JENESIS 3:18 - Khasi CL Bible (BSI)

¹⁸ Kan sa pynmih ïa ki ñiut bad ki dieng shiah; bad men hap bam da u jhur khlaw.

KA BAIBL

¹⁸ kan pynmih shylluit ruh ïa ki shiah bad ïa ki shiah keng ïa me; bad men bam ïa u jhur ka lyngkha.

JENESIS 3:18 ပူးပေါင်းရင်းမြစ်များ

JENESIS 3:17

Bad ha u briew u ong, “Me la shahshkor ïa ka tnga jong me bad ba me la bam ïa u soh uba nga la ong ïa me ban ym bam. Namar kaei kaba me la leh, ka khyndew kan don hapoh ka jingtim. Men hap trei shitom baroh shi rta jingim ban pynlong ïa ka ban pynmih ka jingbam babiang na ka bynta jong me.

JENESIS 3:19

Men hap trei shitom bad jaw syep ban pynlong ïa ka khyndew ban pynmih ei ei, tad haduh ba men da leit phai pat sha ka khyndew na kaba la thaw ïa me. La thaw ïa me na ka dewmet, bad men sa kylla dewmet sa shisien pat.”

Ka Kitab U Job 1:21

U ong, “La kha ïa nga lyngkhuit khlem don ei ei bad ngan ïap lyngkhuit khlem don ei ei. U Trai u la ai, bad mynta u la shim noh. To ai ba yn ïaroh ïa ka kyrteng jong u!”

Ka Kitab U Job 31:40

nangta ha ka jaka u kew bad u barli, to ai ba ki ñiut bad ki shiah kin mih. Ki ktien u Job ki kut hangne.

Ka Kitab U Job 5:5

Ki briew kiba thngan kin bam na ka rep ka riang jong uba bieit — wat ïa ki sohkew kiba mih hapdeng ki shiah — bad ki briew kiba kwah rhah kin sngewpihuiñ ïa ka spah jong u.

SALM 104:2

me tap ïa lade da ka jingshai. Me pyiar ïa ki bneng kum ka ïingjaiñ

SALM 90:3

Me ong ïa u briew ban phai biang sha kaei kaba u long, me pynkylla pat ïa u sha ka dewmet.

PROBERB 22:5

Lada phi ieit ïa la ka jingim, phet krad na ki jingriam kaba pynngat ïa u bymman ha ka lynti ïaid.

PROBERB 24:31

Ki long kiba dap da ki bniap shiah bad mih da ki ñiut suda. Ka kynroh maw baroh sawdong ka la twa.

ISAÏAH 32:13

bad ki bniap shiah bad ki shynraiñ ki mih ha ka ri ki briew jong nga. To ïam na ka bynta ki ïing baroh ha kaba ki briew ki la ju long kiba kmen bad ka nongbah kaba la ju dap da ka jingim.

ISAÏAH 5:6

Ngan shah ïa ka ba kan dap da ki ñiut suda. Ngan ym khap ïa ki thning lane kara ïa ka khyndew, hynrei ngan shah ïa ki dieng shynraiñ bad ki shiah ba kin tap ïa ka. Ngan khang wat ïa ki lyoh ban pynhap slap ha ka.”

ISAÏAH 7:23

“Haba kata ka por ka wan, ki bri sohwaiñ babha, kawei kawei ka don shihajar tylli ki dieng sohwaiñ bad kawei kawei ka shongdor shihajar tylli ki sbai rupa, kin shlei da ki bniap shiah bad ki shynraiñ.

ISAÏAH 7:24

Ki briew kin behmrad hangta da ki ryntieh bad ki khnam. Ho-oid, ka ri baroh kawei kan dap da ki shynraiñ bad ki bniap shiah.

JEREMAÏAH 12:13

Ki briew jong nga ki la bet ïa u kew, hynrei ki la lum ïa ki ñiut; ki la trei shitom, hynrei kim shym ïoh ei ei na ka bynta kata. Namar ka jingbitar shla jong nga ki jingthung jong ki kim shym long.”

JEREMAÏAH 4:3

U Trai u ong ha ki briew jong ka Judah bad Jerusalem, “To lur ïa ki lyngkha jong phi ki bym pat ju lur; wat bet ïa ki symbai jong phi hapdeng ki shiah.

MATHAÏOS 13:7

Khyndiat na u symbai u la hap hapdeng ki bniap dieng shiah, kiba la san bad kjap noh ïa ki jingthung.

Ka Shithi U Paul Sha Ki Nong Rom 14:2

Ka jingngeit jong uno uno u briew ka shah ïa u ban bam ïa kano kano ka jingbam, hynrei u briew uba tlot ha ka jingngeit u bam tang da ki jhur.

HEBRU 6:8

Hynrei lada ka pynmih ïa ki shiah bad ïa ki ñiut, kam dondor ei ei; ka don ha ka, ka jingma naba U Blei un tim bad pynjot da ka ding.

JOSHUA 23:13

to tip skhem ba U Trai U Blei jong phi un ym beh shuh ïa kine ki jaitbynriew na khmat jong phi katba phi nang ïaid sha khmat. Pynban, kin long ka jingmynsaw ïa phi kum ka shangkhawiah lane ka thliew bad kaba pang shikatdei eh kum ka jingsympat ha ka ingdong jong phi lane ki shiah ha ki khmat jong phi. Bad kane kan neh tad haduh ba ym don shuh uwei ruh napdeng jong phi uba dang lait im ha kane ka ri kaba bha ïa kaba U Trai U Blei jong phi u la ai ha phi.