongïathuhlypa jong u Baal kin duwai ha u blei jong ki, bad ma nga ngan duwai ha U Trai, bad uta uba jubab da kaba phah ïa ka ding — uta u dei U Blei.” U paidbah u la pyrta bad ai ïa ka jingmynjur.

SALM 116:17

Ngan ai ha me ka jingkñia ainguh bad ai ka jingduwai sha me.

ISAÏAH 44:5

“Uwei hadien uwei, ki briew kin ong, ‘nga long u jong U TRAI’. Kin ïawan ban ïasnoh bad u paid Israel. Uwei pa uwei un shon ha ka ksang'ti jong u ïa ka kyrteng jong U Trai bad un khot ïa lade uwei na ki briew U Blei.”

ISAÏAH 48:1

To shahshkor ïa kane, phi ki paid Israel, phi kiba hiarpateng na u Judah: Phi smai da ka kyrteng jong U Trai bad kam ba phi mane ïa U Blei ki Israel — hynrei phim shym buh jingmut ïa kawei ruh ka ktien kaba phi ong.

ISAÏAH 63:19

Me ñiew ïa ngi kumba mem ju long u nongsynshar jong ngi, kumba ngim pat la ju long ki briew jong me.

JEREMAÏAH 33:16

Ïa ki briew ka Judah bad ka Jerusalem yn pyllait im bad kin im hapdeng ka jingshngain. Ïa ka nongbah yn khot ‘U Trai ka Jingpynim jong ngi.’

JOEL 2:32

Hynrei baroh uba kyrpad ïa U Trai na ka bynta ka jingïarap, yn pynim. Kumba U Trai U la ong, ‘Katto katne ha Jerusalem, kin lait im; kito ïa kiba nga jied, kin im.’ ”

SEPHANAÏAH 3:9

“Nangta ngan pynkylla ïa ki briew jong ki hima, bad kin duwai tang sha nga bad ym sha kiwei pat ki blei. Ki baroh kin kohnguh ïa nga.

LOUKAS 3:38

u khun jong u Enosh, u khun jong u Seth, u khun jong u Adam, u khun jong U Blei.

KI KAM 11:26

Haba u la shem ïa u, u la ïalam ïa u sha Antiokh, bad baroh shisnem kine ar ngut ki la ïakynduh ïa ki briew ka balang bad ki la hikai ïa ka kynhun kaba heh. Ka la long ha Antiokh ba ïa ki parabangeit la khot nyngkong eh “Ki Khristan”.

KI KAM 2:21

Bad nangta, ïa uno uno uba khot kyrpad sha U Trai ban ïoh jingïarap yn pynim.’

Ka Shithi U Paul Sha Ki Nong Rom 10:13

Kumba ka Jingthoh Bakhuid ka ong, “Uwei pa uwei uba khot kyrpad ïa U Trai ban ïoh jingïarap, un ïohlait im.”

1 KORINTH 1:2

Sha ka balang U Blei kaba ha Korinth, ha kito baroh kiba la khot ban long ki briew bakhuid jong U Blei, kiba dei ki jong u ha U Khrist Jisu, lem bad ki briew baroh kylleng kiba mane ïa U Jisu Khrist uba U Trai jong ngi, uba long U Trai jong ki ruh: