JENESIS 38:26 - Khasi CL Bible (BSI)

²⁶ U Judah u la ithuh ïa kita ki tiar, bad u ong, “Ka don ha ka hok. Ngam shym la pyndep ïa ka kamram ha ka — nga dei ban ai ha ka ïa u Shelah u khun jong nga ha ka jingshongkurim.” Bad u Judah um shym ïathiah shongkha shuh bad ka.

KA BAIBL

²⁶ Bad u Judah u la phla ïa ki kum la ka jong, bad u la ong, “Ka kham hok ma ka ban ïa nga; namar ngam shym la ai ïa ka ha u Shelah u khun jong nga.” Bad um shym la ithuh shuh ïa ka.

JENESIS 38:26 ပူးပေါင်းရင်းမြစ်များ

JENESIS 37:33

U ruh u ithuh ïa ka, bad u ong, “Ho-oid, ka dei ka sopti jong u! U mradkhlaw aïu re u la pynïap ïa u. Ïa u Joseph u khun jong nga la tar lyngkhot lyngkhai!”

JENESIS 38:14

Kumta ka la kylliang ïa ki jaiñ riewkynthei ba ka phong, ka la tap ïa la ka khmat da ka jingkah khmat, bad ka la leit shong ha ka khyrdop ban rung sha Enaim, ka shnong kaba don ha ka lynti sha Timnah. Kumba ka la tip bha ba u Shelah u khun khatduh jong u Judah, u la rangbah mynta, pynban ym pat shym la ai ïa ka ha u ban shongkurim.

JENESIS 4:1

Te u Adam u la ïathiah shongkha bad ka Im ka tnga jong u, bad ka la punkhun. Ka la kha ïa u khun bad ka ong, “Nga la ïoh ïa u khun da ka jingïarap U Trai.” Kumta ka la khot kyrteng ïa u, “u Kain.”

2 SAMUEL 16:22

Kumta ki pynïeng kawei ka ïingjaiñ ïa u Absalom ha tnum ka ïingsyiem; bad ha ka jingïohi jong uwei pa uwei baroh, u Absalom u leit rung shapoh bad u la ïathiah shongkha bad ki tnga kliar jong u kpa jong u.

2 SAMUEL 20:3

Haba u Dabid u la wan poi ha la ka ïingsyiem ha Jerusalem, u shim ïa ki shiphew ngut ki tnga kliar kiba u la iehnoh ban sumar ïa ka ïingsyiem, bad u buh ïa ki hapoh ka jingap phira. U la pynbiang ïa ki jingdonkam jong ki, hynrei um shym ïathiah shongkha bad ki. La buh ïa ki hangta baroh ki sngi ka jingim jong ki, da kaba im kum ki kynthei ba la ïap lok.

2 SAMUEL 24:17

U Dabid u la ïohi ïa u angel uba u pynïap ïa ki briew, bad u ong ha U Trai, “Dei ma nga uba la leh pop. Nga dei uta uba la leh bakla. Kine ki briew bapli ki la leh aïu? Me dei ban pynshitom ïa nga bad ïa ka longïing jong nga.”

Ka Kitab U Job 4:5

Mynta ka wan jia sa ha me ban don ha ka jynjar, bad me dum ka buit ka stad ban ïaleh ïa ka.

Ka Kitab U Job 40:5

Nga la kren palat ïa kaba nga dei ban kren.

ESEKIEL 16:52

Bad mynta pha dei ban shah ïa ka jingjahburom jong pha. Ki pop jong pha ki kham sniew katta katta ban ïa kito ki jong ki hynmen ki para kynthei jong pha kumta ba ki i lui lui hajan jong pha. Mynta to sawkyr-ang bad shah ïa ka jinglehrain jong pha, namar pha pynlong ïa ki hynmen ki para kynthei jong pha ban paw ba ki long kiba sngur.”

HABAKKUK 1:13

Hynrei kumno me lah ban shah ïa kine ki riewshukor, ki briew kiba sniew? Ki khmat jong me ki khuid palat kat ban peit ïa kaba sniew, bad mem lah shah ban peit ïa ki briew ba leh bymdei. Te balei ba me shu sngap jar jar katba ki dang pynjot ïa ki briew kiba kham hok ban ïa ki?

MATHAÏOS 3:8

To leh ïa kito kiei kiei ki ban pyn-i ba phi la phai noh na ki pop jong phi.

ÏOANNIS 8:9

Haba ki la ïohsngew ïa kane, baroh ki la phet, uwei hadien uwei, nyngkong kiba kham rangbah. U Jisu u la sah marwei, lem bad kata ka briew kaba shu ïeng hangta.

Ka Shithi U Paul Sha Ki Nong Rom 13:12

Ka miet ka la jan kut, ka sngi ka la jan sdang. To ngin ïasangeh noh na kaba leh ïa kiei kiei kiba long jong ka jingdum, bad to ngin kieng ïa ki atiar ka jingïaleh ha ka jingshai.

Ka Shithi U Paul Sha Ki Nong Rom 3:19

Mynta ngi tip ba kiei kiei baroh ha ka Hukum ki dei ïa kito kiba im hapoh ka Hukum, khnang ban pynsangeh ïa baroh ki jingaidaw jong ki briew bad wallam ïa ka pyrthei baroh kawei hapoh ka jingbishar U Blei.

1 SAMUEL 24:17

Nangta u ong ha u Dabid “Phi la leh ïa kaba dei, bad nga la leh bakla. Phi la lehbha shikatdei eh ïa nga, katba nga pat nga la leh haduh katne kaba sniew ïa phi!

1 SAMUEL 24:18

Ha kane ka sngi phi la pyn-i haduh katno phi long uba bha ïa nga, naba phim shym la pynïap ïa nga, wat la U Trai u la buh ïa nga ha ka bor jong phi.