JENESIS 37:9 - Khasi CL Bible (BSI)

⁹ Nangta u Joseph u phohsniew sa kawei pat ka jingphohsniew, bad u la ïathuh ha la ki hynmen shynrang. “Nga la phohsniew sa kawei pat ka jingphohsniew, ha kaba nga la ïohi ïa ka sngi, u bnai, bad ïa ki khlur khatwei tylli ba ki ïanguh ïa nga.”

KA BAIBL

⁹ Bad u la phohsniew pat sa kawei ka jingphohsniew, bad u la ïathuh ïa ka ha la ki hynmen, u la ong ruh, “Ha khmih, nga la phohsniew sa kawei pat ka jingphohsniew; bad ha khmih, ka sngi bad u bnai bad khatwei ki khlur ki la ïanguh ïa nga.”

JENESIS 37:9 ပူးပေါင်းရင်းမြစ်များ

JENESIS 20:3

Ha kawei ka miet, U Blei u mihpaw ha u ha ka jingphohsniew, bad u ong ha u, “Men sa ïap, namar me la shim ïa kane ka briew; ka la dep shongkurim.”

JENESIS 37:10

U la ïathuh ruh ïa ka jingphohsniew ha la u kpa, bad u kpa jong u, u la mai ïa u, “Ka jingphohsniew aïu kaba kum kata? Hato me pyrkhat ba ka kmie jong me, ki hynmen shynrang jong me, bad ma nga ngin ïawan bad nguh ïa me?”

JENESIS 37:7

Baroh ngi ïadon lang ha lyngkha ba ngi ïateh song ïa u kew, ha kaba ka song jong nga ka khie joit bad ka ïeng beit. Ki song jong phi pat ki tawiar sawdong ïa ka song jong nga, bad ki ïanguh ïa ka.”

JENESIS 37:8

“Hato me pyrkhat ba men sa long u syiem bad synshar ïa ngi?” Ki hynmen shynrang jong u ki ong. Kumta ki la nang kham isih shuh shuh ïa u namar ki jingphohsniew jong u bad namar kaei kaba ba u la kren shaphang jong ki.

JENESIS 41:25

U Joseph u ong ha u syiem, “Ki jingphohsniew baroh ar tylli ki mut ïa kajuh. U Blei u la ïathuh ha phi ïa kaei kaba un sa leh.

JENESIS 41:32

Ka jingïaiban ïa ka jingphohsniew jong phi ka mut ba ïa kane la pynskhem da U Blei bad ba un pynurlong shen ïa ka.

JENESIS 42:6

U Joseph kum u lat jong ka ri Ijipt u die kew ha ki briew kiba wan na kylleng ka pyrthei. Kumta ki hynmen shynrang jong u Joseph ki la ïawan bad nguh ngon ha khmat jong u, ki da pyndem la ki khmat sha khyndew.

JENESIS 43:26

Ynda u Joseph u la wan sha ïing, ki leit rah sha u hapoh ïing ïa kita ki jingai sngewbha, bad ki nguh ngon ha khmat jong u.

JENESIS 43:28

Ki la jubab, “I pa jong ngi, u shakri barit jong phi, i dang im bad i shait i khlaiñ.” Bad ki la dem khohsiew bad nguh ngon ha khmat jong u.

JENESIS 44:14

Haba u Judah bad ki hynmen ki para jong u ki la wan sha ïing u Joseph, ki shem ba u dang don hi hangta.

JENESIS 44:19

Kynrad, phi la kylli ïa ngi, ‘Phi dang don kpa ne phi dang don para shynrang shuh?’

JENESIS 45:9

“Mynta khreh kloi ban leit sha i pa, bad ong ha i ba u Joseph u khun jong i u ong kumne, ‘U Blei u la pynlong ïa nga u nongsynshar ïa ka ri Ijipt baroh; wan noh sha nga, bad wat pynslem.

JENESIS 46:29

Haba ki la poi hangta, u Joseph u kiew ha la ka kali kulai bad u leit sha Goshen ban ïashem ïa u kpa jong u. Haba ki la ïashem, u Joseph u la piam khak ïa la u kpa, u da ïam slem ha ka ryndang u kpa.

JENESIS 47:12

U Joseph u pyndap pynbiang jingbam ïa la u kpa, ïa la ki hynmen ki para, bad ïa ki ba-ha-ïing u kpa jong u baroh katba ki ïadon, haduh kiba khynnah tam.

DANIEL 8:10

Ka la san khlaiñ eh ban tur ïaleh ïa ka kynhun shipai jong ka bneng, ïa ki khlur hi, bad ka la bret katto katne na ki sha khyndew bad ka la ïuh halor jong ki.

JINGKHEIÑ 12:6

bad U Trai u ong, “Mynta sngap aïu ngan ong! Haba don ki nongïathuhlypa hapdeng jong phi, nga pynpaw ïa lade ha ki ha ka jingïohipaw bad nga kren ha ki ha ki jingphohsniew.

PHILIPPI 2:15

khnang ba phi lah ban long kiba lui lui bad kiba khuid kum ki khun kiba janai jong U Blei, kiba im ha ka pyrthei jong ki briew kiba bamsap bad kiba pop. Phi dei ban tyngshaiñ hapdeng jong ki kum ki khlur kiba pynshai ïa ka sahit bneng, kumba phi tyrwa ha ki ïa ka khubor jong ka jingim.