JENESIS 32:31 - Khasi CL Bible (BSI)

³¹ Ka sngi ka la mih haba u Jakob u mihnoh na Peniel, u da ïaid dkoh namar kata ka skhep.

KA BAIBL

³¹ Te katta, ka sngi ka la lah mih halor jong u mynba u dang ïaid lait noh ïa ka Peniel, bad u la dkoh na ka skhep jong u.

JENESIS 32:31 ပူးပေါင်းရင်းမြစ်များ

JENESIS 16:13

Ka Hagar ka kylli ïa lade, “Hato nga da ïohi shisha ïa U Blei bad ba nga dang im ban ïathuh ïa kata?” Kumta ka la khot ïa ka kyrteng U Trai uba la kren ha ka, “U Blei uba ïohi.”

JENESIS 19:15

Dang step phyrngab, kita ki angel ki la pynkyrkieh ïa u Lot. “Pynkloi!” ki ong. “Ïalam ïa la ka tnga bad ïa ki ar ngut ki khun kynthei jong me bad phet noh, ba men ym duh la ka jingim haba yn pynjot ïa kane ka nongbah.”

JENESIS 19:23

Hamar ba mih ka sngi, u Lot u la poi ha Soar.

JENESIS 32:25

Haba uta u briew u ïohi ba um lah jop ïa u Jakob, u kura ïa u na ka skhep; bad kata ka skhep jong u ka la lait.

JENESIS 32:32

Wat haduh mynta mynne, ki khun ki ksiew jong u Israel kim ju bam ïa ka dohksah kaba halor ka shyieng skhep, namar dei ha kata ka dohksah ba u Jakob u la shah kura.

1 SYIEM 12:25

U Jeroboam u syiem ki Israel u la tei kynroh ïa ka shnong Shekhem kaba ha ri lum Ephraim bad u la sah hangta katto katne por. Nangta u la mihnoh bad u tei kynroh sa ïa ka shnong Penuel.

1 SYIEM 18:26

Ki la shim ïa u masi dab ba la wanrah sha ki, ki la pynkhreh ïa u, bad ki la duwai ha u Baal haduh shiteng sngi. Ki la pyrta jam, “Jubab ïa ngi, ko Baal!” bad ki la shad sawdong ïa ka duwan kaba ki la shna. Hynrei kim shym ïoh jubab.

SALM 38:17

Nga la jan kyllon, bad nga ïai pang sah.

EKSODOS 24:10

bad ki ïohi ïa U Blei ki Israel. Hapoh ki sla'jat jong u, la don kaei kaba i kum ka jingsiang da u mawkordor Sapphir, kaba jngum kum ka suiñbneng.

EKSODOS 24:11

U Blei um shym pynmynsaw ïa kine ki rangbah bapawkhmat jong ki Israel; ki la ïohi ïa U Blei, bad hadien kata ki la ïabam bad ïadih.

ISAÏAH 6:5

Nga la ong, “Ym don jingkyrmen ïa nga! Nga long ba la tim namar kawei pa kawei ka kyntien kaba mih na ki rmiang shyntur jong nga ka long kaba pop, bad nga shong nga sah hapdeng ki briew kiba kawei pa kawei ka kyntien ka long kaba pop. Bad pynban, da la ki jong ki khmat nga la ïohi ïa U Syiem, U Trai Badonbor Baroh.”

MALAKHI 4:2

Hynrei na ka bynta jong phi kiba kohnguh ïa nga, ka bor jong nga kaba pynim kan kiew halor jong phi kum ka sngi bad kan wallam jingkhiah kum ki kjat sngi. Phin long kiba laitluid bad bakmen kum ki khun masi ba la pyllait na ka sem.

2 KORINTH 12:7

Hynrei ban pyllait ïa nga na kaba dap da ka jingsarong namar kiei kiei kiba bun kiba phylla ba nga la ïohi, la buh ha nga ïa ka jingpang kaba jur ha ka met, kaba long kum u nonglamktien jong u Soitan ban pynshitom ïa nga bad ban pyllait ïa nga na ka jingsngew sarong.

2 KORINTH 12:9

Hynrei ka jubab jong u ka la long: “Ka jingaiei jong nga ka long baroh kaba me donkam, naba ka bor jong nga ka khraw tam dei haba me tlot.” Nga kmen eh, namarkata, ban sngewsarong ha ki jingtlot jong nga, khnang ban mad ïa ka jingïada ka bor jong U Khrist halor jong nga.

DEUTERONOMI 5:24

bad ki ïa-ong, ‘U Trai U Blei jong ngi u la pynpaw ha ngi ïa ka jingkhraw bad ka burom jong u haba ngi ïohsngew ïa u ba u kren napdeng ka ding! Mynta ka sngi ngi la ïohi ba u briew u dang lah hi ban im, wat la U Blei u la kren ha u.

DEUTERONOMI 5:26

Ju don mo u briew uba dang im hadien ba u la ïohsngew ïa U Blei uba im ba u kren napdeng ka ding?

NONGBISHAR 6:22

Nangta u Gideon u la sngewthuh ba dei u angel jong U Trai ba u la ïohi, bad u ong ha ka jingsheptieng, “A Trai Bakhrawbor! Nga la ïohi ïa u angel jong me markhmat!”

NONGBISHAR 6:23

Hynrei U Trai u ong ha u, “Long ka jingsuk. Wat sheptieng. Men ym ïap.”

NONGBISHAR 8:8

U Gideon u la leit sha Penuel bad u la kyrpad kumjuh ïa ki briew kiba hangta, hynrei ki briew jong ka Penuel ki la ai kajuh ka jubab kum ki rangbah jong ka Sukkoth.