JENESIS 32:24 - Khasi CL Bible (BSI)

²⁴ hynrei u la sah shadien marwei. Nangta uwei u briew u wan bad u la ïalympat bad u haduh ban da jan kynjat shai.

KA BAIBL

²⁴ Bad ïa u Jakob la iehnoh marwei; bad uwei u briew u la ïaleh bad u haduh ban da shai byrngut.

JENESIS 32:24 ပူးပေါင်းရင်းမြစ်များ

JENESIS 18:2

Tang mar shu ïohi ïa ki, u mareh ban leit ïashem ïa ki. Da kaba u nguh ngon haduh khyndew, u ong,

JENESIS 30:8

Ka Rakhel ka ong, “Nga la ïakhun ka jingïaleh kaba jwat bad la ka hynmen, hynrei nga la jop”; kumta ka la khot kyrteng ïa u, u Naphtali.

JENESIS 32:23

Ynda u la phah ïa ki sha shiliang, u la phah ruh sha shiliang ïa kiei kiei baroh kat kiba u don,

JENESIS 32:25

Haba uta u briew u ïohi ba um lah jop ïa u Jakob, u kura ïa u na ka skhep; bad kata ka skhep jong u ka la lait.

JENESIS 32:28

Uta u briew u ong, “Ka kyrteng jong me kam long shuh u Jakob. Me la ïaleh bad U Blei bad ki briew, bad me la jop ruh; kumta ka kyrteng jong me kan long noh u Israel.”

JENESIS 32:30

U Jakob u la ong, “Nga la ïohi ïa U Blei markhmat, bad nga dang im hi.” Kumta u la khot kyrteng ïa kata ka jaka, Ka Peniel.

JENESIS 48:16

To u angel uba la pyllait ïa nga na ka jingsniew baroh, un kyrkhu ïa ki! To ka kyrteng jong nga, bad ka jong ki kpa jong nga, u Abraham bad u Isaak, Kan ïai im lyngba kine ki khun! To kin don bun ki khun ki kti bad ki khun ki ksiew kiba bun!”

EKSODOS 14:27

Kumta u Moses u kner ïa la ka kti halor ka duriaw, bad haba ka la kynjat shai ka duriaw ka dap biang kumba mynshuwa. Ki nong Ijipt ki la pyrshang ban lait im na ka um, hynrei U Trai u la bret ïa ki sha ka duriaw.

JINGRWAI SOLOMON 2:17

tad haduh ban da beh ka lyer step bad ba ka jingdum ka jah. To wan phai ko ba-ieit jong nga, kum u khiat, kum u bthong ha ki lumbah jong ka Bether.

ISAÏAH 32:2

Uwei pa uwei na ki un long kum ka jingkah na ka lyer bad ka jaka ban rieh na ki 'erïong. Kin long kum ki wahduid kiba tuid ha ka ri shyiap, kum ka jingkah syrngiew u mawsiang bah ha ka ri shrah.

DANIEL 10:8

La iehnoh ïa nga marwei hangta, da kaba khmih ïa kane ka jingïohipaw kaba phylla. Ngam donbor shuh, bad ka durkhmat jong nga ka la kylla dur haduh katta katta ba ym don mano mano ba lah ban ithuh ïa nga.

LOUKAS 13:24

U Jisu u la jubab ïa ki, “Leh ïa kaba bha tam ban rung lyngba ka khyrdop kaba khim; namar bun ki briew da kaba thikna kin pyrshang ban phrung lyngba jong ka hynrei kin ym lah.

LOUKAS 22:44

Ha ka jinglyng-a kaba khraw u la duwai kham jur shuh shuh; ka syep jong u ka la long kum ki jingjaw ka snam kaba hap ha madan.

Ka Shithi U Paul Sha Ki Nong Rom 15:30

Nga kyntu ïa phi, ko ki parabangeit, da U Jisu Khrist uba U Trai jong ngi bad da ka jingieit kaba U Mynsiem u ai: To ïasoh bad nga ha ka jingduwai shitrhem sha U Blei na ka bynta jong nga.

1 KORINTH 15:47

Ïa u Adam uba nyngkong, la thaw na ka dewmet, ba la wan na ka khyndew; u Adam uba ar u la wan na bneng.

EPHESOS 6:12

Naba ngim ïaleh pyrshah ïa ki briew hynrei pyrshah ïa ki bor bymman ba kynja mynsiem ha ka pyrthei ba kynja bneng, ki nongsynshar, ki bor synshar, bad ki bor pyrthei jong kane ka juk ba-dum.

EPHESOS 6:18

To leh ïa kane baroh ha ka jingduwai, da kaba kyrpad ïa ka jingïarap jong U Blei. Duwai ha ki por baroh, katba U Mynsiem u ïalam. Namar kane ka daw, to sharai bad wat kynran dien; duwai borabor na ka bynta ki briew jong U Blei baroh.

KOLOSSAI 2:1

To shah ngan ïathuh ïa phi haduh katno nga la trei shitom na ka bynta jong phi, bad na ka bynta ki briew ha Laodikaïa bad na ka bynta kiwei pat baroh ki bym ithuh ïa nga markhmat.

KOLOSSAI 4:12

Ki jingai khublei na u Epaphras, uwei pat u dkhot jong ka kynhun jong phi bad u shakri jong U Khrist Jisu. U ïai duwai shitrhem borabor na ka bynta jong phi, da kaba kyrpad ïa U Blei ban pynlong ïa phi kiba ïeng skhem, kum kiba la san rangbah bha bad kiba skhem pura, ha ka jingkohnguh pura ïa ka mon U Blei.

HEBRU 5:7

Ha ka jingim jong u ha kane ka pyrthei, U Jisu u la duwai bad khot kyrpad da kaba pyrta jam bad ïam ha khmat U Blei, uba lah ban pyllait ïa u na ka jingïap. Namar ba u long uba sngewrit bad aiti lut, U Blei u la shahshkor ïa u.

JOSHUA 5:13

Katba u Joshua u dang don hajan Jerikho, kynsan u ïohi ïa u briew uba ïeng ha khmat jong u, uba bat ïa ka waitlam. U Joshua u leit sha u bad u kylli, “Me dei uwei na ki shipai ngi, ne u nongshun?”