JENESIS 32:26 - Khasi CL Bible (BSI)

²⁶ Uta u briew u ong, “Pyllait noh ïa nga; ka la sdang kynjat shai.” “Em, ngan ym pyllait, lymda me kyrkhu ïa nga,” ong u Jakob.

KA BAIBL

²⁶ Bad uta u la ong, “To pyllait noh ïa nga, naba kan sa shai byrngut.” Hynrei, u la ïathuh, “Ngan ym pyllait ïa me lymda me da kyrkhu keiñ ïa nga.”

JENESIS 32:26 ပူးပေါင်းရင်းမြစ်များ

JENESIS 32:25

Haba uta u briew u ïohi ba um lah jop ïa u Jakob, u kura ïa u na ka skhep; bad kata ka skhep jong u ka la lait.

JENESIS 32:27

“Kaei ka kyrteng jong me?” uta u briew u kylli. “U Jakob,” u jubab.

1 KHRONIKL 4:10

Hynrei u Jabes u la duwai ha U Blei ki Israel, “To kyrkhu ïa nga, A Blei, bad ai ha nga bun ka khyndew. To long bad nga bad sumar ïa nga na kano kano kaba sniew kaba lah ban pynshitom ïa nga.” Bad U Blei u la ai ha u ïa kaei kaba u la kyrpad.

SALM 67:1

A Blei, to isynei ïa ngi bad to kyrkhu ïa ngi; to khmih halor jong ngi da ka jingbhasbun,

EKSODOS 32:10

Mynta, wat pyrshang ban pynsangeh ïa nga. Nga bitar ïa ki, bad ngan pynjot thiaw ïa ki. Nangta ngan pynlong ïa me bad ïa ki khun ki ksiew jong me ka jaitbynriew kaba khraw.”

JINGRWAI SOLOMON 3:4

Tang mar ïakhlad na ki, nga la shem ïa u. Nga la bat ïa u bad ngam shah ïa u ban leit tad ynda nga ïalam ïa u sha ka ïing i mei jong nga, sha ka kamra ha kaba la kha ïa nga.

JINGRWAI SOLOMON 7:5

Ka khlieh jong phi ka ïeng kum u lum Karmel. U shñiuh jong phi ba la thain u phyrnai kum ka jaiñ satin bani; ka jingitynnat jong u ka lah ban pynshohbieit ïa u syiem.

ISAÏAH 45:11

U Trai, U Blei bakhuid ki Israel, uta uba saiñdur ïa ka lawei, u ong: “Phim don hok ban kylli ïa nga shaphang ki khun jong nga lane ban ïathuh ïa nga kaei ba nga dei ban leh!

ISAÏAH 64:7

Ym don uwei ruh uba phai sha me ha ka jingduwai; ym don uwei ruh uba leit sha me ban ïoh jingïarap. Me la buhrieh ïa lade na ngi bad iehnoh ïa ngi namar ki pop jong ngi.

HOSIA 12:4

U ïaleh bad u angel bad u la jop. U la ïam bad pan ïa ka jingkyrkhu. Bad ha Bethel U Blei u la wan sha u kpa tymmen jong ngi u Jakob bad u la ïakren bad u.

Ka Shithi U Paul Sha Ki Nong Rom 8:37

Em, ha kine baroh ngi ïoh ïa ka jingjop baroh lyngba jong uta uba la ieit ïa ngi!

1 KORINTH 15:58

Te kumta, ko parabangeit ba-ieit jong nga, to long phi kiba ïeng skhem bad kiba ïaineh. To long kiba ïai trei minot ïa ka kam U Trai, namar phi tip ba kano kano kaba phi leh ha ka jingshakri ïa U Trai kam ju long kaba lehnoh-ei.

DEUTERONOMI 9:14

Me wat khang ïa nga, naba ngan pynjot thiaw ïa ki ba kumta yn ym don shuh u ban dang kynmaw ïa ki. Nangta ngan pynlong ïa me u kpa jong ka jaitbynriew kaba kham khraw bad kham donbor ban ïa ki.’

HEBRU 5:7

Ha ka jingim jong u ha kane ka pyrthei, U Jisu u la duwai bad khot kyrpad da kaba pyrta jam bad ïam ha khmat U Blei, uba lah ban pyllait ïa u na ka jingïap. Namar ba u long uba sngewrit bad aiti lut, U Blei u la shahshkor ïa u.