Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JENESIS 32:30 - Khasi CL Bible (BSI)

30 U Jakob u la ong, “Nga la ïohi ïa U Blei markhmat, bad nga dang im hi.” Kumta u la khot kyrteng ïa kata ka jaka, Ka Peniel.

အခန်းကိုကြည့်ပါ။ ကော်ပီ

KA BAIBL

30 Bad u Jakob u la khot kyrteng ïa kata ka jaka “ ‘ka Peniel’: naba nga la ïohi ïa U Blei markhmat, bad ïa ka mynsiem jong nga la pyllait im putet.”

အခန်းကိုကြည့်ပါ။ ကော်ပီ




JENESIS 32:30
28 ပူးပေါင်းရင်းမြစ်များ  

Ka Hagar ka kylli ïa lade, “Hato nga da ïohi shisha ïa U Blei bad ba nga dang im ban ïathuh ïa kata?” Kumta ka la khot ïa ka kyrteng U Trai uba la kren ha ka, “U Blei uba ïohi.”


U khot kyrteng ïa kata ka jaka ka Bethel. (Ïa ka shnong kaba don hangta la tip shisien kum ka Lus.)


Haba u Jakob u la wan phai na Mesopotamia, U Blei u la mihpaw biang ha u, bad u la kyrkhu ïa u.


U Jeroboam u syiem ki Israel u la tei kynroh ïa ka shnong Shekhem kaba ha ri lum Ephraim bad u la sah hangta katto katne por. Nangta u la mihnoh bad u tei kynroh sa ïa ka shnong Penuel.


U Trai u la ong, “Nga hi ngan leit ryngkat bad me, bad ngan ai ha me ka jingjop.”


Nga la ong, “Ym don jingkyrmen ïa nga! Nga long ba la tim namar kawei pa kawei ka kyntien kaba mih na ki rmiang shyntur jong nga ka long kaba pop, bad nga shong nga sah hapdeng ki briew kiba kawei pa kawei ka kyntien ka long kaba pop. Bad pynban, da la ki jong ki khmat nga la ïohi ïa U Syiem, U Trai Badonbor Baroh.”


Ïa ki juti jong ka kynhun shipai kaba hiarthma bad ïa ki jaiñ baroh kiba khah snam yn pynjot thiaw da ka ding.


Kumta nga ïakren bad u markhmat, da kaba shai, bad ym ha ki jingkyntip; u la ïohi wat ïa ka dur jong nga. Kumno keiñ phi nud ban kren pyrshah ïa u Moses u shakri jong nga?”


Ym don mano mano ruh uba la ïohi ïa U Blei. U Khun ba marwei jong u, uba long kumjuh kum U Blei bad uba don ha syndah jong U Kpa, u la pynpaw shynna ïa u.


Kaei kaba ngi ïohi mynta ka long kum ka dur kaba byrngut ha ka ïitkhmih; nangta ngin sa ïohi markhmat. Kaei kaba nga tip mynta ka long tang katto katne; nangta kan sa long kaba dap pura — kaba dap pura kum ka jingtip jong U Blei ïa nga.


Te, baroh na ngi, ngi phalang ïa ka burom jong U Trai da ki durkhmat ba khlem tap; bad kata kajuh ka burom, kaba wan na U Trai, uba long U Mynsiem, ka pynkylla dur ïa ngi sha ka jingïasyriem ïa u ha kata ka kyrdan kaba kham khraw jong ka burom.


U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.


Nga sngewlyngngoh ïa phi! Tang katto katne por phi la iehnoh ïa uta uba la khot ïa phi da ka jingaiei U Khrist, bad ba phi la pdiang ïa kawei pat ka Gospel.


Nga kynmaw ïa phi ha ki jingduwai jong nga; bad nga kyrpad na U Blei jong U Jisu Khrist uba U Trai jong ngi, u Kpa uba dap da ka burom, ba un ai ha phi ïa U Mynsiem, u ban pynlong ïa phi kiba stad bad un pynpaw ha phi ïa U Blei, khnang ba phin ïoh tip ïa u.


Ym pat ju don u nongïathuhlypa ha Israel uba kum u Moses; U Trai u ïakren bad u markhmat.


bad ki ïa-ong, ‘U Trai U Blei jong ngi u la pynpaw ha ngi ïa ka jingkhraw bad ka burom jong u haba ngi ïohsngew ïa u ba u kren napdeng ka ding! Mynta ka sngi ngi la ïohi ba u briew u dang lah hi ban im, wat la U Blei u la kren ha u.


U Khrist u long ka dur bapaw jong U Blei u bym lah ban ïohi. U long U Khun ba la kha nyngkong, uba hakhlieh duh jong kiei kiei baroh kiba la thaw.


U la ai ha ngi ïa kane ka jingaiei lyngba U Khrist Jisu ha shuwa ban sdang ka pyrthei, hynrei mynta la pynpaw da ka jingwan U Nongpynim jong ngi, U Khrist Jisu. U la pynkut noh ïa ka bor jong ka jingïap bad lyngba ka Gospel la pynpaw ïa ka jingim bymïap shuh.


Dei ka jingngeit kaba la pynlong ïa u Moses ban mihnoh na ka ri Ijipt khlem da sheptieng ïa ka jingbitar u Pharaoh. Ka la long kumba u la ïohi ïa U Blei u bym lah ban ïohi, u la kyntait ban phai dien.


Katba u Joshua u dang don hajan Jerikho, kynsan u ïohi ïa u briew uba ïeng ha khmat jong u, uba bat ïa ka waitlam. U Joshua u leit sha u bad u kylli, “Me dei uwei na ki shipai ngi, ne u nongshun?”


U Manoah u jubab, “Ïathuh ha ngi ïa ka kyrteng jong phi, khnang ba ngin lah ban ai burom ïa phi ynda ki ktien jong phi ki la urlong.”


U angel u kylli, “Balei ba phi da kwah ban tip ïa ka kyrteng jong nga? Ka long ka kyrteng kaba phylla.”


U la pyntwa ruh ïa u mot ha Penuel bad pynïap ïa ki rangbah jong kata ka nongbah.


U Gideon u la leit sha Penuel bad u la kyrpad kumjuh ïa ki briew kiba hangta, hynrei ki briew jong ka Penuel ki la ai kajuh ka jubab kum ki rangbah jong ka Sukkoth.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ