JENESIS 38:25 - Khasi CL Bible (BSI)

²⁵ Katba ka dang shah sei kumta, ka la phah ktien sha la u kthaw kurim: “Nga la punkhun na uta u briew uba long u trai kine ki tiar. Peit ïa ki bad khmih ki dei ki jongno — kane ka muhor bad u ksai jong ka bad une u diengduh.”

KA BAIBL

²⁵ Haba la pynmih noh ïa ka, ka la phah sha la u kthaw kurim, ka da ong, “Na uta u briew uba long u trai kine kiei kiei ruh, nga la punkhun keiñ:” bad ka la ong, “To khmih thuh mynta ki jongno kine: ka 'sah shab, bad ka rumar, bad u diengduh.”

JENESIS 38:25 ပူးပေါင်းရင်းမြစ်များ

JENESIS 37:32

Ki leit rah ïa kata ka sopti sha la u kpa, bad ki ong, “Ngi lap ïa kane. Khmih la ka dei ne em ka sopti u khun jong phi.”

JENESIS 38:18

“Ngan ai aïu ïa phi kum ka dak ka jingkular?” u phai ktien. Ka jubab, “Ka muhor jong phi bad u ksai jong ka, bad uto u diengduh ba phi rah.” U la ai ïa ki ha ka. Nangta ki la ïathiah shongkha, bad ka la punkhun.

SALM 50:21

Phi la leh ïa kane baroh, bad ngam shym ong ei ei, kumta phi pyrkhat ba nga la long kum ma phi. Hynrei mynta nga sneng ïa phi bad nga pynlong ïa kane ka kam kaba shai ha phi.

JEREMAÏAH 2:26

U Trai u ong, “Kumba u nongtuh u shah pynjahburom haba la kem ïa u, kumta ïa phi baroh ki paid Israel yn pynjahburom — ki syiem bad ki rangbah synshar jong phi, ki lyngdoh bad ki nongïathuhlypa jong phi.

Ka Shithi U Paul Sha Ki Nong Rom 2:16

Bad kumta, kat kum ka Khubor Babha kaba nga ïalap, kane ka dei kaba kumno ka long ha kata ka Sngi ha kaba U Blei lyngba U Jisu Khrist un bishar ïa ki jingmut barieh jong ki briew baroh.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

JINGPYNPAW 20:12

Bad nga la ïohi ïa kiba ïap, kiba rit bad kiba khraw kumjuh, kiba ïeng ha khmat jong ka khet. Ïa ki kitab la plied, bad nangta la plied sa kawei pat ka kitab, ka kitab jong kiba im. Ïa kiba ïap la bishar kat kum kaei kaba ki la leh, kumba la buh jingthoh ha ki kitab.