JENESIS 39:2 - Khasi CL Bible (BSI)

² U Trai u la don ryngkat lem bad u Joseph bad u la pynmanbha ïa u.

KA BAIBL

² Bad U Trai u la don ryngkat bad u Joseph, bad u la long u briew ba man bha eh; bad u la shong ha ïing uta u kynja Ijipt u kynrad jong u.

JENESIS 39:2 ပူးပေါင်းရင်းမြစ်များ

JENESIS 21:20

U Blei u la long ryngkat bad uta u khynnah katba u nang heh nang san; u la im ha ka ri khlaw jong ka Paran bad u kylla long u nongbeh mrad uba tbit.

JENESIS 21:22

Ha kata ka por, u Abimelekh u leit bad u Phikol, u rangbah ai hukum jong ka kynhun shipai jong u, bad u ong ha u Abraham, “U Blei u long ryngkat bad me ha kaei kaei baroh ba me leh.

JENESIS 26:24

Ha kata ka miet U Trai u la mihpaw ha u bad u ong, “Nga long U Blei jong u kpa jong me u Abraham. Wat sheptieng, nga don ryngkat bad me. Ngan kyrkhu ïa me, bad ngan ai ha me bun ki khun ki ksiew namar ka jingkular jong nga ïa u shakri jong nga u Abraham.”

JENESIS 26:28

Ki jubab, “Mynta ngi tip ba U Trai u don bad phi, bad ngi pyrkhat ba ka dei ban don ka jingïateh kular badonburom hapdeng jong ngi.

JENESIS 28:15

To kynmaw, ba ngan long ryngkat bad me bad ïada ïa me kat shaba me leit, bad ngan wallam pat ïa me sha kane ka ri. Ngan ym iehnoh ïa me tad haduh ba ngan da pyndep ïa kata baroh ïa kaba nga la kular ha me.”

JENESIS 39:23

U nongap byndi um donkam ban khmih ei ei shuh ïa kaba u Joseph u la shim jingkitkhlieh, namar U Trai u la don ryngkat lem bad u Joseph bad u la pynmanbha ha kaei kaei kaba u leh.

JENESIS 39:3

U la shong la sah ha ka ïing jong u nong Ijipt uba long u kynrad jong u, uba la ïohi ba U Trai u don ryngkat lem bad u Joseph bad ba u la pynmanbha ïa u ha kaei kaei kaba u leh.

2 SYIEM 18:7

Te U Trai u long lem bad u, bad u long uba jop ha kiei kiei kiba u leh. U ïaleh pyrshah ïa u patsha ka Assyria bad u kyntait ban pyndem ha u.

1 KHRONIKL 9:20

U Phineas u khun jong u Eleasar — ai ba U Trai un long lem bad u! — u la pynïaid ïa ki ha kawei ka por.

2 KHRONIKL 1:1

U Solomon u khun jong u syiem Dabid u la pynskhem ïa ka jingsynshar ïa ka hima Israel, bad U Trai U Blei jong u, u la kyrkhu ïa u bad pynlong ïa u uba khlaiñbor shikatdei eh.

SALM 1:3

Ki long kum ki dieng kiba mih harud ka wahduid, kiba seisoh ha ka por kaba dei, bad kiba ki sla jong ki kim tyrkhong. Ki jop ha kiei kiei baroh kiba ki leh.

SALM 46:11

U Trai Badonbor Baroh u don bad ngi; U Blei jong u Jakob u long ka jakarieh jong ngi.

SALM 46:7

U Trai Badonbor Baroh u don bad ngi; U Blei jong u Jakob u long ka jakarieh jong ngi.

SALM 91:15

Haba ki khot ïa nga, ngan jubab ïa ki; haba ki don ha ka jingjynjar, ngan long ryngkat bad ki. Ngan pyllait im ïa ki bad ngan pyndonburom ïa ki.

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 43:2

Haba phi ïaid lyngba ïa ki um bajylliew, ngan long ryngkat bad phi; ki jingeh kin ym tyllep ïa phi. Haba phi ïaid lyngba ka ding, phin ym ing; ki jingtynjuh ba-eh kiba wan kin ym pynmynsaw ïa phi.

JEREMAÏAH 15:20

Ngan pynlong ïa me kum ka kynroh da ka rnong tylli ha ka jingïadei bad ki. Kin ïakhun pyrshah ïa me, hynrei kin ym jop ïa me. Ngan long bad me ban ïada ïa me bad sumar pynim ïa me.

MATHAÏOS 1:23

“Ka Theisotti kan punkhun bad kan kha ïa u khun, bad yn khot kyrteng ïa u, U Immanuel” (kaba mut “U Blei u long lem bad ngi”).

KI KAM 8:31

U rangbah synshar u la jubab, “Kumno ngan lah ban sngewthuh lymda don mano mano ba batai ïa ka ha nga?” Bad u la khot sngewbha ïa u Philip ban wan kiew bad shong ha ka kali kulai ryngkat bad u.

1 TIMOTHI 6:1

Kito kiba long ki mraw ki dei ban ñiew ba ki kynrad jong ki, ki long kiba dei hok ban ïoh ïa ka burom baroh, khnang ba yn ym don mano mano ki ban kren sniew ïa ka kyrteng U Blei bad ïa ka jinghikai jong ngi.

JOSHUA 1:5

Joshua, yn ym don mano mano uba lah ban jop ïa me katba me dang im. Ngan don ryngkat lem bad me kumba nga la don bad u Moses. Ngan ïailong lem bad me borabor; ngan ym iehnoh ïa me.

JOSHUA 1:9

Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”

JOSHUA 6:27

Kumta U Trai u la don ryngkat lem bad u Joshua, bad ka nam jong u ka saphriang kylleng kata ka ri.

1 SAMUEL 16:18

Uwei na kita ki nongap jong u, u ong, “U Jesse, uba na ka shnong Bethlehem, u don u khun uba long u nongtem nongput uba tbit. U long ruh uba shlur bad uba bhabriew, u shipai uba bha bad uba pnah thylliej. U Trai u don ryngkat bad u.”

1 SAMUEL 18:14

U Dabid u ïalam ïa la ki briew sha ka thma bad u jop ha kat kaba u leh, namar U Trai u don ryngkat bad u.

1 SAMUEL 18:28

U Saul u sngewthuh shai ba U Trai u don ryngkat bad u Dabid bad ba ka Mikhal ka khun jong u ka ieit ïa u.

1 SAMUEL 3:19

Katba u Samuel u nang san, U Trai u la don ryngkat bad u, bad u pynurlong ïa baroh kaba u Samuel u ong.