JENESIS 32:3 - Khasi CL Bible (BSI)

³ U Jakob u la phah ïa ki nonglamktien ha shuwa jong u sha u Iso u hynmen jong u ha ri Edom.

KA BAIBL

³ Bad u Jakob u la lah phah ïa ki nonglam khubor ha shuwa jong u ha u Iso u hynmen jong u sha ka ri Seir, ka khyndew jong u Edom.

JENESIS 32:3 ပူးပေါင်းရင်းမြစ်များ

JENESIS 14:6

bad ïa ki Hor ha ki lumbah jong ka Edom, bad ki thwet ïa ki haduh Elparan kaba harud ka ri shyiap.

JENESIS 25:30

U la thngan bad u ong ha u Jakob, “Nga la thngan shaba palat, to ai khyndiat ba ngan dih ïa kato ka syrwa saw.” (Dei namar kata ba la khot ïa u, u Edom.)

JENESIS 32:11

Nga kyrpad ïa me ba men pyllait ïa nga na ka kti u Iso u hynmen jong nga. Nga sheptieng — sheptieng ba u wan ban ïaleh bad pynïap lut ïa ngi baroh, wat ïa ki kynthei bad ki khynnah ruh.

JENESIS 32:7

U Jakob u la sheptieng bad khuslai. U la pynbynta ar kynhun ïa ki briew kiba don lem bad u, bad kumjuh ruh ïa ki langbrot, ki blang, ki jingri bad ki ut.

JENESIS 33:14

Sngewbha, khie nang ïaid sha khmat, ngan nang bud suki suki, ban ïaid katba nga lah lem bad kine ki jingri bad ki khynnah haduh ba ngin sa ïashem pat bad phi ha Edom.”

JENESIS 33:16

Kumta u Iso u leit phai pat ha kata ka sngi sha Edom.

2 SAMUEL 2:8

U rangbah ai hukum jong ka kynhun shipai jong u Saul, u Abner u khun jong u Ner, u la phet bad u Ishbosheth, u khun jong u Saul sha Mahanaim.

2 SYIEM 6:17

Nangta u la duwai, “Ko Trai, to pynpeit ïa ki khmat jong u bad ai un ïohi.” U Trai u jubab ïa ka jingduwai jong u, bad u shakri jong u Elisha haba u peit shajrong bad u la ïohi ïa ka sharing lum ba la dap da ki kulai bad ki kali ïapom kiba da ka ding baroh sawdong jong u Elisha.

1 KHRONIKL 12:23

Mynba u Dabid u dang don ha Hebron, kiba bun ki shipai ba la ïoh jingtbit ki pynïasoh ha ka kynhun shipai jong u ban ïarap ïa u ban long u syiem ha ka jaka u Saul, kumba U Trai u la kular. Ka jingbun jong ki ka long kumne: Ki Judah: hynriew hajar phraspah ngut ki rangbah kiba la kieng atiar bha da ki stieh bad ki sum; Ki Simeon: hynñiew hajar shispah ngut ki rangbah; Ki Lebi: saw hajar hynriewspah ngut ki rangbah; Ki nongbud jong u Jehoïada, uba hiarpateng na u Aaron: lai hajar hynñiewspah ngut; Ki ba-ha-ïing jong u Sadok, u nongïaleh ba dang khynraw: arphew ar ngut ki rangbah bakynsai; Ki Benjamin (ka jait jong u Saul): lai hajar ngut ki rangbah (kiba bun ki paid Benjamin ki ïaineh bad u Saul); Ki Ephraim: arphew hajar phraspah ngut ki rangbah bapawnam ha la ki kur ba ki don; Ki Manasseh na sepngi: khatphra hajar ngut ki rangbah ba la jied bad leit pynlong syiem ïa u Dabid; Ki Issakhar: arspah ngut ki nongïalam, lem bad ki rangbah hapoh ka jingai hukum jong ki (kine ki nongïalam ki tip aïu ba ki Israel ki dei ban leh bad ka por kaba biang bha ban leh ïa kata); Ki Sebulun: sanphew hajar ngut ki rangbah ba lah ban shaniah bad baïaineh kiba long kiba la kloi ban ïaleh, kiba la ïoh jinghikai kaba biang ban pyndonkam ïa ki tiar ïaleh thma; Ki Naphtali: shihajar ngut ki nongïalam, lem bad laiphew hynñiew hajar ngut ki rangbah ba la kieng atiar da ki stieh bad ki sum; Ki Dan: arphew phra hajar hynriewspah ngut ki rangbah ba la pyntbit; Ki Asher: sawphew hajar ngut ki rangbah kiba la kloi ban leit thma; Ki Jait sha mihngi jong ka Jordan — ki Reuben, ki Gad, bad ki Manasseh ba don ha mihngi: shi lakh arphew hajar ngut ki rangbah ba la ïoh jinghikai ban pyndonkam ïa ki jait tiar ïaleh baroh.

JINGRWAI SOLOMON 7:1

A katno phi long ka kynthei samla kaba phylla! Katno ki itynnat ki kjat jong phi hapoh ki juti. Ka jingkhun ki lbong jong phi ka long kum ka jingtrei u nong-ohdur.

ISAÏAH 21:11

Kane ka dei ka khubor shaphang ka Edom. Don uwei uba pyrta ïa nga na Edom, “Ko nongap phira, shen sa katno ba ka miet kan kut? Ïathuh ïa nga sa katno shen kan kut noh.”

JEREMAÏAH 49:7

Kane ka dei kaei kaba U Trai Badonbor Baroh u ong shaphang ka Edom: “Hato ki briew ka Edom ki la duh noh ïa la ka jingbishar babha? Hato ki nongaibuit jong ki kim lah shuh ban ïathuh ïa ki kaei ba ki dei ban leh? Hato ka jingstad jong ki baroh ka la jah noh?

MALAKHI 3:1

U Trai Badonbor Baroh u jubab, “Ngan phah ïa u nonglamktien jong nga ban pynkhreh ïa ka lynti na ka bynta jong nga. Te U Trai uba phi ap khmih lynti, un wan kynsan kynsan ha ka Templ jong u. U nonglamktien uba phi sliang ban ïohi un wan bad pynbna ïa ka jutang jong nga.”

JINGKHEIÑ 24:18

Un jop ïa ki nongshun jong u ha Edom, Bad un pynlong ïa ka ri jong ki ka jingïohkynti jong u, Katba ki Israel kin ïai jop.

LOUKAS 9:52

U la phah ïa ki nonglamktien ha shuwa jong u, kiba la leit sha ka nongrit ha Samaria ban pynkhreh ïa kaei kaei baroh na ka bynta jong u.

DEUTERONOMI 1:2

(Ka shim por khatwei sngi ban ïaid na u Lum Sinai sha Kadesh Barnea na shaphang ka ri lum Edom.)

DEUTERONOMI 2:22

U Trai u la leh kumjuh na ka bynta ki Edom, ki khun ki ksiew u Iso, kiba shong ha ri lum Edom. U pynjot ïa ki Hor, kumta ki Edom ki ïohknieh ïa ka ri jong ki bad ki shongsah hangta haduh mynta.

DEUTERONOMI 2:5

Kin tieng ïa phi, hynrei phim dei ban ïaknieh jaka bad ki, namar ngan ym ai ha phi wat tang khyndiat ruh na kata ka ri jong ki. Nga la ai ïa ka Edom ha ki khun ki ksiew u Iso.

JOSHUA 13:30

Ka jaka jong ki ka ïar naduh Mahanaim bad kynthup ïa ka Bashan baroh — baroh ka hima u Og, u syiem Bashan, bad ruh baroh hynriewphew tylli ki shnong jong u Jair ha Bashan.

JOSHUA 24:4

bad ha u Isaak nga la ai ïa u Jakob bad u Iso. Nga la ai ha u Iso ïa ka ri lum Edom kum ka jingïohkynti jong u, hynrei u Jakob, u kpa tymmen jong phi, bad ki khun ki kti jong u, ki leit hiar sha Ijipt.