JENESIS 4:14 - Khasi CL Bible (BSI)

¹⁴ Me la beh noh ïa nga na ka khyndew bad na ka jingdon ryngkat ka jong me. Ngan long u nongphetwir ha ka pyrthei, bad uno uno uba lap ïa nga un pynïap ïa nga.”

KA BAIBL

¹⁴ Ha khmih, me la beh noh ïa nga ha kane ka sngi na khmat kane ka khyndew; bad na ka khmat jong me ruh yn buhrieh ïa nga; ngan long ruh u nongïaidwir bad u nongphet ïap ha ka pyrthei; kan jia ruh ba jar uba ïoh shem ïa nga un pynïap noh ïa nga.”

JENESIS 4:14 ပူးပေါင်းရင်းမြစ်များ

JENESIS 3:24

Nangta ha ka phang mihngi jong ka kper u la buh ïa ki kherub bad ka waitlam bameh ding kaba phai ha baroh ki liang. Kata ka la long ban ïada ïano ïano na kaba wan hajan u dieng ba ai jingim.

JENESIS 4:13

Bad u Kain u ong ha U Trai, “Kane ka jingpynshitom ka long palat ïa kaba nga lah ban shah.

2 SAMUEL 14:7

Bad mynta, ko kynrad, baroh ki ba-ha-ïing ha-sem jong nga ki la phai pyrshah ïa nga bad ki dawa ba ngan ai ha ki ïa u khun shynrang jong nga, khnang ba ki lah ban pynïap ïa u namar ba u la pynïap ïa uba shi para bad u. Lada ki leh ïa kane, ngan shah iehnoh khlem u khun. Kin pynjot ïa ka jingkyrmen bakhatduh jong nga bad kin iehnoh ïa u tnga jong nga khlem u khun jong u ban ri pynim ïa ka kyrteng jong u.”

SALM 109:10

Ai ba ki khun jong u kin kylla long ki nongkhrong khlem ïing khlem sem; ai ba kin shah beh noh na ki jaka ba la jot la pra ha kaba ki shong ki sah!

SALM 109:12

Ai ba yn ym don uno uno u ban lehsbun ïa u lane sumar ïa ki khunswet ba u la iehnoh shadien jong u.

SALM 143:7

To jubab ïa nga mynta, A Trai! Nga la duh baroh ka jingkyrmen. To wat buhrieh ïa lade na nga, ïoh ngan long hapdeng kito kiba leit hiar sha ka pyrthei kiba ïap.

PROBERB 14:32

Ki briew kiba sniew ki wallam ïa la ka jong ka jingkyllon noh da ki kam basniew jong ki, hynrei ïa ki briew kiba bha la ïada da ka jinglonghok jong ki.

PROBERB 28:1

Ki bymman ki phet ha bym don ba beh ïa ki, hynrei u briew uba hok u shlur kum u sing.

ISAÏAH 8:22

lane peit shlip ha ka khyndew, pynban kin ym ïohi ei ei hynrei ka jingjynjar bad ka jingdum, ka jingdum kaba pyntriem sha kaba la beh ïa ki.

JEREMAÏAH 52:3

U Trai u la bitar haduh katta katta ïa ki briew jong ka Jerusalem bad ka Judah kat haduh ba u beh noh ïa ki na khmat jong u. U Sedekaïah u ïaleh pyrshah ïa u Nebukhadnessar, u syiem ka Babilonia,

HOSIA 13:3

Bad kumta kine ki briew kin sa jah kum u lyoh khyndew mynstep, kum ka umjer kaba jah noh shen dang step phyrngab. Kin long kum u stait ba ka lyer ka rong noh na ka kyntem, kum ka tdem kaba mih na ka dpei.

LEBITIKOS 26:17

Ngan phai pyrshah ïa phi, te phin shahjop ha ki nongshun jong phi, bad kito kiba phi isih kin synshar halor jong phi; phin sngewsheptieng haduh katta katta ba phin phet ïap haba ym don ba beh ïa phi.

LEBITIKOS 26:36

“Ngan pynlong ha kito na phi kiba dang sah ha ka jinglongmraw ka jingsheptieng kaba khraw kat haduh ba ka jingriew ka sla dieng ha ka jingbeh ka lyer kan pynher krad ïa phi. Phin her ïap la kumba shah beh ha madan thma, bad phin kyllon haba u nongshun um pat don hajan.

JINGKHEIÑ 35:19

U kur uba jan jong u briew uba la ïap u don ka jingkitkhlieh ban pynïap ïa uta u nongpynïap briew. Haba u ïakynduh ïa u, u dei ban pynïap ïa u.

JINGKHEIÑ 35:21

lane da kaba kura ïa u da ka kti, phi long uba rem ha ka jingpynïap bad phi dei ban shah pynïap. U kur uba jan jong uta uba ïap u don ka jingkitkhlieh ban pynïap ïa u nongpynïap briew. Haba u ïakynduh ïa phi, u dei ban pynïap ïa phi.

JINGKHEIÑ 35:27

bad lada u kur jong uba ïap u lap ïa phi bad u pynïap ïa phi, kata ka jingpynhiarkput kam dei ka jingpynïap briew.

MATHAÏOS 25:41

“Nangta un ong ha kito kiba ha ka liang kadiang jong u, ‘Khie leit noh na nga, phi kiba hapoh ka jingtim jong U Blei! Khie leit noh sha ka ding bymjukut ïa kaba la pynkhreh na ka bynta u Ksuid bad ki angel jong u!

MATHAÏOS 25:46

Te, ïa kine, yn phah noh sha ka jingpynshitom bymjukut, hynrei kiba hok kin leit sha ka jingim bymjukut.”

DEUTERONOMI 28:64

“U Trai un pynsakma ïa phi hapdeng ki jaitbynriew baroh, kylleng sawdong ka pyrthei, bad hangta phin shakri ïa kiwei pat ki blei kiba da ka dieng bad da u maw, ki blei kiba ma phi bad ki kpa tymmen jong phi phim pat ju mane mynshuwa.

DEUTERONOMI 28:65

Phin ym shongsuk hapdeng kita ki jaitbynriew, bad phin ym ïoh jaka ban kam kum la ka jong; hangta U Trai un pynshong syier, un pynduh jingkyrmen, bad un pynswai mynsiem ïa phi.

2 THESSALONI 1:9

Kin shah ïa ka jingpynshitom jong ka jingpynjot bymjukut, kiba la pynïakhlad na ka jingdon ryngkat ka jong U Trai bad na ka jingkhlaiñbor badonburom jong u,