JENESIS 39:3 - Khasi CL Bible (BSI)

³ U la shong la sah ha ka ïing jong u nong Ijipt uba long u kynrad jong u, uba la ïohi ba U Trai u don ryngkat lem bad u Joseph bad ba u la pynmanbha ïa u ha kaei kaei kaba u leh.

KA BAIBL

³ Bad u kynrad jong u, u la ïohi ba U Trai u la don ryngkat bad u, bad U Trai u la pynman bha ïa kiei kiei baroh ha ki kti jong u ïa kiba u la leh.

JENESIS 39:3 ပူးပေါင်းရင်းမြစ်များ

JENESIS 21:20

U Blei u la long ryngkat bad uta u khynnah katba u nang heh nang san; u la im ha ka ri khlaw jong ka Paran bad u kylla long u nongbeh mrad uba tbit.

JENESIS 21:22

Ha kata ka por, u Abimelekh u leit bad u Phikol, u rangbah ai hukum jong ka kynhun shipai jong u, bad u ong ha u Abraham, “U Blei u long ryngkat bad me ha kaei kaei baroh ba me leh.

JENESIS 21:23

Kumta to kular skhem hangne ha khmat U Blei ba men ym shukor ïa nga, ïa ki khun ki kti jong nga, lane ïa ki nonghiarpateng jong nga. Nga la ju lehhok ïa me, kumta to kular ba men lehhok kylliang ïa nga bad ïa kane ka ri ha kaba me shong me sah.”

JENESIS 26:24

Ha kata ka miet U Trai u la mihpaw ha u bad u ong, “Nga long U Blei jong u kpa jong me u Abraham. Wat sheptieng, nga don ryngkat bad me. Ngan kyrkhu ïa me, bad ngan ai ha me bun ki khun ki ksiew namar ka jingkular jong nga ïa u shakri jong nga u Abraham.”

JENESIS 26:28

Ki jubab, “Mynta ngi tip ba U Trai u don bad phi, bad ngi pyrkhat ba ka dei ban don ka jingïateh kular badonburom hapdeng jong ngi.

JENESIS 30:27

U Laban u ong ha u, “Shah ba ngan ong ïa kane: nga la ïoh jingtip da kaba wad na U Blei ba U Trai u la kyrkhu ïa nga namar jong me.

JENESIS 30:30

Kaba khyndiat kaba phi don shuwa ba ngan wan ka la roi kyrhai, bad U Trai u la kyrkhu ïa phi kat shaba nga leit. Mynta ka la dei ka por ïa nga ban peit sa na bynta ïa lade.”

JENESIS 39:2

U Trai u la don ryngkat lem bad u Joseph bad u la pynmanbha ïa u.

JENESIS 39:21

Hynrei U Trai u don ryngkat lem bad u Joseph bad kyrkhu ïa u, ba kumta u nongap byndi u la sngewbha eh ïa u.

JENESIS 39:23

U nongap byndi um donkam ban khmih ei ei shuh ïa kaba u Joseph u la shim jingkitkhlieh, namar U Trai u la don ryngkat lem bad u Joseph bad u la pynmanbha ha kaei kaei kaba u leh.

2 SYIEM 18:7

Te U Trai u long lem bad u, bad u long uba jop ha kiei kiei kiba u leh. U ïaleh pyrshah ïa u patsha ka Assyria bad u kyntait ban pyndem ha u.

1 KHRONIKL 22:13

Lada me kohnguh ïa baroh ki aiñ kiba U Trai u la ai ha u Moses na ka bynta ki Israel, me lah ban jop. Kut jingmut bad long skhem, bad wat shah ïa kano kano ban pyntieng ïa me.

1 KHRONIKL 9:20

U Phineas u khun jong u Eleasar — ai ba U Trai un long lem bad u! — u la pynïaid ïa ki ha kawei ka por.

2 KHRONIKL 1:1

U Solomon u khun jong u syiem Dabid u la pynskhem ïa ka jingsynshar ïa ka hima Israel, bad U Trai U Blei jong u, u la kyrkhu ïa u bad pynlong ïa u uba khlaiñbor shikatdei eh.

2 KHRONIKL 26:5

Katba u Sekharaïah u nongaibuit jong u ha kaba ïadei bad ka niam u dang im; u la shakri hok ïa U Trai bad U Blei u la kyrkhu ïa u.

NEHEMAÏAH 2:20

Nga jubab, “U Blei jong ka Bneng un ai jingjop ïa ngi. Ngi long ki shakri jong u, bad ngin sdang ïa ka jingtei. Hynrei phim don hok ïa kano kano ka jingdon ha Jerusalem, bad phim ïadon bynta ha ki riti ki dustur jong ka.”

SALM 1:3

Ki long kum ki dieng kiba mih harud ka wahduid, kiba seisoh ha ka por kaba dei, bad kiba ki sla jong ki kim tyrkhong. Ki jop ha kiei kiei baroh kiba ki leh.

SEKHARAÏAH 8:23

Ha kito ki sngi shiphew ngut ki nongwei kin wan sha uwei u Jiw bad ong, ‘Ngi kwah ban ïoh bynta ha ka lawei jong phi, namar ngi la lah ïohsngew ba U Blei u don bad phi.’ ”

MATHAÏOS 5:16

Ha kajuh ka rukom ka jingshai jong phi ka dei ban shai ha khmat ki briew, khnang ba kin ïohi ïa kiei kiei kiba bha kiba phi leh bad ïaroh ïa u Kpa jong phi uba ha bneng.

1 KORINTH 16:2

Man la ka Sngi U Trai, uwei pa uwei na phi u dei ban buh kyrpang katto katne ka pisa, kat kum ka jingïoh, bad pynlang ïa ka, khnang ba yn ym da donkam ban lum ïa ka pisa ynda nga poi.

DEUTERONOMI 2:7

“Kynmaw kumno U Trai U Blei jong phi u la kyrkhu ïa phi ha kiei kiei baroh kiba phi la leh. U la sumar sukher ïa phi haba phi ïaid sakma lyngba kane ka ri shyiap kaba ïar. U la don ryngkat bad phi ha kine ki sawphew snem, bad phi la ïoh ruh kat ïa kaba phi donkam.

JOSHUA 1:9

Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”

JINGPYNPAW 3:9

Shahshkor! Na ka bynta kato ka kynhun kaba dei ka jong u Soitan, kito kiba lamler kiba kam ba ki dei ki Jiw hynrei kim dei, ngan pynlong ïa ki ban wan bad dem khrup ha ki kjat jong pha. Baroh kin tip ba nga ieit ïa pha.

1 SAMUEL 18:14

U Dabid u ïalam ïa la ki briew sha ka thma bad u jop ha kat kaba u leh, namar U Trai u don ryngkat bad u.

1 SAMUEL 18:28

U Saul u sngewthuh shai ba U Trai u don ryngkat bad u Dabid bad ba ka Mikhal ka khun jong u ka ieit ïa u.

1 SAMUEL 3:19

Katba u Samuel u nang san, U Trai u la don ryngkat bad u, bad u pynurlong ïa baroh kaba u Samuel u ong.