JENESIS 31:3 - Khasi CL Bible (BSI)

³ Nangta U Trai u ong ha u, “Khie leit phai pat sha ka ri ki kpa tymmen jong me, bad sha la ki kur ki jait. Nga ngan long lem ryngkat bad me.”

KA BAIBL

³ Bad U Trai u la ong ha u Jakob, “To leit phai noh sha ka ri ki kpa jong me, bad sha la ki kur; ma nga ruh ngan long ryngkat bad me.”

JENESIS 31:3 ပူးပေါင်းရင်းမြစ်များ

JENESIS 13:15

Ngan ai ha me bad ha ki khun ki ksiew jong me ïa ka ri baroh kat kaba me ïohi, bad kan long ka jong me junom.

JENESIS 21:22

Ha kata ka por, u Abimelekh u leit bad u Phikol, u rangbah ai hukum jong ka kynhun shipai jong u, bad u ong ha u Abraham, “U Blei u long ryngkat bad me ha kaei kaei baroh ba me leh.

JENESIS 26:24

Ha kata ka miet U Trai u la mihpaw ha u bad u ong, “Nga long U Blei jong u kpa jong me u Abraham. Wat sheptieng, nga don ryngkat bad me. Ngan kyrkhu ïa me, bad ngan ai ha me bun ki khun ki ksiew namar ka jingkular jong nga ïa u shakri jong nga u Abraham.”

JENESIS 28:13

Bad hangta la don U Trai uba ïeng hajan jong u. “Nga long U Trai, U Blei jong u Abraham bad u Isaak,” u ong. “Ngan ai ha me bad ha ki khun ki ksiew jong me ïa kane ka jaka ha kaba me thiah.

JENESIS 28:15

To kynmaw, ba ngan long ryngkat bad me bad ïada ïa me kat shaba me leit, bad ngan wallam pat ïa me sha kane ka ri. Ngan ym iehnoh ïa me tad haduh ba ngan da pyndep ïa kata baroh ïa kaba nga la kular ha me.”

JENESIS 28:4

To un kyrkhu ïa me bad ïa ki khun ki ksiew jong me kumba u la kyrkhu ïa u Abraham, bad ai ba men shim kynti ïa kane ka ri ha kaba me la shong la sah bad ïa kaba U Blei u la ai ha u Abraham!”

JENESIS 30:25

Hadien ka jingkha ïa u Joseph, u Jakob u ong ha u Laban, “Pyllait noh ïa nga, ba ngan ïoh leit phai noh sha la ïing.

JENESIS 31:13

Nga long U Blei uba la mihpaw ha me ha Bethel, ha kaba me la pynkyntang ïa u maw kum ka jingsah jingkynmaw da kaba me la theh ïa ka umphniang Olib halor jong u bad ha kaba me la smai ha nga. Mynta to khreh ban leit phai pat sha ka ri ha kaba la kha ïa me.’ ”

JENESIS 31:2

U la ïohi ruh ba u Laban um da leh jan shuh ïa u kumba mynshuwa.

JENESIS 31:4

Kumta u Jakob u phah ktien sha ka Rakhel bad ka Leah ba kin ïakynduh ïa u ha lyngkha ha kaba ki jingri jong u ki don.

JENESIS 32:10

Ngam long uba bit dor ban ïohpdiang ïa baroh ka jinglehisynei bad ka jingieit baïaineh ba me la pynpaw ha nga, u shakri jong me. Nga la jam ïa ka wah Jordan tang bad u diengduh jong nga, bad mynta pat nga la wan phai bad kine ar ki kynhun.

JENESIS 32:5

Nga don ki masi, ki kada, ki langbrot, ki blang, bad ki mraw. Nga phah ktien sha phi ko kynrad da ka jingkyrmen ba ïoh ïa ka jingsngewbha jong phi.”

JENESIS 32:9

Nangta u Jakob u la duwai, “A U Blei jong u parad jong nga u Abraham, bad U Blei jong u kpa jong nga u Isaak, to shahshkor ïa nga! Me la bthah ïa nga, A Trai, ban leit phai pat sha la ka ri bad sha la ki kur ki jait, bad men pynbiang ba kiei kiei baroh kin ïaid beit bad nga.

JENESIS 35:1

U Blei u ong ha u Jakob, “Khie leit sha Bethel bad shongsah hangta. Tei ïa ka duwan hangta ïa nga, U Blei uba la mihpaw ha me mynba me dang phet ïap na u Iso u hynmen jong me.”

JENESIS 35:3

Ngin ïamihnoh nangne bad leit sha Bethel, ha kaba ngan tei hangta ïa ka duwan ha U Blei uba la ïarap ïa nga ha ka por ka jingjynjar jong nga bad uba la don lem ryngkat bad nga kat shaba nga leit.”

JENESIS 50:24

Te u Joseph u ong ha la ki hynmen, “Nga la jan ïap, hynrei U Blei un ri un da ïa phi, bad un ïalam noh ïa phi na kane ka ri sha kata ka ri kaba u la kular skhem ha u Abraham, ha u Isaak, bad ha u Jakob.”

SALM 46:1

U Blei u long ka jakarieh bad ka jingkhlaiñ jong ngi, uba kloi borabor ban ïarap ha ki por jingjynjar.

SALM 50:15

Khot kyrpad ïa nga haba ka jingeh ka wan; ngan pyllait ïa phi, bad phin ïaroh ïa nga.”

SALM 90:15

To ai ha ngi mynta ka jingkmen kaba khraw kat kum ka jingsngewsih ba me la ai ïa ngi, ha ki snem ka jinglanot jong ngi baroh.

EKSODOS 3:12

U Blei u jubab, “Ngan long lem bad me, bad haba me ïalam noh ïa ki briew jong nga na Ijipt, phin ïamane ïa nga ha une u lum. Kata kan long ka jingpynshisha ba nga la phah ïa me.”

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

HEBRU 13:5

Sumar bad kiar ïa la ka jingim na kaba ieit spah, bad sngewhun bad kita kiei kiei kiba phi don. Namar U Blei u la ong, “Ngan ym iehnoh ïa phi, ngan ym kyntait ïa phi.”