JENESIS 38:24 - Khasi CL Bible (BSI)

²⁴ Kumba lai bnai hadien kane, don ba ïathuh ha u Judah, “Ka pyrsa kurim jong phi ka la leh kum ka nuti, bad mynta ka la punkhun.” “Sei shabar ïa ka, bad thang im ïa ka,” ong u Judah.

KA BAIBL

²⁴ Bad ka la jia ruh ynda la lai bnai, ba la ïathuh ha u Judah, da kaba ong, “Ka Tamar ka pyrsa kurim jong me ka la kam nuti; bad ha khmih, ka la punkhun ruh da kaba klim.” Ynda kumta, u Judah u la ong, “To pynmih noh ïa ka, bad to ai ba yn thang noh ïa ka.”

JENESIS 38:24 ပူးပေါင်းရင်းမြစ်များ

JENESIS 20:3

Ha kawei ka miet, U Blei u mihpaw ha u ha ka jingphohsniew, bad u ong ha u, “Men sa ïap, namar me la shim ïa kane ka briew; ka la dep shongkurim.”

JENESIS 20:7

Hynrei mynta, to pynphai noh ïa kato ka briew ha u tnga jong ka. U dei u nongïathuhlypa, bad un sa duwai na ka bynta jong me, ba kumta men ym ïap. Hynrei lada mem pynphai pat ïa ka, nga maham ïa me ba men ïap, ma me bad ki briew jong me baroh.”

JENESIS 20:9

Nangta u Abimelekh u khot ïa u Abraham, bad u ong, “Kaei kane kaba me la leh ïa ngi? Nga la leh sniew aïu ïa me ban pynlong ïa me ban pynngat ïa kane ka jynjar ha nga bad ha ka hima jong nga? Ym don uwei ruh u ban leh ïa kaei kaba me la leh ïa nga.

JENESIS 34:31

Hynrei ki jubab, “Ngin ym shah ban leh ïa ka para jong ngi kum ka nuti.”

JENESIS 38:23

U Judah u ong, “Ai kan bat ïa kito ki tiar. Ngim kwah ba ki briew kin rkhie ïa ngi. Nga la pyrshang ban siew ïa ka, hynrei phim shym lap ïa ka.”

2 SAMUEL 12:5

U Dabid u bitar lep ïa u riewspah bad u ong, “Nga smai ha U Trai uba im ba u briew uba la leh ïa kane u dei ban ïap!

2 SAMUEL 12:7

“Phi long uta u briew,” u Nathan u ong ha u Dabid. “Bad kane ka dei kaei kaba U Trai U Blei ki Israel u ong: ‘Nga la pynlong ïa me u syiem Israel bad pyllait im ïa me na u Saul.

EKLESIASTIS 7:26

Nga la shem ïa kaei kaei kaba kham kthang ban ïa ka jingïap — ka kynthei kaba long kum ka jingriam. Ka jingieit ba ka ai ïa phi kan kem ïa phi kum ka jar, bad ki kti jong ka sawdong jong phi kin bat ïa phi kum u kynjri. U briew uba pynsngewbha ïa U Blei u lah ban lait, hynrei kan kem ïa u nongpop.

JEREMAÏAH 2:20

U Trai Nongsynshar u ong, “Ko Israel, la slem bah me la kyntait ïa ka iktiar jong nga; me la kyntait ban kohnguh ïa nga bad mane ïa nga. Ha uwei pa uwei u lum bakynjang bad hapoh uwei pa uwei u dieng bajyrngam me la mane ïa ki blei ka jingkharoi.

JEREMAÏAH 3:1

U Trai u ong, “Lada u briew u pyllait noh ïa la ka tnga, bad ka iehnoh ïa u bad ka long noh ka tnga jong uwei pat u briew, um dei ban shim pat ïa ka. Kane kan pyntngit lut ïa ka ri. Hynrei, ko Israel, pha la lah don shibun ki nongleh-ieit, bad mynta pha kwah ban wan phai sha nga!

JEREMAÏAH 3:6

Mynba u Josaïah u long syiem, U Trai u la ong ha nga, “Hato me la ïohi ïa kaei ba ka Israel, kata ka kynthei bymïaineh, ka la leh? Ka la phai lyndet noh na nga, bad halor uwei pa uwei u lum bajrong bad hapoh uwei pa uwei u dieng bajyrngam, ka la leh kum ka nuti.

JEREMAÏAH 3:8

Ka Judah ka la ïohi ba nga la pyllait tnga ïa ka Israel bad phah noh ïa ka namar ba ka la phai noh na nga bad ka la kylla long ka nuti. Hynrei ka Judah, ka para bymïaineh jong ka Israel, kam shym sheptieng. Ma ka ruh ka la kylla long ka nuti

ESEKIEL 16:15

“Hynrei pha shim kabu ïa ka jingbhabriew bad ka nam jong pha, ban ïathiah bad uno uno uba pha ïakynduh.

ESEKIEL 16:25

Pha pynbyrsieh ïa la ka jingbhabriew ha ka ktieh, pha ai ïa lade ha uwei pa uwei uba wan najan, bad pha la kham long kum ka nuti man la ka sngi.

ESEKIEL 16:26

Pha la shah ïa ki paramarjan bakwah brai, ki nong Ijipt ban leit ïathiah bad pha, bad pha la pyndonkam ïa ka jingleh nuti jong pha ban pynbitar ïa nga.

ESEKIEL 16:28

“Namar ym shym la pynhun ïa pha da kiwei, pha la leit bud nadien ki nong Assyria. Pha la long ka nuti jong ki, hynrei ki ruh kim shym la pynhun ïa pha.

ESEKIEL 16:41

Kin thang duh ïa ki ïing jong pha bad shah ïa ki paid kynthei ban ïohi ïa ka jingshah pynshitom jong pha. Ngan pynlong ïa pha ban sangeh ban long ka nuti bad pynlong ïa pha ban sangeh ban ai ki jingai sngewbha ïa ki nongleh-ieit jong pha.

ESEKIEL 23:19

Ka la nang kham long ka nuti ban ïa kaba ka ju long, ka la leh kumba ka la ju leh haba ka dang khynraw, mynba ka la long ka nuti ha Ijipt.

ESEKIEL 23:44

Ki leit phai bad ïai leit sha kine ki nuti. Ki leit biang sha ka Oholah bad ka Oholibah; kito ki kynthei barunar.

ESEKIEL 23:5

La ka long ka jong nga, ka Oholah ka ïai bteng ban long ka nuti bad ka dap da ka jingkwah brai ïa ki nongleh-ieit jong ka na Assyria.

HOSIA 2:5

Ma ka hi ka la ong, “Ngan leit sha kiba ieit ki jong nga — ki pynbiang ïa nga ka jingbam bad ka um, u 'saiwul bad ka jaiñ linen, ka umphniang Olib bad ka waiñ.”

HOSIA 3:3

Nga ong ïa ka ba ka dei ban ap slem ïa nga khlem da leh nuti lane klim; bad ha kane ka por ngan ïai ap ïa ka.

HOSIA 4:15

“Wat lada phi ki briew ka Israel phim ïaineh ha nga, ai ba ki Judah kin ym ngop ha kijuh ki jingleh pop. Wat leit mane sha Gilgal lane sha Bethaben, lane pynlong ki jingïateh kular ha ka kyrteng U Trai uba im.

LEBITIKOS 20:10

“Lada u briew u klim bad ka tnga jong u para Israel, ma u bad kata ka kynthei kin shah pynïap.

LEBITIKOS 21:9

Lada ka khun jong u lyngdoh ka ïaid nuti, ka pynkheiñ burom ïa la u kpa; yn thang ïa ka haduh ba kan da ïap.

Ka Shithi U Paul Sha Ki Nong Rom 14:22

To bat ïa kaei kaba phi ngeit shaphang kane ka kam, hapdeng jong phi bad U Blei. Suk uta u briew u bym sngew ïa ka jingpynrem haba u leh ïa kaei kaei kaba u bishar ba ka long kaba dei!

DEUTERONOMI 24:16

“Ki kmie ki kpa kim dei ban shah pynïap namar ki kam runar ki khun jong ki, bad ki khun ruh kim dei ban shah pynïap namar ki kam runar ki kmie ki kpa jong ki; u briew u dei ban shah pynïap tang namar ka kam runar jong u hi.

NONGBISHAR 19:2

hynrei ka la bitar ïa u, ka leit phai pat sha ïing u kpa jong ka ha Bethlehem, bad ka sah hangta saw bnai.