JENESIS 32:11 - Khasi CL Bible (BSI)

¹¹ Nga kyrpad ïa me ba men pyllait ïa nga na ka kti u Iso u hynmen jong nga. Nga sheptieng — sheptieng ba u wan ban ïaleh bad pynïap lut ïa ngi baroh, wat ïa ki kynthei bad ki khynnah ruh.

KA BAIBL

¹¹ To pyllait im ïa nga mynta, nga kyrpad ïa me, na ka kti u hynmen jong nga, na ka kti u Iso: naba nga sheptieng ïa u, ba ïoh un wan bad shoh ïap ïa nga, ïa ka kmie ruh lem bad ki khun.

JENESIS 32:11 ပူးပေါင်းရင်းမြစ်များ

JENESIS 24:27

U ong, “Ïaroh ïa U Trai, U Blei jong u kynrad jong nga u Abraham, uba la batskhem ïa la ka kular ha u kynrad jong nga. U Trai hi u la ïalam beit ïa nga sha ki kur ki jait u kynrad jong nga.”

JENESIS 27:41

U Iso u la isih ïa u Jakob, namar ba u kpa jong u, u la ai ha u Jakob ïa ka jingkyrkhu. U la pyrkhat, “Ka por ban ïambriew na ka bynta i pa jong nga ka la jan; te kumta ngan sa pynïap ïa u Jakob.”

JENESIS 27:42

Hynrei haba ka Rebekka ka la ïohsngew ïa ka jingthmu jong u Iso, ka la phah khot ïa u Jakob bad ka ong, “To shahshkor, u Iso u hynmen jong me u thmu ban siew kylliang bad ban pynïap ïa me.

JENESIS 32:3

U Jakob u la phah ïa ki nonglamktien ha shuwa jong u sha u Iso u hynmen jong u ha ri Edom.

JENESIS 32:7

U Jakob u la sheptieng bad khuslai. U la pynbynta ar kynhun ïa ki briew kiba don lem bad u, bad kumjuh ruh ïa ki langbrot, ki blang, ki jingri bad ki ut.

JENESIS 33:4

Hynrei u Iso u mareh ban ïakynduh ïa u, u kdup ïa u, bad u doh ïa u. Ki ïa-ïam baroh ar ngut.

2 SAMUEL 7:18

Nangta u Syiem Dabid u leit shapoh ka Ïingjaiñ ka Jingdon Ryngkat U Trai, u shong bad u duwai, “A Trai Nongsynshar, ngam long uba bit ïa kaei kaba me la leh na ka bynta jong nga lymne wat ka longïing jong nga.

SALM 119:134

To pyllait im ïa nga na kito kiba banbeiñ ïa nga, khnang ba ngan lah ban kohnguh ïa ki hukum jong me.

SALM 142:6

To shahshkor ïa ka jingkyang jong nga ban ïoh jingïarap, namar nga la ngam ha ka jingduh jingkyrmen. To pynim ïa nga na ki nongshun jong nga; ki long kiba khlaiñ palat ïa nga.

SALM 16:1

To da ïa nga, A Blei; nga shaniah ha me ban ïoh ka jingshngain.

SALM 25:20

To ïada ïa nga bad pynim ïa nga; sumar ïa nga na ka jingshahjop. Nga wan sha me ban ïoh jingshngain.

SALM 31:2

To sngew ïa nga! Pynim ïa nga mynta! To long ka jakarieh jong nga ban ïada ïa nga; to long ka jingkyrshan jong nga ban pyllait im ïa nga.

SALM 43:1

A Blei, to pynbna ba nga long uba lui lui, bad ïasaid da ïa nga na ki bymriewblei; pyllait ïa nga na ki briew kiba shukor bad kiba sniew!

PROBERB 18:19

Ïarap ïa la u para bad un ïada ïa phi kum ka kynroh kaba khlaiñ jong ka nongbah, hynrei lada phi ïakajia bad u, un khang khyrdep ki jingkhang jong u ïa phi.

DANIEL 3:17

Lada U Blei uba ngi shakri u lah ban pyllait im ïa ngi na ka lawar ding baklang bad na ka bor jong phi, te un leh.

HOSIA 10:14

ka thma kan sa wan ha ki briew jong phi, bad ïa ki kut jong phi baroh yn pynjot. Kan long kum ka sngi ha kaba u syiem Shalman u la pynjot ïa ka nongbah Betharbel ha ka thma, ha kaba ïa ki kmie bad ki khun jong ki la pynlwet haduh ban da ïap.

MATHAÏOS 6:13

Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

DEUTERONOMI 22:6

“Lada jia ba phi lap ïa ka skum sim ha u dieng ne ha khyndew lem bad ïa ka sim kmie kaba pdem ïa ki pylleng lane kaba kdup ïa la ki khun, phim dei ban kem ïa ka sim kmie.

1 SAMUEL 12:10

Nangta ki kyang sha U Trai ban ïoh jingïarap, bad ki ong, ‘Ngi la leh pop, namar ngi la phai noh na me, ko Trai, bad ngi la mane ïa ki bleithaw jong u Baal bad ki Astarte. To pyllait ïa ngi na ki nongshun jong ngi, bad ngin mane ïa me!’

1 SAMUEL 24:15

U Trai un bishar bad un rai mano ba bakla napdeng jong ngi. To un khmih ïa kane ka kam, un ïada ïa nga, bad un pyllait im ïa nga na phi.”