JENESIS 37:4 - Khasi CL Bible (BSI)

⁴ Haba ki hynmen shynrang jong u ki la ïohi ba u kpa jong ki u kham ieit ïa u Joseph ban ïa ki baroh, ki la isih shibun eh ïa u kat haduh ba kim kren bha kren miat shuh ïa u.

KA BAIBL

⁴ Bad haba ki hynmen jong u ki la ïohi ba u kpa jong ki u la ieit ïa u nalor ki hynmen jong u baroh, ki la ïashun ïa u, bad kim lah kren suk sngewbha shuh ïa u.

JENESIS 37:4 ပူးပေါင်းရင်းမြစ်များ

JENESIS 27:41

U Iso u la isih ïa u Jakob, namar ba u kpa jong u, u la ai ha u Jakob ïa ka jingkyrkhu. U la pyrkhat, “Ka por ban ïambriew na ka bynta i pa jong nga ka la jan; te kumta ngan sa pynïap ïa u Jakob.”

JENESIS 37:11

Ki hynmen u Joseph te ki la bishni ïa u, hynrei u kpa jong u, u ïai puson shaphang kata baroh.

JENESIS 37:5

Shisien u Joseph u la phohsniew, bad haba u la ïathuh ïa ka ha la ki hynmen shynrang, ki la kham isih shuh shuh ïa u.

JENESIS 4:5

Te U Trai u la sngewbha eh ïa u Abel bad ïa ka jingainguh jong u; hynrei u la kyntait ïa u Kain bad ïa ka jingainguh jong u. U Kain u la bitar lep, bad ka durkhmat jong u ka la kylla ha ka jingbitar.

JENESIS 49:23

Ki nongshun jong u ki tur ïaleh tyngeh ïa u, Bad ki beh ïa u da ki ryntieh bad ki khnam;

SALM 38:19

Ki nongshun jong nga ki long kiba shait bakhlaiñ, don bun kiba isih ïa nga khlem daw.

SALM 69:4

Kito kiba isih ïa nga khlem kano kano ka daw ki kham bun ban ïa ki shñiuh ha ka khlieh jong nga. Ki nongshun jong nga ki ïathuh ki jinglamler pyrshah ïa nga; ki long kiba khlaiñ bad ki kwah ban pynïap ïa nga. Ki la pynlong ïa nga ban pynphai ïa kiei kiei kiba ngam shym la tuh.

JEREMAÏAH 12:6

Wat ki hynmen ki para shynrang jong me, ki dkhot jong ka longïing jong me hi, ki la shetkylla ïa me; ki la ïasoh ha ki jingtur ïaleh pyrshah ïa me. Wat shaniah ïa ki, wat la ki kren ki ktien sngewieit.”

MARKOS 3:25

Lada ka longïing ka phiah ïa lade ha ki kynhun kiba ïaleh pyrshah para ma ki, kata ka longïing kan kyllon noh.

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.

1 ÏOANNIS 2:11

Hynrei uno uno uba isih ïa la u hynmen u para u don ha ka jingdum; u ïaid ha ka bad um tip shano u leit, namar ka jingdum ka la pynmatlah ïa u.

1 ÏOANNIS 3:10

Kane ka long ka jingïapher kaba shai kdar hapdeng ki khun U Blei bad ki khun u Soitan: Uno uno u bym leh ïa kaei kaba dei lane u bym ieit ïa la u hynmen u para um long u khun U Blei.

1 ÏOANNIS 3:12

Ngim dei ban long kum u Kain; u la long jong u Basniew bad u la pynïap ïa u Abel, u para jong u. Balei u Kain u la pynïap ïa u? Namar kiei kiei kiba u la leh da lade hi ki la long ki bym dei, hynrei kiei kiei kiba u para jong u, u la leh ki la long kiba dei.

1 ÏOANNIS 4:20

Lada uno uno u ong ba u ieit ïa U Blei, hynrei u isih ïa la u parabriew, u long uba lamler. Naba um lah ban ieit ïa U Blei, ïa uba um shym ïohi, lada um ieit ïa la u parabriew ïa uba u ïohi.

1 SAMUEL 17:28

U Eliab, u hynmen rangbah u Dabid, u ïohsngew ba u Dabid u ïakren bad kita ki rangbah. U la bitar ïa u Dabid bad u ong, “Me leh aïu hangne? Mano ba sumar ïa kito ki langbrot ki jong me kiba don ha ka ri khlaw? Ma me, me uba sngewstad! Me wan tang ban peit kai ïa ka jingïaleh thma!”