JENESIS 38:9 - Khasi CL Bible (BSI)

⁹ Hynrei u Onan u la tip ba ki khun kin ym long ki jong u, kumta haba u ïathiah shongkha bad ka tnga u hynmen jong u, u pynhap noh ïa la u symbai sharud, khnang ban yn ym pynïoh khun ïa u hynmen jong u.

KA BAIBL

⁹ Bad u Onan u la tip ba u symbai un ym long ïa u hi kumta haba u la leit sha ka tnga u hynmen jong u, u la ju pynjah duh ïa la u symbai ha tbian, ba ïoh un pynmih symbai ïa la u hynmen.

JENESIS 38:9 ပူးပေါင်းရင်းမြစ်များ

JENESIS 38:10

Kata kaba u leh ka la pynsngewsih ïa U Trai, bad U Trai u la pynïap noh ïa u ruh.

Ka Kitab U Job 5:2

Ban pynkhuslai ïa lade haduh ka jingïap da kaba ïaleh pyrshah, ka long ka jingleh bieit, ka jingleh bym don jingmut.

PROBERB 27:4

Ka jingbitar ka long kaba shyrkhei bad kaba pynjot, hynrei kam long ei ei haba ïanujor bad ka jingpihuiñ.

DEUTERONOMI 25:5

“Lada ar ngut shi para ki ïashong lang ha kajuh ka jaka bad uwei na ki u ïap khlem da ïoh khun shynrang, ka tnga jong uta uba ïap kam dei ban shongkurim ïa uno uno u bym dei na ka ïing ka sem jong u; u para jong uta uba la ïap u dei ban shongkurim ïa ka.

DEUTERONOMI 25:6

Yn ñiew ïa u khun shynrang ba ki ïoh nyngkong kum u khun jong uta uba la ïap khnang ba ka kyrteng jong u kan ïaineh ha Israel.

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.

JAKOB 3:14

Hynrei lada hapoh ka dohnud jong phi, phi don ka jingpihuiñ, bad khwan myntoi, to wat leh pop pyrshah ïa ka jingshisha da kaba kren sarong ïa la ka jingstad.

JAKOB 3:16

Ha kaba ka don ka jingpihuiñ bad ka jingkhwan myntoi, hangta ka don ruh ka jingbymïaid ryntih bad ki jait jingsniew baroh.

JAKOB 4:5

Wat pyrkhat ba kam don ka jingshisha ha ka Jingthoh Bakhuid kaba ong, “Ka mynsiem kaba U Blei u la buh hapoh jong ngi ka dap da ki jingkwah kiba jur.”

RUTH 1:11

“Ko ki khun kynthei jong nga, phi dei ban leit phai noh,” ka Naomi ka jubab. “Balei phi kwah ban wan bad nga? Hato phi mut ngan dang ïoh khun shynrang biang na ka bynta jong phi ban shongkurim?

RUTH 4:10

Nalor kata, ka Ruth ka nong Moab, ka thei ïap lok jong u Mahlon, kan long ka tnga jong nga. Kane kan pynsah ïa ka nongtymmen ha ka longïing jong uba la ïap, bad kumta ka jait jong u kan ïai bteng hapdeng la ki jong ki briew bad ha la ka shnong. Ha kane ka sngi phi long ki sakhi ïa kane.”