JENESIS 38:29 - Khasi CL Bible (BSI)

²⁹ Hynrei uta u pynran noh pat ïa la ka kti, bad kumta la kha shuwa ïa u para jong u. Kata ka nongpynkha khun ka ong, “Da kumne mo me wan mih!” Kumta la khot kyrteng ïa u, u Peres.

KA BAIBL

²⁹ Hynrei, ka la jia, ynda u la ring pat shapoh ïa la ka kti, ba ha khmih, u para jong u, u la mih noh: bad ka la ong, “Kumno ba me la pynlong ïa kane ka jingpra da ka bor? To ai ba kane ka jingpra kan long halor jong me:” namar kata, la khot kyrteng “u Phares” ïa u.

JENESIS 38:29 ပူးပေါင်းရင်းမြစ်များ

JENESIS 38:28

Katba ka dang suh kha, uwei na ki u pynmih shabar ïa la ka kti; ka nongpynkha khun ka bat ïa kata ka kti, ka teh ïa ka da u 'saisaw, bad ka ong, “Une u dei uba mih nyngkong.”

JENESIS 46:12

U Judah bad ki khun shynrang jong u: u Shelah, u Peres, bad u Serah. (Kiwei pat ki khun shynrang jong u Judah: u Er bad u Onan ki la ïap noh ha Kanaan); ki khun shynrang jong u Peres ki long u Hesron bad u Hamul.

1 KHRONIKL 2:4

Na ka Tamar ka pyrsa kurim jong u, u Judah u don sa ar ngut ki khun shynrang, u Peres bad u Serah.

1 KHRONIKL 9:4

Don hynriewspah khyndaiphew tylli ki longïing na ka jait Judah kiba shong basah ha Jerusalem. Ki khun ki ksiew jong u Peres u khun jong u Judah, ki don u Uthai kum u nongïalam jong ki, uba dei u khun jong u Ammihud bad u ksiew jong u Omri. Kiwei pat ki kpa tymmen jong u ki kynthup ïa u Imri bad u Bani. Ki khun ki ksiew jong u Shelah u khun jong u Judah, ki don u Asaïah kum u nongïalam jong ki, uba dei u khlieh jong ka longïing jong u. Ki khun ki ksiew jong u Serah u khun jong u Judah, ki don u Jeuel kum u nongïalam jong ki.

LOUKAS 3:33

u khun jong u Amminadab, u khun jong u Admin, u khun jong u Arni, u khun jong u Hesron, u khun jong u Peres, u khun jong u Judah,

RUTH 4:12

To ki khun ki kti kiba U Trai un ai ïa phi da kane ka theisamla kin pynlong ïa ka longïing jong phi kum ka longïing u Peres, u khun jong u Judah bad ka Tamar.”