JENESIS 32:10 - Khasi CL Bible (BSI)

¹⁰ Ngam long uba bit dor ban ïohpdiang ïa baroh ka jinglehisynei bad ka jingieit baïaineh ba me la pynpaw ha nga, u shakri jong me. Nga la jam ïa ka wah Jordan tang bad u diengduh jong nga, bad mynta pat nga la wan phai bad kine ar ki kynhun.

KA BAIBL

¹⁰ ngam shym don ka jingdawa ïa iba khyndiat tam eh ruh na kita ki jingleh isynei jong me baroh, lymne na kata ka jingleh shisha baroh ba me la leh ha la u shakri; naba tang bad la u diengduh nga la wan sha shiliang kane ka Jordan; bad mynta nga la wan long ar kynhun.

JENESIS 32:10 ပူးပေါင်းရင်းမြစ်များ

JENESIS 18:27

U Abraham u kren biang, “To map, ko Trai ïa ka jingshlur bieit jong nga ban kren ha me. Nga long tang u briew bad ngam don hok ban ong ei ei.

JENESIS 24:12

U la duwai, “A Trai, U Blei jong u kynrad jong nga u Abraham, to ai ka jingjop ïa nga mynta ka sngi bad to bat ïa la ka kular ïa u kynrad jong nga.

JENESIS 24:27

U ong, “Ïaroh ïa U Trai, U Blei jong u kynrad jong nga u Abraham, uba la batskhem ïa la ka kular ha u kynrad jong nga. U Trai hi u la ïalam beit ïa nga sha ki kur ki jait u kynrad jong nga.”

JENESIS 28:13

Bad hangta la don U Trai uba ïeng hajan jong u. “Nga long U Trai, U Blei jong u Abraham bad u Isaak,” u ong. “Ngan ai ha me bad ha ki khun ki ksiew jong me ïa kane ka jaka ha kaba me thiah.

JENESIS 28:15

To kynmaw, ba ngan long ryngkat bad me bad ïada ïa me kat shaba me leit, bad ngan wallam pat ïa me sha kane ka ri. Ngan ym iehnoh ïa me tad haduh ba ngan da pyndep ïa kata baroh ïa kaba nga la kular ha me.”

JENESIS 30:43

Ha kane ka rukom u Jakob u kylla long uba riewspah eh. U la don shibun ki kynhun jingri, ki mraw, ki ut, bad ki kada.

JENESIS 31:3

Nangta U Trai u ong ha u, “Khie leit phai pat sha ka ri ki kpa tymmen jong me, bad sha la ki kur ki jait. Nga ngan long lem ryngkat bad me.”

JENESIS 32:5

Nga don ki masi, ki kada, ki langbrot, ki blang, bad ki mraw. Nga phah ktien sha phi ko kynrad da ka jingkyrmen ba ïoh ïa ka jingsngewbha jong phi.”

JENESIS 32:7

U Jakob u la sheptieng bad khuslai. U la pynbynta ar kynhun ïa ki briew kiba don lem bad u, bad kumjuh ruh ïa ki langbrot, ki blang, ki jingri bad ki ut.

2 SAMUEL 17:24

U Dabid u lah da poi ha ka shnong Mahanaim ha ka por ba u Absalom bad ki Israel ki la dep jam sha shiliang ka Jordan.

2 SAMUEL 7:18

Nangta u Syiem Dabid u leit shapoh ka Ïingjaiñ ka Jingdon Ryngkat U Trai, u shong bad u duwai, “A Trai Nongsynshar, ngam long uba bit ïa kaei kaba me la leh na ka bynta jong nga lymne wat ka longïing jong nga.

Ka Kitab U Job 17:9

Kito kiba dawa ba ki long kiba donburom ki la nang sngewdei shuh shuh ba kim shym la bakla.

Ka Kitab U Job 8:7

Baroh ka spah kaba me la duh, kam long ei ei ban ïapyrshang bad kaei kaba U Blei un sa ai pat ha me.

SALM 16:2

Nga ong ha U Trai, “Me long U Trai jong nga; kiei kiei kiba bha baroh kiba nga don ki la wan na me.”

SALM 18:35

A Trai, me ïada ïa nga bad pynim ïa nga; ka jingsumar jong me ka la pynlong ïa nga uba khraw, bad ka bor jong me ka la sumar ïa nga.

SALM 61:7

Ai un synshar junom ha ka jingdon ryngkat jong me, A Blei; to da ïa u da ka jingieit baneh bad ka jingïaineh ka jong me.

SALM 8:5

Pynban me la pynlong ïa u, uba kham hapoh tang ïa me hi; me la pynphong pansngiat ïa u da ka burom bad jingpyndonburom.

SALM 84:7

Ki nang kham khlaiñ katba ki nang leit; kin sa ïohi ïa U Blei jong ki blei ha Seïon.

SALM 85:10

Ka jingieit bad ka jingïaineh kin ïashem; ka hok bad ka jingsuk kin ïakdup.

PROBERB 4:18

Ka lynti kaba kiba hok ki ïaid ka long kum ka jingmih ka sngi; ka nang phyrnai nang phyrnai haduh ba kan da shai bha kum mynsngi.

ISAÏAH 6:5

Nga la ong, “Ym don jingkyrmen ïa nga! Nga long ba la tim namar kawei pa kawei ka kyntien kaba mih na ki rmiang shyntur jong nga ka long kaba pop, bad nga shong nga sah hapdeng ki briew kiba kawei pa kawei ka kyntien ka long kaba pop. Bad pynban, da la ki jong ki khmat nga la ïohi ïa U Syiem, U Trai Badonbor Baroh.”

ISAÏAH 63:7

Ngan ïathuh ïa ka jingieit baïaineh jong U Trai; ngan ïaroh ïa u ïa baroh kaba u la leh na ka bynta jong ngi. U la kyrkhu kyrhai ïa ki paid Israel namar ka jingisynei bad ka jingieit baneh jong u.

MIKAH 7:20

Men pyn-i ïa ka jingïaineh jong me bad ka jingieit baneh ha la ki briew, ki khun ki ksiew jong u Abraham bad jong u Jakob, kumba me la kular ïa ki kpa tymmen jong ngi la slem bah.

LOUKAS 17:10

Ka long kumjuh bad phi; haba phi la pyndep ïa baroh kaba la bthah ïa phi ban leh, to ong, ‘Ngi long ki tang ki shakri, ngi la pyndep tang ïa ka kamram jong ngi.’ ”

LOUKAS 5:8

Haba u Simon Petros u la ïohi ïa kaei kaba lah jia, u la dem khohsiew ha khmat U Jisu bad u la ong, “Khie leit noh na nga, ko Trai! Nga long u briew uba pop!”

2 KORINTH 12:11

Nga la leh mynleh kum u bieit — hynrei phi la pynlong ïa nga ban leh kumta. Dei ma phi kiba la dei ban pynpaw ïa ka jingmynjur jong phi ïa nga. Naba wat lada ngam long ei ei, ngam shym duna ei ei na kita ki “apostol” kiba kham kyrpang jong phi.

DEUTERONOMI 8:18

Kynmaw ba dei U Trai U Blei jong phi uba ai spah ïa phi, ba un ïoh pynskhem haduh kane ka sngi ïa kata ka jutang ba u la pynlong bad ki kpa tymmen jong phi.

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”