JENESIS 4:10 - Khasi CL Bible (BSI)

¹⁰ Bad U Trai u ong, “Balei me leh ïa kane ka kam kaba shyrkhei? Ka snam u para jong me ka ud ha nga na khyndew kum ka sur kaba khot ïa ka jingpynhiarkput.

KA BAIBL

¹⁰ U Trai u la ong te, “Me la leh aïu? Ka jingud ka snam u para jong me ka kyang ha nga na ka khyndew.

JENESIS 4:10 ပူးပေါင်းရင်းမြစ်များ

JENESIS 18:20

Te U Trai u ong ha u Abraham, “Ki don ki jingkynnoh pyrshah kiba jur ïa ka Sodom bad ka Gomorrah, bad ka pop jong ki ka long kaba khraw katta katta.

JENESIS 3:13

Te U Trai U Blei u ong ha kata ka briew, “Balei pha leh ïa kane?” Ka jubab, “Uta u bseiñ u la pynbieit ïa nga ban bam ïa u.”

JENESIS 9:5

Lada uno uno u shim ïa ka jingim briew, yn pynshitom ïa u. Ngan pynshitom da ka jingïap ïa uno uno u mrad uba shim ïa ka jingim briew.

2 SYIEM 9:26

‘Nga la ïohi mynhynnin ïa ka jingpynïap ïa u Naboth bad ki khun shynrang jong u. Bad nga kular ba ngan pynshitom kylliang ïa me ha kane hi ka jaka.’ Kumta shim ïa ka met jong u Joram,” u Jehu u hukum ïa u nongbud jong u, “bad leit bret ïa ka ha ka lyngkha kaba dei ka jong u Naboth, khnang ban pyndep ïa ka jingkular jong U Trai.”

2 KHRONIKL 28:9

U briew uba kyrteng u Oded, u nongïathuhlypa jong U Trai; u shong ha ka nongbah Samaria. U ïakynduh ïa ka kynhun shipai Israel kaba wan phai bad ki koidi Judia hamar ba kin rung sha ka nongbah bad u ong: “U Trai U Blei ki kpa tymmen jong phi, u la bitar ïa ki Judah, bad u la shah ïa phi ban jop; hynrei mynta u la ïohsngew ïa ka jinglehbeiñ palat jong phi ba phi pynïap ïa ki.

Ka Kitab U Job 16:18

Ko Pyrthei, wat buhrieh ïa ki jingbakla ba la leh ïa nga! Wat ai ba ka jingkhot jong nga ïa ka jingshisha, yn pynsngap jar!

Ka Kitab U Job 24:12

Ha ki nongbah, kiba mynsaw bad kiba la jan ïap ki lynñiar, hynrei U Blei um patiaw ïa ki jingduwai jong ki.

SALM 50:21

Phi la leh ïa kane baroh, bad ngam shym ong ei ei, kumta phi pyrkhat ba nga la long kum ma phi. Hynrei mynta nga sneng ïa phi bad nga pynlong ïa kane ka kam kaba shai ha phi.

SALM 72:14

U pyllait im ïa ki na ka jingshah banbeiñ bad jingshah leh jubor; ki jingim jong ki, ki long kiba kordor ha u.

SALM 9:12

U Blei u kynmaw ïa kito kiba shahshitom; um ju klet ïa ka jingkyang jong ki, bad u pynshitom ïa kito kiba leh bymdei ïa ki.

SALM 9:13

To isynei ïa nga, A Trai! Peit ïa ki jingshah shitom ba ki nongshun jong nga ki pynlong ïa nga! To pyllait ïa nga na ka jingïap, A Trai,

EKSODOS 3:7

Nangta U Trai u ong, “Nga la ïohi haduh katno la pynshitom beiñ ïa ki briew jong nga ha Ijipt; nga la ïohsngew ruh ba ki ud ban ïohlait noh na ki nongpyntrei mraw jong ki. Nga tip ïa ki jingshah shitom jong ki baroh,

ISAÏAH 5:7

Ka Israel ka dei ka bri sohwaiñ jong U Trai Badonbor Baroh; ki briew ka Judah ki dei ki dieng sohwaiñ kiba u la thung. U la khmih lynti ba kin leh ïa kaei kaba bha, hynrei pynban ki la pynïap briew. U la khmih lynti ba kin leh ïa kaba dei, hynrei kiba shah lanot jong ki, ki kyang ïa ka jingbishar hok.

JINGKHEIÑ 35:33

Lada phi leh kumta, phi pynjakhlia ïa ka ri ha kaba phi shong phi sah. Ka jingpynïap briew ka pynjakhlia ïa ka ri, bad ym lah ban pyndep ïa ka jinglehniam ka jingpynkhuid ïa kata ka ri ha kaba u briew u shah pynïap, lait tang da ka jingpynïap ïa u nongpynïap briew.

KI KAM 5:3

U Petros u la ong ha u, “Ko Ananias, balei me la shah ïa u Soitan ban bat synshar ïa me bad pynlong ïa me ban lamler ïa U Mynsiem Bakhuid da kaba bat noh katto katne ka pisa kaba me la ïohpdiang na kaba die ïa ka jaka?

KI KAM 5:9

Kumta u Petros u la ong ha ka, “Balei ba ma pha bad u tnga jong pha, phi kut jingmut ban tynjuh ïa U Mynsiem jong U Trai? Ki samla kiba la tep ïa u tnga jong pha ki la don mynta ha ka jingkhang, bad kin bah noh ïa pha ruh shabar!”

DEUTERONOMI 21:1

“Lada ha kata ka ri ba U Trai U Blei jong phi u ai ha phi, phi lap ha lum ha wah ïa u briew uba la shah pynïap, bad phim tip mano ba la pynïap ïa u.

HEBRU 11:4

Dei ka jingngeit kaba la pynlong ïa u Abel ban ainguh ha U Blei ïa ka jingkñia kaba kham bha ban ïa ka jong u Kain. Lyngba ka jingngeit jong u, u la ïohpdiang ka jingsngewbha U Blei kum u briew uba hok, namar U Blei hi u la pdiang ïa ki jingai sngewbha jong u. Da kata ka jingngeit, u Abel u dang ïai kren wat haba u la ïap.

HEBRU 12:24

Phi la wan sha U Jisu, uba la pynlong ïa ka jutang bathymmai, bad sha ka snam ba la synreit, kaba kular bun kiei kiei kiba kham bha ban ïa ka snam u Abel.

JAKOB 5:4

Phim pat siew bainong ei ei ïa ki briew kiba trei ha ki lyngkha jong phi. To shahshkor ïa ki jingmudui jong ki! Ki jingkyang jong kito kiba la lum ïa ki jingot ki la poi sha ki shkor jong U Blei, U Trai Badonbor Baroh.

JOSHUA 7:19

U Joshua u ong ha u, “Ko khun shynrang jong nga, ïathuh ïa ka jingshisha hangne ha khmat U Trai, U Blei ki Israel, bad phla. Ïathuh ha nga mynta ïa kaei kaba me la leh. Wat pyrshang ban buhrieh ïa ka na nga.”

1 SAMUEL 13:11

hynrei u Samuel u ong, “Phi la leh aïu kumne?” U Saul u jubab, “Ki briew ki la iehnoh ïa nga, bad phim pat shym wan poi haba phi la ong ba phin wan; nalor kata, ki Philistia ki la ïalumlang ha Mikhmash,